Ирмос: Отроки благочести́выя в пещи́ Рождество́ Богородичо спасло́ есть; тогда́ у́бо образу́емое, ны́не же де́йствуемое, вселе́нную всю воздвиза́ет пе́ти Тебе́: Го́спода по́йте, дела́, и превозноси́те Его́ во вся ве́ки.

Боже́ственное сокро́вище вся́кия чистоты́ и богоначерта́нное де́вства жили́ще яви́лася еси́, Богоневе́стная, кри́не благоуха́ннейшии́ Насади́теля тва́ри и до́ме Боже́ственный, те́мже Тя, Де́во, пое́м и превозно́сим во ве́ки.

Божества́ Огнь носи́ла еси́, я́ко купина́, во утро́бе Твое́й неопа́льне, Евино отдая́ние и долг, Всепе́тая, разреша́ющи Боже́ственным Твоим рождество́м; те́мже Тя, Де́во, пое́м и превозно́сим во ве́ки.

Всего́ восприя́т мя нетле́нно и непрело́жно и неслия́нно по Испоста́си Сло́во всесоверше́нное, всего́ сочта́нием мя обожи́л есть, Влады́чице, лу́чшим отню́д: те́мже Тя, Де́во, пое́м и превозно́сим во ве́ки.

Естества́ прише́дый Хитре́ц[51]из горы́ Богома́тере, я́ко Младе́нец ссу́щий зри́тся ны́не рука́ма ма́тернима носи́мь, и вся воздви́зает Ма́терь Его́ воспе́та и возславосло́вити, я́ко еди́ну Богоро́дицу.