Боже! Поспеши на помощь мне; Господи! Не замедли помочь мне. Да постыдятся и посрамятся ищущие душу мою, да возвратятся вспять и устыдятся желающие мне зла! Скоро да возвратятся вспять со стыдом говорящие мне: “хорошо, хорошо!” Да возрадуются и возвеселятся о Тебе все ищущие Тебя, Боже, и да говорят непрестанно: “да возвеличится Господь!” – любящие спасение Твое. А я – нищ и убог, Боже, помоги мне: помощник мой и избавитель мой – Ты, Господи, не замедли!

Слава: По 9-й кафисме, Трисвятое. Таже тропари, глас 6:

Помышляю день страшный и плачу деяний моих лукавых, како отвещаю Безсмертному Царю? Или коим дерзновением воззрю на Судию, блудный аз? Благоутробный Отче, Сыне Единородный, Душе Святый, помилуй мя.

Слава: Во юдоли плачевне, на месте, еже завещал еси, егда сядеши, Милостиве, сотворити праведный суд, не обличи моя сокровенная, ниже посрами мене пред Ангелы, но пощади мя, Боже, и помилуй мя. И ныне: Упование и Покров державный к Тебе притекающих, Богородительнице, благое Предстательство мiра, моли со безплотными прилежно, Егоже родила еси Человеколюбнейшаго Бога, избавитися душам нашым от всякаго прещения, Едина Благословенная.

Господи, помилуй(40) и молитва:

Владыко Господи, Боже наш, иже Един окаянныя моея души недуг и сея исцеление ведый, исцели ю, якоже веси, ради множества милости Твоея и щедрот Твоих, понеже от дел моих несть пластыря приложити ей, ниже елеа, ни обязания, но Ты, Пришедый не праведныя призвати, но грешныя в покаяние, помилуй, ущедри, прости ю, раздери рукописание многих моих и студных деяний и настави мя на правый путь Твой, да, ходяй во истине Твоей, возмогу избежати стрел лукаваго и сице предстану неосужденно пред страшным престолом Твоим, славя и воспевая Пресвятое Твое имя во веки, аминь.