Не прияхом бо творити преждеосвященные, даже до среды, за еже поститися по преданию всему братству: могущий же да пребудут постяшеся до пятка. Святые же горы типик в первый убо день отнюд не повелевает ясти. Во вторник же, в среду и в четверток, ясти подобает по единой литре хлеба, и воду, и ино ничтоже, разве соли требуя с хлебом (л. 349 об.).

В среду 1-я седмицы вечера:

– Входяще в трапезу, ядим сухоядение: пием и сок с медом;

– В четверток же тоя седмицы трапезы не поставляем, но пребываем постящеся даже до пятка: тогда бо ядим входяще в трапезу (л. 355).

В пяток 1-я седмицы вечера:

– Обаче ядим варение с сливами без елеа, и армеа: произволяющии же ядят сухоядение, якоже и в среду (л. 356).

В субботу 1-ю святых постов:

– И ядим боб обваренный, с маслинами белыми и черными, и варение с елеем. Вина же испиваем по красоволю, ради святого (л. 356 об.).135

В неделях великие 40-цы, кроме недели Ваий:

– На трапезе же ядим варение с елеем, а не рыбы (л. 358).

Среда 4-я седмицы на утрени (Крестопоклонная):

– Ведомо же да будет и сие, яко в сию средопостную среду, на трапезе не достоит разрешати на елей и вино, яко паче день плача, а не радости (л. 364).

В среду 5-я седмицы вечера:

– На трапезе разрешаем на елей, и вина причащаемся труда ради бденного, хотящего быти: внимающий же спастися, воздержанию прилежат (л. 366).

В четверток 5-я седмицы:

– На трапезе же ядим елей, и вино пием, труда ради бывшего. Нецыи же уставы разрешати точию на вино попущают, на елей же не оставляют. Во святые же горы типице рассуждает:

– на святых мученик 40;

– на Предтечевы главы обретение;

– в среду крестопоклонную;

– на великий канон, и

– на неседальное (Акафист) ясти два варения со елеем, и испивати по две чаши вина (л. 366 об., 367).

В субботу 5-я седмицы постов (Акафистная):

– На трапезе ядим два варения с елеем, и пием вино, благодаряще всесвятую Владычицу нашу Богородицу, о бывшем от Нее чудеси (л. 368).

Суббота святого и праведного Лазаря:

– На трапезе учреждаемся варением со елеем. Аще же и икру имамы, да дастся коемуждо брату по три онгии (102, 6 гр.): и вино пием (л. 370 об.).

Великая седмица (или страстная)136:

– На трапезе же ядим сухоядение, и сим удовляемся: и якоже в 1-ю седмицу святого сего поста, сице и в сия дни: в великий понедельник, во вторник и в среду, поститися подобает (л. 375).

Во святый и великий четверток вечера:

– Та же входим в трапезу, и ядим варение с елеем. Пием же и вино, и ино сухоядение, занеже поется Аллилуиа.

Студийския же обители Типик повелевает в великий святый четверток ясти едино варение, и сочиво, и обварен боб: пием же и вино. Святые же горы Типик повелевает во святый великий четверток, ясти варения два с елеем, вина по 3 чаши. И сия вся како, рассудит настоятель, зря свою о Христе братию произволяющу к душеспасительной пользе (л. 378 об.).

Святый великий пяток:

– Подобает же и сие ведати, яко прияхом в Палестине, сей святый день великого пятка, не творити преждеосвященную, ниже паки совершенную литургию, но ниже трапезу поставляем, ниже – ядим в сей день распятия: аще же кто будет многонемощен или престарелся, и не могий пребыти постен, дается ему хлеб и вода, по захождении солнца. Сице бо прияхом от святых заповедей святых Апостол, не ясти в великий пяток. Господне бо слово, еже рече к фарисеом: «Яко егда отимется от них жених, тогда постятся в тыя дни» (Мф.9:15): зде блаженнейший Апостоли восприяша. И сие обрящеши во апостольских преданиях, внимательно сия проходя. Но и правильное послание святейшего архиепископа Александрийского Дионисия яве сие предпоставляет (л. 382).

Во святую и великую субботу вечера:

– По отпусте же исходим из церкви в трапезу, и сядем кийждо на месте своем, с безмолвием и со благоговеинством. И абие входит келарь, и дает братии по единому укруху (ломтю) хлеба: якоже бы просфоры на то уготовлены, в пол литры хлебы, умерены равны, и по 6 смоквей, или фиников, и по единой мерней чаши вина. А идеже вина несть, испивают братия квас от меда, или от жита.137

О Сочиве138 же и овощи:

– На сухоядении же стафиды (виноград сухий), и маслицы, и ягоды винные сухи, рекше едино коеждо на кийждо день: маслиц убо чащицу полну питию; стафид же равну: орехов 6, смоквей 8 средних, малые убо и великий разнствуют. Тако убо достоит и о прочих овощей подобных сим: яко же выше рекох, о пряженых сочивех. Сия же вся, и варена же и сурова, егда же суть суха, такожде подобно есть. Егда же время имать зелена, и пища и мера разнствует. От зелей же яко же есть, подобна и варена и сурова (сырые), и еще же и квашена, рекомая армеа139 и комбоста: фаво140, слано, и репа со уксусом, и прочая подобная сим уготовлена, и подобающая в постные дни и нужную потребу исполняющая (л. 44).