Ирмос: Просвеще́ние во тьме лежа́щих, спасе́ние отчаянных, Христе́ Спа́се мой, к Тебе́ у́тренюю, Царю́ ми́ра, просвети́ мя сия́нием Твоим; ино́го бо ра́зве Тебе́ бо́га не зна́ю.

На стра́сти, Де́во, возста́ви па́губныя любо́вию е́же «ра́дуйся» Ти вопию́щих, Дне та́инственного заре́: ра́дуйся, горо́ несеко́мая; ра́дуйся, слез Евиных избавле́ние.

Разреше́ние кля́твы, Всеблагослове́нная, ра́дуйся; согреша́ющих, ра́дуйся, очище́ние; ра́дуйся, высото́ Божества́ неудобовосхо́дная; ра́дуйся, Богора́дованная, немощству́ющих цельбо́, боле́знеи́ нас измени́.

Иже по Бо́зе «ра́дуйся» Ти вопию́щим упова́ние и покро́ве, ра́дуйся, пребыва́лище Бо́жия сла́вы; ра́дуйся, утеше́ние в ско́рбех; вся́каго вре́да, Чи́стая, и печа́ли изба́ви ны, к Тебе́ прибегающии́.

Не́ктаром возрожде́ния ве́рныя, ра́дуйся, Напоившая; ра́дуйся, Незаходи́маго Све́та о́блаче; све́щниче, ра́дуйся, просвеще́ние су́щим во тьме пода́вшая, Богороди́тельнице, тьмы вне́шния нас изба́ви.