Ирмос: От но́щи у́тренююща, Человеколю́бче, просвети́ молю́ся, и наста́ви и мене́ на повеле́ния Твоя́, и научи́ мя, Спа́се, твори́ти во́лю Твою́.

Спаси́ мя блу́днаго, Всенепоро́чная, предста́ни и изба́ви мя от враг всех ви́димых и неви́димых, состужа́ющих при́сно смире́ннеи́ души́ моей.

Ми́лостива Сы́на Твоего соде́лай, егда́ дела́ моя́ хощет та́йная и я́вная, увы́, истяза́ти, да не послет мя во огнь осужде́нна.

На Твою́ безме́рную бла́гость, Влады́ко Го́споди, аз окая́нный дерза́я и Ма́тере Твоея́ мольбы́, Спа́се, отню́д не отчаява́юся.

Весь от ю́ности бех непотре́бен, Всенепо ро́чная, умерщвле́н сластьми́ и уморе́н окая́нный, лю́те лежу́, но возста́ви мя.