¹ Ити быһылааннар кэннилэриттэн Авраам көрүү-X лэммит, онно Айыы Тойон киниэхэ эппит тыллара: «Куттаныма, Авраам. Мин эйиэхэ дурда-хахха буолабын. Эйиэхэ улуу махтал буолуоҕа». ²Авраам ыйыппыт: «Айыы Тойон Баһылыгым, миэхэ эн тугу биэриэххиний? Мин оҕото-уруута суох киһибин. Мин ууспун утумнааччы Да-мааск киһитэ Элиэзээр». ³Авраам: «Дьэ, эн миэхэ ыччат биэрбэтиҥ. Онон мин ууспун утумнааччы — кулутум», — диэбит. ⁴Онуоха Айыы Тойон киниэхэ эппит тыллара: «Кини эн уускун утумнуо суоҕа. Арай бэйэҥ төрөппүт эрэ оҕоҥ эйигин утумнуоҕа». ⁵Итиэннэ кинини таһыр-дьа таһаарбыт уонна эппит: «Халлааны көр эрэ уонна сулустары аах, ааҕар кыахтаах буоллаххына». Итиэннэ эбэн эппит: «Маннык элбэх ыччаттаныаҥ». ⁶ Кини Айыы Тойоҥҥо итэҕэйбит, онуоха Айыы Тойон кини бэринии-лээҕин бэлиэтии көрбүт. ⁷Киниэхэ эппит: «Мин бу сири эн баһылыыргар биэрээри эйигин Касдиим Ууруттан таһаарбыт Айыы Тойоммун». ⁸Онуоха Авраам: «Айыы

Тойон Баһылыгым, мин ону баһылыырбын хантан би-лиэхпиний?» ⁹Айыы Тойон киниэхэ эппит: «Миэхэ үс хаардаах тиҥэһэни, үстээх козаны, үстээх хойу, тыһы холуубу уонна эдэр холуубу аҕал». ¹⁰Кини ону барытын аҕалан ортолорунан быһа эттээбит. Аҥардарын аҥар-дарыгар утары-таары уурталаабыт, арай көтөрдөрү эрэ ортолорунан быһа эттээбэтэх. ¹¹ Өлүк үрдүгэр элиэлэр саба түһэллэрин Авраам үүртэлиир эбит. ¹²Күн кии-рэрин саҕана Авраам эмискэ утуйар уута сабардаан кэлбит. Арай кинини улуу хараҥа куттала үүйэ туппут. ¹³Айыы Тойон Авраамҥа эппит: «Бил, эн ыччатыҥ атын сиргэ туора дьон буолуохтара, кинилэри кулут оҥос-туохтара, түөрт сүүс сыл баттыахтара-атаҕастыахтара. ¹⁴Оттон мин кинилэри баттаан-атаҕастаан олорор норуо-ту дьүүллүөм, ол кэннэ эн ыччатыҥ онтон байан-тайан тахсыаҕа. ¹⁵Оттон эн этэҥҥэ өбүгэлэргэр аттаныаҥ, аар сааскар тиийэн баран көмүллүөҥ. ¹⁶Кинилэр буолла-ҕына төрдүс көлүөнэлэригэр манна төннүөхтэрэ, тоҕо диэтэххэ, билигин амарыайдар аньыылара өссө да туо-ла илик». ¹⁷Күн киирээтин хараҥарбыт. Оһох буруота уонна уот кыыма бысталаммыт эт быыһынан ааспыт. ¹⁸ Ол күн Айыы Тойон Авраамы кытта кэс тылын тү-һэрсибит уонна эппит: «Бу сири Эгиипэттэн саҕалаан Улуу өрүскэ — Эппэрээккэ тиийэ барытын эн ыччаккар биэрэбин: ¹⁹кэнэйдэр, кенизилэр, кадмонейдар, ²⁰хитти-лэр, феризейдэр, рефаимнар, ²¹ амарыайдар, ханааннар, гиргешилэр уонна йевусилар сирдэрин».