На мирной ектении о болящих:

После обычного начала и 70-го псалма произносится ектения:

Миром Господу помолимся.

О свышнем мире...

О мире всего мира...

О доме сем и живущих в нем, Господу помолимся.

О еже простити всякое прегрешение вольное и невольное рабов Своих (илираба Своего),(имена)и милостиву быти им (ему), Господу помолимся.

О еже угасити огнь, и утолити болезнь, и милостивно исцелити недуг их (его), Господу помолимся.

О еже вскоре, яко сотнича отрока, хананеину дщерь и Петрову тещу, словом силы Своея милостивно исцелити и от одра болезни воздвигнути их (его), Господу помолимся.

О еже благосердия ради милости Своея, грех юности и неведения их (его) и родителей их (его) не помянути, но милостивно здравие им (ему) даровати, Господу помолимся.

О еже не презрети прилежная моления болящих рабов Своих (раба Своего), нами ныне молящихся (молящагося), но милостивно услышати, и благоуветливу, и благопременительну, и человеколюбиву им (ему) быти и здравие подати, Господу помолимся.

О еже посетите их (его) посещением Святаго Своего Духа, и исцелити всяк недуг и всяку болезнь в них (в нем) гнездящуюся, Господу помолимся.

О еже милостивно, якоже хананеин, услышати глас молитвы нас, недостойных рабов Своих, к Нему вопиющих, и якоже тоя дщерь, помиловати и исцелити болящих рабов Своих (болящаго раба Своего), Господу помолимся.

На мирной ектении о страждущем от страсти пиянства:

О еже простити всякое прегрешение вольное и невольное раба Своего(имя)и (о) еже милостиву быти ему, Господу помолимся.

О еже не помянута грех юности и неведения его, но милостивно спасение и воздержание ему даровати, Господу помолимся.

О еже посетити его посещением Святаго Своего Духа и исцелити всяк недуг и всяку страсть в нем гнездящуюся, Господу помолимся.

О еже помощи ему отразити вся противныя вещи (приражения) видимых и невидимых враг и подати ему, ко избавлению от страсти, силу и во всем благопоспешство, — силою, действом и благодатию Пресвятаго Духа, — Господу помолимся.

После Бог Господь поются тропари (о болящих):

Глас 4.Скорый в заступлении един сый, Христе, скорое свыше покажи посещение страждущим рабом Твоим (страждущему рабу Твоему), и избави от недуг и горьких болезней, и воздвигни во еже пети Тя и славити непрестанно, молитвами Богородицы, едине Человеколюбие.

Слава, глас 2.На одре болезни лежащих (лежащаго), и смертною раною уязвленных (уязвленнаго), якоже иногда воздвигл еси, Спасе, Петрову тещу и разслабленнаго на одре носимаго; сице и ныне, Милосерде, страждущих (страждущаго) посети и исцели; Ты бо един еси недуги и болезни рода нашего понесый, и вся могий, яко Многомилостив.

И ныне, глас 6:Предстательство христиан непостыдное, ходатайство ко Творцу непреложное, не презри грешных молений гласы, но предвари, яко Благая, на помощь нас, верно зовущих Ти: ускори на молитву и потщися на умоление, предстательствующи присно, Богородице, чтущих Тя.

Прокимен. Глас 1-й.Помилуй мя, Господи, яко немощен есмь, исцели мя, яко смятошася кости моя.

Стих:Яко несть в смерти поминаяй Тебе.

Апостол:Иак.зач. 57.

Евангелие:Мф.зач. 25 (или зач. 34 от полу или 63-е).

На сугубой ектении (после Евангелия) прошения о болящих:

Врачу душ и телес, со умилением в сердце сокрушенном к Тебе припадаем и стеняще вопием Ти: исцели болезни, уврачуй страсти душ и телес рабов Твоих (души и тела раба Твоего) —имя— и прости им (ему), яко Благосерд, вся прегрешения вольная и невольная, и скоро воздвигни от одра болезни, молим Ти ся, услыши и помилуй.

Не хотяй смерти грешных, но еже обратитися и живым им быти, пощади и помилуй рабов Твоих (раба Твоего) —имя— Милостиве; запрети болезни, отстави всю страсть и весь недуг, и простри крепкую Твою руку, и якоже Иаирову дщерь от одра болезни воздвигни и здравых (здрава) сотвори, молим Ти ся, услыши и помилуй.

Огненную болезнь Петровой тещи прикосновением Твоим исцеливый, и ныне люте страждущих рабов Твоих (страждущаго раба Твоего) —имя— болезнь благосердием Твоим исцели, здравие им (ему) скоро подавая, прилежно молим Ти ся, Источниче цельбам, услыши и помилуй.

Езекиины слезы, Манассиино и ниневитян покаяние, и Давидово исповедание приемый, и скоро тех помиловавый: и наша во умилении приносимыя Ти мольбы приими, Всеблагий Царю, и яко Щедр помилуй люте болящих рабов Твоих (болящаго раба Твоего), здравие им (ему) даруя, со слезами молим Ти ся, Источниче жизни и безсмертия, услыши и скоро помилуй.

Молитва (на молебне о болящем):

Владыко Вседержителю, Святый Царю, наказуяй и не умерщвляяй, утверждаяй низпадающия и возводяй низверженныя, телесныя человеков скорби исправляяй, молимся Тебе, Боже наш, раба Твоего(имя)немощствующа посети милостию Твоею, прости ему всякое согрешение вольное и невольное. Ей, Господи, врачебную Твою силу с небесе низпосли, прикоснися телеси, угаси огневицу, укроти страсть и всякую немощь таящуюся, буди врач раба Твоего(имя), воздвигни его от одра болезненнаго и от ложа озлобления цела и всесовершенна, даруй его Церкви Твоей благоугождающа и творяща волю Твою. Твое бо есть, еже миловати и спасати ны, Боже наш, и Тебе славу возсылаем, Отцу и Сыну и Святому Духу, ныне и присно и во веки веков. Аминь.