Йааков уолаттарын ынырбыт уонна эппит:

“ — Түмсүн, кэлэр кэмнэ эһигини туох күүтэрин этиэм,

²хомуллун уонна истин, Йааков уолаттара,

аҕаҕытын Йисраэли болҕойун.

³ Реувен — мин улаханым. Эн бааргын — мин күүһүм, мин күүһүм үнүгэһэ,

барҕа баарым бастына, көмүскэлим үрдүгэ;

⁴ ол эрэн эн халаан уутун курдук ханылгын, бастыан суоҕа,

аҕаҥ оронугар тахсан, сытар олбохпун тэбистиҥ.

⁵ Шимеон уонна Левий — ини-биилэр, кырыктарын өргөһө — кылыстара.

⁶ кинилэр эйгэлэригэр киириэм суоҕа, кинилэр кэккэлэригэр

мин ытык аатым кыттыһыа суоҕа — уордайбыт омуннарыгар киһини өлөрөллөр, атаҕын иҥиирин быһа охсон оҕуһу кытта охтороллор.

⁷ Кырыктаах дьайдара кыраннын, уорааннаах уохтара умса бардын. кинилэри Йааков ууһугар ыскайдыам,

Йисраэль иһигэр тарҕатыам.

⁸ Йехуда, эйигин инилэриҥ айхаллыахтара.

Эн илииҥ өстөөхтөрүҥ сүнньүгэр,

эн аҕаҥ уолаттара эйиэхэ сүгүрүйүөхтэрэ.

⁹ Уолан хахай Йехуда

Уолум булду кыайа-хото тутаҕын.

Хахай курдук дархаһыйан, сүһүөҕүн бокутан сыппытын аймыах айылаах, ама, баар үһүө?

¹⁰ Шило кэлиэр диэри, норуоттар бэриниэхтэригэр диэри,

Йехуда баһылыыр тайаҕын ыһыктыбатын, дьаһалтатын намыраппатын.

¹¹ Виноград лабаатыгар өсүөл оҕотун баайар, бастыҥ уохтаах отоҥҥо тыһы өсүөл оҕотун иҥэрэр, таҥаһын арыгыга сууйар,

уохтаах отон сүмэтигэр сайҕыыр.

¹² Арыгыттан хараҕа килбэчийэр, үүттэн тииһэ маҥхайар.

¹³ Зевулон муора кытылыгар олохсуйуоҕа -онно уу ааллара тиксэллэр,

ол сир Сидуоҥҥа тиийэн муҥурданар.

¹⁴ Иссахаар — уу сүүрүгүн быыһыгар сытар бөҕөх өсүөл.

¹⁵ кини сынньанар үтүөтүн, сир кэрэтин көрбүт киһи. сүгэһэри уйунарга саннын нүксүппүт, иэс толугар бэриммит.

¹⁶ Даан норуотун салайыаҕа,

Йисраэль уустарыттан биирдэрин.

¹⁷ Даан — суол моҕойо, айан моһоло,

ат тилэҕин кэйиэҕэ, айанньыты суулларыаҕа.

¹⁸ Айыы Тойон, эн көмөҕөр эрэнэбин.

¹⁹ Г аады түөкүттэр түбүлүөхтэрэ эрээри, кини да хаалсыа суоҕа, ситиһиэҕэ.

²⁰ Ашер аһа өлгөм, ыраахтааҕы аһын биэриэҕэ.

²¹ Нафталии — кэрэ лабаатын тэниппит көнүл таба.

²² Йосеф — үүнүү уола,

уу сыккыһыттан угуттанар, лабаалара эркини сабардыыллар.

²³ кинини атаҕастаабыттара, ытыалаабыттара, охчуттар өстөспүттэрэ.

²⁴ Ол эрэн кини оҕо кытаанах этэ, илиитин былчына сымса,

ол — Йааков илиитин күүһүттэн,

Йисраэль бөҕө Маныыһыта эмиэ онтон.

²⁵ Кини — эн аҕан Танарата, эйиэхэ көмөлөһүө, Кини — модун, эйигин алгыаҕа:

Үөһэттэн халлаан алгыһынан,

Түгэҕэ көстүбэт дирин алгыһынан, эмпит эмсэххинэн, үөскээбит киэлигинэн,

²⁶ былыргы хайалар алгыстарыттан, үйэлээх үрдэллэр үтүө көстүүлэриттэн үрдүк алгыһынан — аҕаҥ алгыһынан. ол барыта — Йосеф төбөтүгэр түстүн, убайдарыттан талыллыбыт чулуу дьулайыгар.

²⁷ Бэнийэмиин адьырҕа бөрө: сарсыарда бултаабытын сиир, киэһэ тарпытын тиниктиир.

²⁸ Бу— бары Йисраэль уустара уонна аҕалара эппит алгыстара. Уус уус аайы туспа алгыс.

²⁹Кинилэргэ кэс тылын эппит:

— Мин дьоммор аттанан эрэбин, миигин Хет киһитэ Эфрон хонуутугар баар хаспахха өбүгэлэрбин кытта көмөөрүҥ. ³⁰Били Авраһаам Хет киһититтэн Эфронтан хонууну кытта көмөргө анаан атыыласпыт, Ханаан си-ригэр Мамре иннигэр баар Махпела хонуутугар баар хаспахха. ³¹ Онно Авраһаамы, кини ойоҕун Саараны көм-пүттэрэ, онно Йицхаагы уонна кини ойоҕун Ривеканы көмпүттэрэ, мин онно Лияны көмпүтүм. ³² Ол хонууну уонна онно баар хаспаҕы Хет уолаттара атыылаа-быттара.

³³ Йааков кэс тылын уолаттарыгар этэн баран оронугар сыппыт уонна өлбүт, өбүгэлэригэр аттаммыт.