В переходящие праздники:

Неделя ваий.

Величаем Тя, Живодавче Христе, осанна в вышних, и мы Тебе вопием: Благословен Грядый во имя Господне.

Неделя Антипасхи.

Величаем Тя, Живодавче Христе, нас ради во ад сшедшаго и с Собою вся воскресившаго.

Святым женам-мироносицам.

Величаем вас, святии мироносицы, и чтим святую память вашу, вы бо молите о нас Христа, Бога нашего.

Вознесению Господню.

Величаем Тя, Живодавче Христе, и почитаем еже на небеса, с пречистою Твоею плотию божественное Вознесение.

Святой Троице.

Величаем Тя, Живодавче Христе, и чтим Всесвятаго Духа Твоего, Егоже от Отца послал еси божественным учеником Твоим.

Всем святым.

Величаем вас, святии вси, и чтим святую память вашу, вы бо молите о нас Христа Бога нашего.

В Неделю Всех святых, в земле Российской просиявших.

Величаем вас, святии вси, в земли Российстей просиявшии, и чтим святую память вашу, вы бо молите о нас Христа Бога нашего.

Иные величания127:

Пресвятой Троице.

Величаем Тя, Триипостасный Владыко, верою православною землю Русскую озарившаго и святых сродников наших сонм велий в ней прославлынаго.

Пресвятой Богородице.

Достойно есть величати Тя, Богородице, земли Русския Царицу Небесную, и людей православных Владычицу Державную.

Величание святым.

Ублажаем вас, чудотворцы наши славнии, землю Русскую добродетельми вашими озарившии и образ спасения нам светоявленно показавшии.

В непереходящие праздники:

Сентябрь.

Рождеству Пресвятой Богородицы(8 сентября128).

Величаем Тя, Пресвятая Дево, и чтим святых Твоих родителей, и всеславное славим рождество Твое.

Воздвижению Честного Креста Господня(14 сентября).

Величаем Тя, Живодавче Христе, и чтим Крест Твой святый, имже нас спасл еси от работы вражия.

Преподобному Сергию Радонежскому(25 сентября).

Ублажаем тя, преподобие отче Сергие, и чтим святую память твою, наставниче монахов и собеседниче Ангелов.

Апостолу и евангелисту Иоанну Богослову(26 сентября).

Величаем тя, апостоле Христов и евангелисте Иоанне Богослове, и чтим болезни и труды твоя, имиже трудился еси во благовестии Христове.

Октябрь.

Покрову Пресвятой Богородицы(1 октября).

Величаем Тя, Пресвятая Дево, и чтим Покров Твой Честный, Тя бо виде святый Андрей на воздусе, за ны Христу молящуюся.

Святителям Московским Петру, Алексию, Ионе, Филиппу и Ермогену(5 октября).

Величаем вас, святителие Христовы: Петре, Алексие, Ионо, Филиппе и Ермогене, и чтим святую память вашу, вы бо молите за нас Христа Бога нашего.

Ноябрь.

Собору Архистратига Михаила и прочих Небесных Сил бесплотных(8 ноября).

Величаем вас, Архангели и Ангели, и вся воинства, Херувими и Серафими, славящии Господа.

Введению во храм Пресвятой Богородицы(21 ноября).

Величаем Тя, Пресвятая Дево, Богоизбранная Отроковице, и чтим еже в храм Господень вхождение Твое.

Декабрь.

Святителю Николаю Мирликийскому Чудотворцу(6 декабря).

Величаем тя, святителю отче Николае, и чтим святую память твою, ты бо молиши о нас Христа Бога нашего.

Рождеству Христову(25 декабря).

Величаем Тя, Живодавче Христе, нас ради ныне плотию рождшагося от Безневестныя и Пречистая Девы Марии.

Январь.

Богоявлению(6 января).

Величаем Тя, Живодавче Христе, нас ради ныне плотию крестившагося от Иоанна в водах Иорданских.

Февраль.

Сретению Господню (2 февраля).

Величаем Тя, Живодавче Христе, и чтим Пречистую Матерь Твою, Еюже по закону ныне принеслся еси в храм Господень.

Март.

Благовещению Пресвятой Богородицы(25 марта).

Архангельский глас вопием Ти, Чистая: радуйся, Благодатная, Господь с Тобою.

Май.

Святым равноапостольным Кириллу и Мефодию(11 мая).

Величаем вас, святии равноапостольнии Мефодие и Кирилле, вся словенския страны ученьми своими просветившии и ко Христу приведшии.

Июнь.

Рождеству Иоанна Предтечи(24 июня).

Величаем тя, Предтече Спасов Иоанне, и чтим еже от неплодове преславное рождество твое.

Свв. первоверховным апостолам Петру и Павлу(29 июня).

Величаем вас, святии первоверховнии апостоли Христовы Петре и Павле, весь мир ученьми своими просветившии, и вся концы ко Христу приведшии.

Июль.

Святому равноапостольному великому князю Владимиру(15 июля).

Величаем тя, святый равноапостольный княже Владимире, и чтим святую память твою, идолы поправшаго и всю Российскую землю святым Крещением просветившаго.

Святому пророку Божию Илии(20 июля).

Величаем тя, святый пророче Божий Илие, и почитаем, еже на колеснице огненней, преславное восхождение твое.

Август.

Преображению Господню(6 августа).

Величаем Тя, Живодавче Христе, и почитаем пречистыя плоти Твоея преславное преображение.

Успению Пресвятой Богородицы(15 августа).

Величаем Тя, Пренепорочная Мати Христа Бога нашего, и всеславное славим успение Твое.

Перенесению Нерукотворенного Образа Господа Иисуса Христа(16 августа).

Величаем Тя, Живодавче Христе, и почитаем Пречистаго Лика твоего преславное воображение.

Усекновению главы Иоанна Предтечи(29 августа).

Величаем тя, Крестителю Спасов Иоанне, и почитаем вси честныя твоея главы усекновение.

Святому благоверному великому князю Александру Невскому(30 августа).

Величаем тя, благоверный княже Александре, и чтим святую память твою: ты бо молиши о нас Христа Бога нашего.

Величания общие:

Пред чудотворной иконою Богоматери.

Величаем Тя, Пресвятая Дево, Богоизбранная Отроковице, и чтим образ Твой святый, имже точиши исцеления всем с верою притекающим.

Достойно есть величати Тя, Богородице, честнейшую Херувим и славнейшую без сравнения Серафим.

Общее апостолу.

Величаем тя, святый апостоле (и евангелисте) Христов(имя), и чтим болезни и труды твоя, имиже трудился еси во благовестии Христове.

Общее святителю.

Величаем тя, святителю отче(имя), и чтим святую память твою, ты бо молиши о нас Христа Бога нашего.

Общее мученику.

Величаем тя, страстотерпче святый (имя), и чтим честная страдания твоя, яже за Христа претерпел еси.

Общее преподобному.

Ублажаем тя, преподобие отче(имя), и чтим святую память твою, наставниче монахов и собеседниче Ангелов.

Общее мученице.

Величаем тя, страстотерпице святая(имя), и чтим честная страдания твоя, яже за Христа претерпела еси.

Общее преподобной.

Величаем тя, преподобная мати(имя), и чтим святую память твою, наставнице инокиням и собеседнице Ангелов.