¹Икӗ ҫул иртсессӗн фараон тӗлӗк курнӑ: акӑ вӑл ҫырма хӗрринче тӑ- рать пек; ² акӑ ҫырмаран илемлӗ, мӑнтӑр ӳтлӗ ҫичӗ ӗне тухнӑ та хӑмӑшлӑхра ҫисе ҫӳре пуҫланӑ; ³ акӑ вӗсем хыҫҫӑн ҫырма- ран тата ҫичӗ ӗне тухнӑ, хӑйсем начар, ырхан ӳтлӗ пулнӑ, вӗсем ҫырма хӗррине леш ӗнесем патне пырса тӑнӑ; ⁴ начар, ырхан ӳтлӗ ӗнесем илемлӗ ҫичӗ мӑнтӑр ӗнене ҫисе янӑ. Фараон вӑранса кайнӑ, ⁵ унтан каллех ҫывӑрса кайнӑ та тепӗр хут тӗлӗк курнӑ: акӑ пӗр хӑмӑлран ҫичӗ тутӑ та паха пучах ӳссе тухнӑ; ⁶ акӑ вӗсем хыҫҫӑн ҫичӗ выҫ ӑ пучах, тухӑҫ ҫилӗпе типсе кайнӑскерсем, ӳссе тухнӑ; ⁷выҫӑ пучахсем ҫичӗ тулли те тутӑ пучаха ҫисе янӑ. Фараон вӑранса кайнӑ та ку тӗлӗк пулнине ӑнласа илнӗ. ⁸ Ирхине фараонӑн чунӗ шикленсе ӳкнӗ, вӑл вара Египетри мӗнпур асамҫӑпа мӗнпур ӑсчаха чӗнтерсе илтернӗ те вӗсене хӑйӗн тӗлӗкне каласа кӑтартнӑ; анчах ҫав тӗлӗке фараона ни- кам та ӑнлантарса парайман.

⁹ Эрех парса тӑракансенӗн пуҫлӑхӗ фа- раона кала пуҫланӑ: эпӗ халӗ хамӑн ҫы- лӑхӑмсене аса илесӗп; ¹⁰ фараон хӑйӗн чурисене ҫилленнӗччӗ те мана тата ҫӑ- кӑр пар с а тӑракансенӗн пуҫлӑхне, пат- ша сыхлавҫисен пуҫлӑхӗн ҫуртне хупса, хурал аллине панӑччӗ; ^ппӗр каҫс ине эпир — эпӗ те, вӑл та — тӗлӗк куртӑмӑр, кашнийӗ хӑйне уйрӑм пӗлтерӗшлӗ тӗлӗк курчӗ; ¹² пирӗнпе пӗрле унта пӗр ҫамрӑк еврей, патшамӑр сыхлавҫисен пуҫлӑхӗн чури, пурччӗ; эпир ӑна хамӑр тӗлӗксене каласа патӑмӑр та, вӑл пире харпӑр хӑй тӗлӗкне кура ӑнлантарса пачӗ; ¹³ вӑл пи- ре епле каласа ӑнлантарчӗ, ҫаплах пул- са тухрӗ: эпӗ хамӑн вырӑна таврӑнтӑм, лешне ҫак са вӗлерчӗҫ, тенӗ.

¹⁴ Фараон вара ҫын янӑ та Иосифа чӗн- терсе илнӗ. Ӑна васкасах тӗрмерен ил- се тухнӑ. Вӑл ҫӳҫне кастарнӑ, тумтирне улӑштарнӑ, унт ан фараон патне пынӑ. ¹⁵ Фараон Иосифа каланӑ: эпӗ тӗлӗк кур- тӑм, анчах ӑна никам та ӑнлантарса па- раймасть; эпӗ сан ҫинчен тӗлӗк ӑнлантар- ма пӗлет тенине илтрӗм, тенӗ. ¹⁶ Иосиф фараона хуравласа каланӑ: манран кил- мест ку; фараон ырӑлӑхӗшӗн Турӑ ка- ласа парӗ, тенӗ. ¹⁷ Фараон вара Иосифа каланӑ: эпӗ тӗлӗк курт ӑм: акӑ ҫырма хӗрринче тӑратӑп пек; ¹⁸ акӑ ҫырмаран илемлӗ, мӑнтӑр ӳтлӗ ҫичӗ ӗне тухрӗ те хӑмӑшлӑхра ҫисе ҫӳре пуҫларӗ; ¹⁹ акӑ вӗ- сем хыҫҫӑн ҫырмаран тата ҫичӗ ӗне тухрӗ, хӑйсем начар, илемсӗр, ырхан ӳтлӗ; эпӗ пӗтӗм Египет ҫӗрӗнче вӗс ем пек начар ӗне курманччӗ; ²⁰ начар, ырхан ӗнесем малтанхи ҫичӗ мӑнтӑр ӗнене ҫисе ячӗҫ; ²¹ мӑнтӑррисем вӗсен ӑшне кӗрсе кайрӗҫ, анчах мӑнтӑррисем вӗсен ӑшне кӗни па- лӑрмарӗ те: лешӗсем унчченхи пекех ыр- хан тӑрса юлчӗҫ. Вара эпӗ вӑранса кай- рӑм. ²² Унтан татах тӗлӗк куртӑм: акӑ пӗр хӑмӑлтан ҫичӗ тулли те паха пучах ӳссе тухрӗ; ²³ акӑ вӗсем хыҫҫӑн тухӑҫ ҫилӗпе типсе кайнӑ ҫичӗ пушӑ та выҫӑ пучах ӳссе тухрӗ; ²⁴ выҫӑ пучахсем ҫичӗ паха пучаха ҫисе ячӗҫ. Эпӗ ҫакна асамҫӑсене каласа патӑм, анчах никам та мана ӑнлантарса параймарӗ, тенӗ.

{[19] Пулт 41:13. [20] Мк 6:21. [22] Пулт 40:19. [23] Ам 6:6.

41-мӗш сы пӑк. [1] Дан 2:1. [6] Иез 17:10. [8] Пулт 40:7. Дан 2:3. Тух 7:11. [10] Пулт 40:3. [11] Пулт 40:8.

[13] Пулт 40:19. [14] Пс 104:20. [16] Дан 2:30. Мф 10:20. 1 Кор 15:10. [21] Пулт 41:4.}

²⁵ Иосиф фараона каланӑ: фараонӑн тӗ- лӗкӗсем пӗр тӗлӗкех: Турӑ Хӑй мӗн тӑвас- сине фараона пӗлтернӗ. ²⁶ Ҫичӗ паха ӗне вӑл — ҫичӗ ҫул; ҫичӗ паха пучах та — ҫичӗ ҫул: пӗр тӗлӗкех ку; ²⁷ лешӗсем хы- ҫӗнчен тухнӑ ҫичӗ ырхан та начар ӗне вӑл — ҫичӗ ҫул, тухӑҫран вӗрекен ҫилпе типсе кайнӑ ҫичӗ пушӑ пучах та — ҫичӗ ҫул, выҫлӑх ҫулӗсем вӗсем. ²⁸ «Турӑ Хӑй мӗн тӑвассине фараона кӑтартнӑ» тесе, эпӗ фараона ҫавӑнпа каларӑм ӗнтӗ. ²⁹ Акӑ пӗтӗм Египет ҫӗрӗнче ытлӑ-ҫитлӗ, тулӑх- лӑ ҫичӗ ҫул пулӗ; ³⁰ вӗсем хы с ҫӑн ҫичӗ ҫул выҫлӑх пулӗ, вара Египет ҫӗрӗнче ыт- лӑ-ҫитлӗ, тулӑхлӑ пулнӑ ҫулсем пӗтӗмпе манӑҫа тухӗҫ, ҫӗре выҫлӑх типӗтсе ярӗ, ³¹выҫлӑх ҫитнӗ пирки ҫӗр ҫинче ӗлӗкхи тулӑх ҫулсем асран кайӗҫ, мӗншӗн тесе- ссӗн выҫлӑхӗ питӗ хаяр пулӗ. ³² Тӗлӗк фа- раона икӗ хут курӑнни ҫакӑ чӑнах Турӑ сӑмахӗ иккенне, ҫакна Турӑ часах тӑвас- сине пӗлтерет. ³³Халӗ ӗнтӗ фараон ӑслӑ- тӑнлӑ ҫын суйласа илтӗр те ӑна Египет ҫӗрӗн пуҫлӑхӗ туса хутӑр. ³⁴ Фараон ҫӗре пӑхса тӑракан ҫынс ем суйласа лартма хуштӑр, ытлӑ-ҫитлӗ ҫулсенче — ҫичӗ ҫул хушши — Египет ҫӗрӗнчи [пӗсӗм ҫимӗ- ҫӗн] пиллӗкӗмӗш пайне пуҫтарса пыма хуштӑр; ³⁵ вӗсем ҫис ес ӑнӑҫлӑ ҫул сенче пур тӗрлӗ тырӑ-пулӑ пухчӑр, ӑна фараон аллине пар с а, кайран ҫимешкӗн хула- сенче упраса усраччӑр; ³⁶ ҫӗр выҫлӑхпа ан пӗттӗр тесе ссӗн, ҫак тырӑ-пулӑ Египет ҫӗрӗ ҫинче пулас ҫичӗ выҫлӑх ҫул валли сыхлӑха пултӑр, тенӗ.

³⁷ Ҫакӑ фараона та, унӑн тарҫисене те пурне те кӑмӑлне килнӗ. ³⁸ Фараон хӑ- йӗн тар с исене каланӑ: ку ҫын ӑшӗнче Турӑ Сывлӑшӗ пур, эпир ҫакӑн пек ҫын тупайӑпӑр-и? тенӗ. ³⁹ Унтан фараон Иоси- фа каланӑ: ҫакна пурне те сана Турӑ пӗл- тернӗ, ҫавӑнпа сан пек ӑслӑ-тӑнлӑ ҫын ҫук; ⁴⁰ эсӗ манӑн килӗм пуҫлӑхӗ пулӑн, манӑн пӗтӗм халӑхӑм санӑн сӑмахна ит- лесе тӑрӗ; патшара ларнӑран ҫеҫ эпӗ сан- ран аслӑ пулӑп, тенӗ. ⁴¹ Фараон Иосифа тата каланӑ: акӑ эпӗ сана пӗтӗм Египет ҫӗрне пуҫ туса лартатӑп, тенӗ. ⁴² Фараон вара хӑйӗн пӳрнинчен ҫӗррине хывса ил- нӗ те ӑна Иосиф пӳрнине тӑхӑнтартнӑ; ӑна виссон тумтир тумлантарнӑ, мӑйне ылтӑн вӑчӑра ҫакса янӑ; ⁴³ ӑна хӑйӗн ик- кӗмӗш урапи ҫине лартса ҫӳреме хушнӑ, унӑн умӗнчен: чӗркуҫленӗр! тесе кӑшкӑр- са пыма хушнӑ. Ӑна пӗтӗм Египет ҫӗрне пуҫ туса хунӑ. ⁴⁴ Фараон Иосифа каланӑ: эпӗ фараон; санран ирӗк илмесӗр пӗтӗм Египет ҫӗрӗнче никам та аллине те, ури- не те хускатмӗ, тенӗ. ⁴⁵ Фараон Иосифа Цафнаф-панеах ятлӑ хунӑ, ӑна Асенефӑ- на — Или ополь хули апӑсӗн Потиферӑн хӗрне — качча ил се панӑ. Вара Иосиф Египет ҫӗрӗ тӑрӑх кайнӑ.

⁴⁶ Фараон — Египет патши — умне тӑнӑ чухне Иосиф вӑтӑр ҫулта пулнӑ. Иосиф фараон патӗнчен кайнӑ та пӗтӗм Египет ҫӗрӗ тӑрӑх ҫӳресе тухнӑ. ⁴⁷ Тулӑхлӑ ҫул- сенче — ҫичӗ ҫул хушши — ҫӗр вара пӗр пӗрчӗрен пӗр ывӑҫ парса тӑнӑ. ⁴⁸ Египет ҫӗрӗнче ҫичӗ ҫул хушши [ӑнс а] пулнӑ тӗрлӗ тырпула Иосиф пухсах пынӑ, тыр- ра хуласене пухса хунӑ; кашни хулана ун таврашӗнчи хирс енчен тырӑ пухс а хунӑ. ⁴⁹ Иосиф темӗн чухлӗ тырӑ пухнӑ, вӑл тинӗсри хӑйӑр пек нумай пулнӑ, тыр- ра шутлама хисеп ҫитменнипе вӑл ӑна шутлама та пӑрахнӑ.

⁵⁰ Выҫлӑх ҫулсем ҫитиччен Иосифӑн икӗ ывӑл ҫуралнӑ, вӗс ене ӑна Асенефа — Илиополь хули апӑсӗн Пос иферӑн хӗ- рӗ — ҫуратса панӑ. ⁵¹Аслӑ ывӑлне Иосиф Манассия ятлӑ хунӑ, [вӑл каланӑ:] мӗн- шӗн тесессӗн Турӑ мана хам курнӑ пӗтӗм хуйхӑм-суйхӑма, аттемӗн пӗтӗм кил-ҫурт- не манмалла турӗ, тенӗ. ⁵² Тепӗр ывӑлне Ефрем ятлӑ хунӑ, [вӑл каланӑ:] мӗн шӗн тесессӗн хам асап курнӑ ҫӗршывра Турӑ мана ӗрчевлӗ турӗ, тенӗ.

⁵³ Египет ҫӗрӗнче ытлӑ-ҫитлӗ, тулӑхлӑ ҫичӗ ҫул иртсе кайнӑ та, ⁵⁴ Иосиф каланӑ пек, ҫичӗ выҫлӑх ҫул ҫитнӗ. Пур ҫӗрте те выҫлӑх пулнӑ, пӗтӗм Египет ҫӗрӗ ҫеҫ

{[26] Пулт 40:12. [30] 4 Пат 8:1. [40] Пс 104:21. 1 Мак 2:53. Ап ӗҫс 7:10. [41] Ӑсл 10:14. [42] Эсф 3:10.

Иез 16:11. Дан 5:29. [46] Пулт 37:2. [50] Пулт 46:20; 48:5, 20. [54] Пс 104:16.}

тырӑллӑ пулнӑ. ⁵⁵ Пӗтӗм Египет ҫӗрӗ те выҫлӑх тӳҫе пуҫласассӑн, халӑх фарао- на йӑлӑнса тырӑ ыйта пуҫланӑ. Фараон вара Египет ҫыннисене пурне те: Иосиф патне кайӑр та вӑл мӗн каланине тӑвӑр, тенӗ. ⁵⁶ Пур ҫӗрте те выҫлӑх пулнӑ; Иосиф пӗтӗм кӗлете уҫнӑ та Египет ҫыннисене тырӑ сута пуҫланӑ. Египет ҫӗрӗнче выҫ- лӑх хаярлансах пынӑ. ⁵⁷Пур ҫӗршывран та Египета Иосифран тырӑ илме пынӑ, мӗншӗн тесессӗн пӗтӗм ҫӗр ҫинче выҫлӑх хаярлансах пынӑ.