Подобает ведати, аки аще случится Христова Рождества праздник, и святых Богоявлений, в среду или пяток, разрешаем на сыр и яйца: миряне же на мясо.133

Аще ли случится Рождество Богородицы, или Сретение, или Успение, в среду, и пяток, разрешаем на рыбу и вино.

Праздник же Преображения и Введения, в кой день ни случится, разрешаем на рыбу и вино, и ядим дважды днем.

Благовещение же, в кой убо день будет святого поста до недели Цветоносный, разрешаем на рыбу и вино, ядим же единою днем, кроме субботы, и недели.

В великую же неделю, аще случится до великого четвертка, разрешаем на елей и вино.

В великий же пяток, на вино точию.

Праздник же Предтечев, Рождество и святых апостол Петра и Павла, и возлюбленного Иоанна Богослова, аще случится в среду и пяток, ядим рыбу, и пием вино, дважды днем.

На воздвижение Честного Креста, и на усекновение Предтечи не ядим рыбы, но елей, и вино пием, и в вечер ядим без рыбы же, овощие от гроздия, или что Бог дарует от таковых.

В дванадесятих же днех по Рождестве Христове, и в седмице пред мясопустом, и седмицу светлую и седмицу 50-ю, разрешают монаси на сыр и яйца, мирстии же на мясо.

В седмицу же сырную, разрешают монаси и мирстии на сыр и яйца. В среду же и пяток, в девятый час, единою днем.

В средах же и пятцех, всея пятьдесятницы, елей и вино, кроме среды преполовения, и среды отдания Пасхи: в та бо два дни разрешаем на рыбу и вино.134

Неции же разрешают и в прочие.

Подобает ведати, яко в пост святых апостол, и Рождества Христова во вторник, и четверток, рыбы не ядим, но елей и вино точию. В понедельник, в среду и пяток ни елеа вкушаем, ни вина, но постимся до 9-го часа, и ядим в тыя дни сухоядение. В субботы же и недели, ядим рыбы (л. 37 и об.).

Подобает ведати, пост к Рождеству Христову, святую Четыредесятницу. Должны есмы в сей 40-це сохраняти в коейждо седмице три дни, постящеся от елеа и вина, понедельник, среду и пяток. Точию аще случится великий святый, в того бо память разрешаем, и творим за любовь святого праздника Его ради, еже есть сего месяца 16-го (ап. и ев. Матфея), 25-го (свщмч. Климента), 30-го (ап. Андрея Первозванного). Декемвриа 4-го (вмц. Варвары), 5-го (прп. Саввы освящ.), 6-го (свт. Николая), 9-го (Зачатие прав. Анны), 17-го (прор. Даниила и трех отроков), (вщмч. Игнатия Богоносца). В те бо дни, аще во вторник и в четверток, ядим рыбу. В понедельник же, в среду и в пяток, разрешаем точию на елей и вино, рыбы же не ядим, кроме храма. Аще ли единому от сих во обители храм, разрешаем на рыбу и вино. Введение же Богородицы в кий либо день случится аще в среду или пяток, разрешаем и на рыбы. Неции же уставы от 9-го числа декемврия повелевают поститися, и на рыбы не разрешати, кроме суббот и недель, и храма святого. От 20-го же числа, даже до 25-го, аще и суббота и неделя случится, не разрешаем на рыбы (л. 109).

Аще случится святый во вторник, или в четверток имеяй славословие, ядим рыбу.

Аще в понедельник, подобие.

Аще среда и пяток, разрешаем на елей и вино точию: ядим же единою днем.

Аще ли святый имеяй бдение, в среду, или пяток, разрешаем на елей и вино и рыбу.

Аще ли случится память святого, его же есть храм, в среду, или пяток, творим подобие (л. 37 и об.).

О посте Пресвятыя Богородицы подобает ведати: в пост святой Владычицы нашей Богородицы Успения, 15 дней, кроме Преображения Христова, постимся до 9-го часа дне: понедельник, среду и пяток, сухоясти: и творим коленопреклонение, даже до причащения. Во вторник и четверток, варение без елеа. В субботу же и неделю, варение со елеем, и вино пием: рыбы же не ядим, до Успения Пресвятой Богородицы, но токмо на Преображение Христово, ядим рыбу, дважды днем (л. 37 об., 38).