После обычного начала и 50-го псалмана мирной ектении прилагаются прошения:

О еже благословити доброе намерение рабов Своих(имена)и благоизволити благополучно начати и спешно129, кроме всякаго препятия, в славу Свою скончати, силою, действом и благодатию Пресвятаго Духа, Господу помолимся.

О еже труждающимся делателем благопоспешство в сем подати, и дела рук их исправити и в совершение силою, действом и благодатию Пресвятаго Своего Духа спешно произвести, Господу помолимся.

О еже ко благому тщанию рабов Своих(имена)благопоспешство со всяким довольством, силою, действом и благодатию Пресвятаго Своего Духа подати, Господу помолимся.

О еже приставити делу сему и делателем Ангела Хранителя, еже невидимо отразити вся противныя вещи, видимых и невидимых врагов, и во всем благопоспешство, к сооружению же — мудрость, и к совершению — силу, силою, действом и благодатию Пресвятаго Своего Духа подати, Господу помолимся.

После Бог Господь следующие тропари:

Глас 2.Творче и Создателю всяческих, Боже, дела рук наших к славе Твоей начинаемая, Твоим благословением спешно исправи, и нас от всякаго зла избави, яко един Всесилен и Человеколюбец.

Слава. Глас 6.Скорый в заступление и крепкий в помощь, предстани благодатию силы Твоея ныне, и благословив, укрепи, и в совершение намерения благаго дела рабов Твоих (раба Твоего) произведи, вся бо, елика хощеши, яко Всесильный Бог, творити можеши.

И ныне. Глас тойже.Предстательство христиан непостыдное...

Прокимен, гл. 4.Буди светлость Господа Бога нашего на нас, и дела рук наших исправи.

Стих:И призри на рабы Твоя и на дела Твоя.

Апостол:Флп.зач. 241.

Евангелие:Мф.зач. 20 от полу.

На сугубой ектений (молебен пред началом всякого доброго дела) прилагаются следующие прошения:

Призри, Человеколюбче, милостивым Твоим оком на рабы Твоя (раба Твоего)(имя), ко Твоему благоутробию верою припадающия (припадающаго), и услышав моления их (его), благое намерение и дело их (его) благослови, и благополучно начати и благоуспешно кроме всякаго препятия, во славу Твою, совершити, яко Всесильному Царю, молим Ти ся, услыши и помилуй.

Во всем поспешествуяй всем во благое, Господи, милостивно и рабом Твоим (рабу Твоему)(имя)поспешствуй, Спасе, и во благополучное совершение делу их (его) спешно произвестися благослови, молим Ти ся, Всемогий Владыко, услыши и помилуй.

Ангела Твоего Хранителя пристави делу сему, благоуветливе Господи, и еже воспятити вся препятия видимых и невидимых врагов, поспешство же во всем ко благополучному совершению делающим (делающему) сотвори, молим Ти ся, Преблагий Спасе, услыши и помилуй.

В славу Твою вся творити повелеваяй, Господи, рабом Твоим (рабу Твоему)(имя), к Твоей славе дело свое начинающим (начинающему), благословением Твоим поспешство благополучное с довольством к совершению подаждь, здравие им (ему) со благоденствием даруя, молим Ти ся, Вседаровитый Творче, услыши и помилуй.