Йааков көрбүтэ, арай Эсав түөрт сүүс киһи-ОО лээх иһэр эбит. Онуоха кини Лия уонна Рахель оҕолорун, итиэннэ икки кулут дьахталларын оҕолорун тус-туспа туруортаабыт. ²Кулут дьахталларын уонна кинилэр оҕолорун бастаппыт, кинилэр кэннилэриттэн Лия оҕолорунуун буолбуттар, ол кэннигэр Рахель уонна Йосеф испиттэр. ³Бэйэтэ кинилэр иннилэригэр испит, убайыгар чугаһаан иһэн, сиргэ диэри сэттэ төгүл сөһүр-гэстээбит. ⁴Оттон Эсав киниэхэ утары сүүрэн тиийбит, кууһан ылбыт уонна моонньугар ыйана түһэн сыллаан-уураан барбыт, иккиэн ытаспыттар. ⁵Кини дьахталлары уонна оҕолору көрөн: «Бу кимнээҕий?» — диэн ыйыппыт. Йааков: «Танара эн кулуккар биэрбит оҕолоро», — диэ-бит. ⁶Кини кулут дьахталлара уонна кинилэр оҕолоро кэлэн сөһүргэстээбиттэр. ⁷Лия оҕолорунуун кэлэн эмиэ сөһүргэстээбиттэр, ол кэннэ Йосеф уонна Рахель кэлэн сөһүргэстээбиттэр. ⁸Эсав: «Оттон миигин аара көрсүбүт уһун үрбэлээх дьон туохха этэй?» — диэн ыйыппытыгар Йааков: «Тойонум санаатын манньытаары», — диэбит. ⁹Онуоха Эсав эппит: «Миэхэ бэйэбэр да элбэх, эйиэнэ бэйэҕэр хааллын». ¹⁰Йааков эппит: «Кэбис даа, өскөтүн эн санааҕын манньыппыт буоллахпына, биэрэр бэлэх-пин ыл. Эн дьүһүннүн көрбүтүм, Танараны көрбүккэ тэн, эн миигин үтүөнэн көрүстүн. ^пМин эйиэхэ аҕал-быт алгыспын ыл, тоҕо диэтэххэ миигин Танара өлгөм өлүүлээбитэ — миэхэ барыта баар», — диэбит уонна олус көрдөспүтүгэр кини ылбыт. ¹²Эсав Йааковка: «Чэ, барыах-ха, мин эмиэ эйигинниин барсыам», — диэбит. ¹³ Йааков киниэхэ: «Оҕолор мөлтөхтөрүн, кыра да, бөдөҥ да сүөһүм ыанарын тойонум билэр ини. Биир күнүнэн үүрэн илтэх-хэ, сүөһүм барыта өлүөҕэ. ¹⁴Тойонум, кулутуҥ иннигэр бардаргын. Оттон мин сүөһүлэрбин, оҕолорбун манаан бытааннык тойоммор Сеиргэ тиийиэҕим», — диэбит. ¹⁵Эсав: «Мин илдьэ сылдьар дьоммуттан эйиэхэ хаал-ларыам», — диэбит. Йааков: «Ол тоҕо? Тойонум миигин туох иһин итинник үтүөлүөхтээҕий?» — диэбит. ¹⁶ Ол күн Эсав кэлбит суолунан Сеиргэ төннүбүт. ¹⁷Оттон Йааков Суккуот диэки барбыт. Бэйэтигэр дьиэ туттубут, оттон сүөһүтүгэр сарай туппут. Ол иһин ол сири Сук-куот диэн ааттаабыт. ¹⁸ Йааков Падаан-Араамтан төннөн Ханаан сиригэр баар Шехем куоракка этэҥҥэ тиийбит уонна куорат иннигэр ордууламмыт. ¹⁹Кини Шехем аҕа-та Хамуор уолаттарыттан сир өлүүтүн атыылаһан онно отуутун туруорбут. ²⁰Онно кэрэх аспыт уонна ол сири Эл-Элохе-Йисраэль диэн ааттаабыт.