Ирмос: Утвержде́ние на Тя наде́ющихся, утверди́, Го́споди, Це́рковь, ю́же стяжа́л еси́ честно́ю Твое́ю Кро́вию.

Его́же безбе́дно я́ко сокро́вище, Богоро́дице, во утро́бе Твое́й прия́ла еси́, Христа́ моли́ е́же обогати́ти ве́рно Тя хва́лящия.

Ты утвержде́ние яви́лася еси́ е́же посреде́ вод, Со́лнце нося́щи пра́вды, Его́же моли́ просвети́тися рабо́м Твоим.

Всех Влады́чице, Грозд сладча́йш ми́ру всему́ израсти́вшая, весе́лием Твоим све́тлым всех обвесели́.

Возми́, Пречи́стая, е́же от зло́бы и́го мое́ и облегчи́ вселю́тый яре́м согреше́ний, я́ко да благонаде́жен сый при́сно ублажа́ю Тя.