¹ Авраһаам онтон тахсан Негев сирин диэки бар-быт, итиэннэ Кадеш уонна Суур икки ардыгар олохсуйбут, онтон Гераарга тиийбит. ²Авраһаам ойоҕун Саарраны: «Балтым», — диэбит. Онон Гераар ыраах-тааҕыта Авимелех Саарраны ыллара дьонун ыыппыт. ³Түүн Авимелех түүлүгэр Таҥара кэлбит уонна киниэхэ эппит: «Бу ылбыт дьахтарыҥ туһуттан өлүөҕүҥ, тоҕо диэтэххэ, кини эрдээх». ⁴Авимелех дьахтарга чугаһыы илик буолан эппит: «Тойонуом, ама аньыыта-буруйа суох дьону эмиэ өлөрүөҥ дуо? ⁵Ама, кини бэйэтэ миэхэ «мин балтым» диэн эппэтэҕэ дуо? Уонна Саарра да, эмиэ «убайым» диэбитэ. Мин маннык быһыыланарбар сү-рэҕим көнө уонна илиим ыраас этэ». ⁶Кини түүлүгэр Таҥара эппит: «Сүрэҕиҥ көнөтүнэн быһыыламмыккын билэбин. Ол иһин миэхэ аньыы оҥорботун диэн эйигин тохтоттум, ол иһин кинини тыытаргын көҥүллээбэтим. ⁷Оттон билигин ойоҕун эригэр төннөр, тоҕо диэтэр-гин кини — Таҥара этитэр киһитэ, эн тускар үҥүөҕэ, оччоҕо эн тыыннаах буолуоҥ. Оттон төннөрбөтөххүнэ, өлөр өлүүҥ тириэҕэ, итиэннэ дьоҥҥор-сэргэҕэр эмиэ». ⁸Авимелех сарсыарда эрдэ турбут уонна чаҕардарын барыларын ыҥыртаабыт. Кинилэргэ ити тыллары ба-рытын тиэрдибит. Ол дьон олус диэн куттаммыттар. ⁹Авимелех Авраһаамы ыҥырбыт уонна киниэхэ: «Эн тоҕо итинник быһыыланныҥ? Эйиэхэ туох аньыым иһин миэхэ уонна саарыстыбабар улахан аньыыны аҕаллыҥ. Ити — киһи киһиэхэ оҥоруо суохтааҕын оҥордуҥ», — диэбит. ¹⁰Авимелех Авраһаамҥа эппит: «Тугу түүйэн маннык быһыыны быһыыланныҥ?» ^пАвраһаам эппит: «Бу сиргэ Таҥараттан куттал суоҕа буолуо диэн, онон ойоҕум туһуттан миигин өлөрүөхтэрэ диэн. ¹²Итиэннэ, кини, кырдьык, балтым — аҕам кыыһа, ол эрэн ийэм кыыһа буолбатах. Кини ойоҕум буолбута. ¹³Миигин Таҥара төрөөбүт дьиэбиттэн таһааран ыытарыгар мин ойохпор: «Абыраа, ханнык да сиргэ тиийдэргин, онно миигин убайым диэр», — диэн эппитим», — диэбит. ¹⁴Авимелех Авраһаамҥа кыра да, улахан да сүөһүнү, кулуттары биэрбит уонна ойоҕун Саарраны төннөрбүт. ¹⁵Авимелех киниэхэ: «Дьэ, эн иннигэр бу мин сирим — сөбүлээбит сиргэр олохсуй», — диэбит. ¹⁶Оттон Саарраҕа: «Дьэ, убайгар үрүҥ көмүһүнэн тыһыынчаны биэрдим, ити бар дьоҥҥор эйигин сааттан-сууттан харыстыаҕа», — диэбит. ¹⁷Авраһаам Таҥараҕа үҥпүт, онуоха Таҥара

Авимелеҕи, кини ойоҕун, кулут дьахталларын чөллө-рүгэр түһэрэн, төрүүр-ууһуур аналламмыттар. ¹⁸Тоҕо диэтэххэ бу иннинэ Айыы Тойон Авраһаам ойоҕуттан Саарраттан сылтаан кини ууһун дьахталларын төрөө-бөт гына хам баайбыт эбит.