I. Древний текст летописи Нестора.

Лавр<ентьевская>. Ипат<ьевская>. Хлебн<иковская>, Радз<ивиловская>. Троицк<ая>

I. Иде (Андрей) в варяги и приде в Рим, исповеда, елико научи и елико виде, и рече им: «дивно видех Словеньскую землю, идучи ми семо видех бани древены, и пережьгут е́ рамяно, совлокуться и будут нази, и облеются квасом уснияным, и возмуть на ся прутье младое, бьються сами и того ся добьють, егда влезуть ли живи, и облеются водою студеною, тако оживуть; и то творять по вся дни не мучимы никим же, но сами ся мучать, и то творять не мовенье собе, а мученье». (Стр. 4)

…яко при сем цари приходиша Русь на Царьгород, якоже пишется в летописаньи гречьстем… 852 год. (Стран. 7)

Олег и кудесник… Се же дивно есть, яко от волхвования сбывается чародейством. (Ст. 16)

…и подъяста и́ два варяга мечьми под пазусе… (Стр. 33)

Взяша главу его и во лбе его съделаша чашю, оковавше лоб его, и пьяху по нем. Стр. 31.

Каким инструментом?… суть бо греци лстиви и до сего дни. Стр. 29.

Устрои же и се (Владимир), рек: «яко немощнии и болнии не могут долезти двора моего». Повеле пристроити кола; въскладше хлебы, мяса, рыбы, овощь разноличный, мед в бчелках, а в другых квас, возити по городу, въпрошающим: «кде болнии и нищ, не могы ходити?» тем раздаваху на потребу. Стр. 54.

Уведевше же се оканьный Святополк, яко еще (Борис) дышеть, посла два варяга прикончат его; онема же пришедшема и видившима, яко и еще жив есть, един ею́ извлек мечь, проньзе и́ к сердцю. Стр. 58

…нача укаряти Болеслава, глаголя: «да то ти прободем трескою черево твое толъстое». Бе бо Болеслав велик и тяжек… 62.

В лето 6550. Иде Володимер, сын Ярославль, на Ямь, и победи я́; и помроша кони у вой Володимерь, яко и еще дышющим конем, съдираху хъзы с них, толик бо бе мор в коних. Стр. 66.

Есть же могыла его (Святополка) в пустыни и до сего дне, исходить же от нея смрад зол. Стр. 63.

В лето 6552. Выгребоша 2 князя Ярополка и Ольга, сына Святославля, и крестиша кости ею, и положиша я́ в церкви святыя Богородица. В се же лето умре Брячислав, сын Изяславль, внук Володимерь, отець Всеславль, и Всеслав, сын его, седе на столе его; его же роди мати от вълхвованья, матери бо родивши его, бысть ему язвено на главе его, рекоша бо волсви матери его: «се язвено, навяжи на нь, да носить е до живота своего», еже носить Всеслав и до сего дне на собе, сего ради не милостив есть на кровь-пролитье. Стр. 67.

В лето 6573. Ростиславу сущю Тмуторокани, и емлющу дань у касог и в инех странах, сего же убоявшеся грьци, послаша с лестью Котопана; оному же пришедщю к Ростиславу и вверившюся ему, чтяшеть и́ Ростислав. Единою же пьющю Ростиславу с дружиною своею, рече Котопан: «Княже! хочю на тя пити»; оному же рекшю: «пий». Он же испив половину, а половину дасть князю пити; дотиснувъся палцем в чашю, бе бо имея под ногтем растворенье смертное, и вдасть князю, урек смерть до дне семаго (то есть седьмого). Оному же испившю, Котопан же пришед Корсуню поведаше, яко в сий день умреть Ростислав, якоже и бысть; сего же Котопана побиша каменьем Корсуньстии людье… Стр. 72.

(В лето 6579)… Ян же рече (волхвам): «по истине лжа то: створил бог человека от земле, сставлен костьми и жылами от крове, несть в нем ничтоже; и не весть ничтоже, но токмо един бог весть». Стр. 76.

Паче же женами бесовьская волъшвенья бывають, искони бо бес жену прелсти, си же мужа; тако в си роди много волхвують жены чародейством, и отравою, и инеми бесовьскыми козньми. Стр. 77.

Таци бо беша любовници, и въздержьници, и постници, от них же наменю неколико мужь чюдных. Яко се первый Демьян презвутер: бяше тако постник и въздержник, яко разве хлеба и воды ясти ему до смерти своея. Аще кто коли принесяше детищь болен, кацем любо недугом принесяху в манастырь, ли свершен человек, кацем любо недугом одержим, приходяше в манастырь к блаженому Феодосью: повелеваше сему Дамьяну молитву створити болящему; и абье створяше молитву и маслом помазаше, и приимаху ицеленье приходящии к нему. Стр. 81.

Феодосий же уведав, яко Антоний шел Чернигову, шед с братьею взя Исакия, и принесе и́ к собе в келью и служаше около его; бе бо раслаблен телом, яко не мощи́ ему обратитися на другую страну, ни встати, ни седети, но лежаше на единой стороне, под ся полеваше, многажды и червье въкыняхуся под бедру ему, с моченья и с полеванья. Феодосий же сам своима рукама омываше и спряташеть и́ за 2 лета створи ее около его. Се же бысть чюдно и дивно: яко за две лете лежа сий, ни хлеба вкуси ни воды, ни от какаго брашна ни овоща, ни языком проглагола, но нем и глух лежа за два лета. Феодосий же моляше бога за нь, и молитву творяше над ним день и нощь, дондеже на 3-ее лето проглагола, и слыша, и на ногы нача встаяти акы младенець, и нача ходити. И не брежаше в церковь ходити, нужею привлечахуть и́ к церкви; и посем научи на трапезницю ходити, и посажашеть и́ кроме братьи, положаху пред ним хлеб, и не възмяше его, но ли вложити в руце ему. Феодосий же рече: «положите хлеб пред ним, а не вкладайте в рукы ему, ат сам ест», и не бреже за неделю ясти, и помалу оглядавъся кусаше хлеба; тако научися ясти, и тако избави Феодосий от козни дьяволя… После этого: …и нача юродство творити… Стр. 83.

Сего же лета преставися Святослав, сын Ярославль, месяца декабря 27, от резанья желве… Стр. 85.

В лето 6600 (1091 г.). Предивно бысть Полотьске: в мечте ны бываше в нощи тутъи, станяше по улици, яко человеци рищюще беси; аще кто вылезяше из хоромины, хотя видети, абье уязвен будяше невидимо от бесов язвою, и с того умираху, и не смяху излазити из хором посем же начаша в дне являтися на коних, и не бе их видети самех, но конь их видети копыта; и тако уязвляху люди полотьскыя и его область. Тем и человеци глаголаху: яко навье (то есть наяве) бьють полочаны. Се же знаменье поча быти от Дрьютьска. В си же времена бысть знаменье в небеси: яко круг бысть посреде неба превелик. В се же лето ведро бяше, яко изгараше земля, и мнози борове възгарахуся сами и болота; многа знаменья бываху по местом (и сами беды считались знаменьем), и рать велика бяше от половець и отвсюду: взяша 3 грады; Песочен, Переволоку, и много села воеваша, по обема странома. В се же лето воеваша половци ляхы, с Васильком Ростиславичем. В се же лето умре Рюрик, сын Ростиславль. В си же времена мнози человеци умираху различными недугы, яко же глаголаху продающе корсты, яко продахом корсты от Филипова дне до мясопуста 7 тысячь… Стр. 92

…Ратиборичь приима лук свой и наложив стрелу, удари Итларя в сердце. 97.

Поучение Мономаха… 1096. И приступи торчин, именем Беренди, овчюх Святополчь, держа ножь и хотя ударити в око, и грешися ока и перереза ему лице, и есть рана та Василке и ныне; и посем удари и́ в око, и изя зеницю, и посем в другое око, и изя другую зеницю, и том часе бысть яко и мертв. Стр. 111.

Приложение Лавр<ентьевской> л<етописи>

Того же лета (1174) преставися благоверный князь Святослав Юргевичь, месяца генваря в 11 день. Се же князь избраник божий бе: от рожества и до свершенья мужьства бысть ему болезнь зла, ея же болезни просяхуть на ся святии апостоли и святии отци у бога; кто бо постражеть болезнью тою, якоже книгы глаголють, тело его мучится, а душа его спасается. Стр. 156

…паче же на милостыню зело охотив (Андрей): ибо брашно свое и мед по улицам на возех слаше, болным и по затвором. Стр. 156.

Оканьнии же всовашася в ложницю вси, секше его саблями и мечи, идоша прочь. Он же (Андрей) в оторопе вскочь по них, начать ригати и глаголати в болезни сердця; они же глас услышавше, воротишася на нь опять. Стр. 157.

Того же лета (6695–1187) бысть болесть силна в людех вельми, не бяше бо ни одиного же двора без болного, а в ином дворе некому бяше ни воды подати. Стр. 170.

Того же лета (6737–1229) Кирил епископ Ростовьскый, оставив епископью, приде в Суждаль к святому Дмитрию в свою келью, хоте лечити свою немочь, яже бе ему внутрь; бяше же ему лице изменилося, аки почернело от недуга, устне отолстели и нос. (На след<ующий> год он умер). Стр. 192.

Троицкая летопись

В лето 6738 (1231)… Того же лета бысть мор в Новегороде от глада, инии люди резаху своего брата и ядяху, а инии мертвое трупье ядяху, а друзии конину и псину и кошки, инии мох, сосну и лист илем. Стр. 220.

И паки третие помолися (Василко 1238), глаголя: «благодарю тя, господи боже мой, кую ти похвалную память мою виждю, яко младая моя память железом погыбаеть и тонко ми тело увядает». Стр. 224.

В лето 6872 (1364) … На то же лето мор бысть в Новегороде в Нижнем; на ту же осень мор бысть на Костроме и в Ярославле. Стр. 231.

В лето 6873 (1365)… На ту же осень мор бысть в Ростове. Стр. 231. В приложениях Nihil[82].

Псковская вторая летопись Син<одальная>.

1… Того же лета (6807–1299) бысть мор зол на людех во Пскове. Стр. 11

…Того же лета (6850–1342) бысть мор зол на людех в Пскове и в Изборске: мряху бо мужи и жены и малые дети, и не бе где погребати, вся бо могылиа вскопана бяху по всем церквам, где выкоплють единому мужю яму, то вложать с ним малых деток 7 али 8 в один гроб. Стр. 13.

В лето 6860 (-1352). Бысть мор зол в Пскове, и по селом, и по всей волости, хракотный; о сем пространне обрящеши написано в Русском летописци. Стр. 14.

В лето 6868 (1360). Бысть во Пскове другый мор лют зело; бяше бо тогда се знамение: егда кому где выложится жолоза, то въскоре умираше; мнози же умираху тою болезнию, и много время той смерти належащи на людех. Тогда же и Остафий князь преставися, и два сына его Карп и Алексий. Стр. 14.

В лето 6878… Бысть же сии розратие псковичем с немци по 5 лет, про обидное место про Жалачко; много же бед в та лета претрепеша, болезньми и мором и ратми… Стр. 16.

В лето 6898 (-1390). Бысть мор в Пскове, якоже не бывал таков: где бо единому выкопали, ту и пятеро, и десятеро положишя. Стр. 17.

Того же лета (6899–1391) бысть мор велик в Новегороде. Того же лета (6912–1404) бысть мор во Пскове: с Спасова дни начаша преже мрети малыя деткы, и потом старыя и младыя мужи и жены; аще кому где явится знатба, то на другый день или на 3 умираше; а пришел тот мор из Юрьева от немець… Стр. 18

…Тоя же осени (6914–1406) бысть мор велик в Пскове, и по пригородом, и по волостем: а мряху железою. Тоя же осени бысть дождя много… Стр. 19

…И бяше тогда (6915–1407) во Пскове мор непрестанен; и выпровадиша князя Данила Александровича, глаголюще: «тебе ради мор сий есть в нас», и поеха из Пскова в Новгород… Стр. 19

…И преста во Пскове мор… Стр. 20.

Того же лета (6919–1411) псковичи сожгоша 12 жонке вещих. Стр. 22

…И потом, не на длъзе времени от Спасова дни (6928–1420), начаша в Пскове и по всем волостем мрети малыя деткы, и потом юноша и девы и мужи и жены, и старыа мряху, но мало; и бысть мор велик зело, и мнози тогда мужи и жены прияша ангелскый образ мнишьскый. Тогда пострижеся в болезни князь Феодор Александрович, и отъеха на Москву… Тогда посадники псковскыя и весь Псков начаша искати священного места, где была первая церковь святый Власей… И мряху тогда жолозою от Спасова дни и до Крещения господня, и тако милостию божиею преста мор; а пришло от немець из Юрьева. Стр. 23.

В лето 6933-(1425). Бысть в Пскове хлеб подешевле, по 5 зобниц на полтыну ржи; а в Новегороде бысть мор велик велми… Того же лета с Ильина дни бысть мор в Пскове, и по пригородом и по всей волости Псковской, и в Новегороде и по всей волости их, а вси мряху единою болезнию, жолозою, и мряху от Ильина дни и до Крещения господня; и тако преста мор. А князь Федор Патрикеевичь того мору убоявся, поеха изо Пскова со всею челядью своею на Москву, августа в 22 …(Стало быть, в Москве тогда не было мора)… обаче и тамо смерти не убежа, не по мнозе времени умре на Москве. Стр. 25

…Тоя же зимы (6950–1442) в Пскове бысть мор велик зело: мнози тогда мряху мужи и жены и младые дети, и аще кому явится зелеза, то наскоре умираше; а почало мерети канун Микулина дни зимнего, а почало из заулка из Пустынкя от каменой церкви Христове, и мряху все лето… (в один день состроили церковь и в тот же день служили)…

В лето 6951 (1443). Преста мор в Пскове на Дмитриев день, а по пригородом и по волостем еще мерли и до Крещения господня. Стр. 30

…Того же лета (6974–1466) бысть мор в Пскове и по всем волостем… Стр. 35.

Прибавления к П<сковской> л<етописи>

И паки мати его (Мих<аила> Федорыча) и отец посласта к датцкому королю о поимании дщери его за царя; король же отказа: «прежде сего брата моего имали к вам на Русь, при царе Борисе, а хотел за него дати дщерь свою Ксению – и приехав к Москве часу не жил тут, отравою уморили его; тако же и дщери моей сотворите ныне», и отпусти послов… И хоте послати по нею царев отец; и поведаша ему, яко царица испорчена есть, не плодна и болна, и много испытание бысть о сем, кто тако сотвори над нею?… И потом послаша дохтуров к царицы, да изврачюют ей болезнь, они же пришедше изврачеваша ю… А все то зло сотворися от злых чаровников… Стр. 66.

Софийская первая летопись

И устави Олег вои свои, и вынесоша ему греци брашно и вино, и не прия его; бе бо устроено со отравою… Стр. 93.

И прииде на место, идеже кости того коня и лоб гол… Стр. 96.

(Лоб и в Лавр<ентьевской> л<етописи>). Они (волхвы) реша (Яневи): «Бог мывся отреся ветхем, и сверже с небеси на землю; и распреся сотона с богом, кому в нем сътворити человека? и сътвори диявол человека, а бог душю вложи в онь: тем же аще умреть человек, в землю идеть тело, а душа к богу». Стр. 144.

Бог един весть помышления человечьская, беси бо не сведають ничтоже: суть бо немощни и худы взором. Стр. 145.

Раньше этого на той же стр.: …беси бо не ведять мысли человечьскыя, но влагають помысл в человека, тайны не сведуще. Стр. 145.

Он же (кудесник в Чюди, к<ото>рым «шибе бес») рече (новгородцу): «бози наши живуть в бездне; суть же образом черни и крилаты, хвосты имуще, всходять же и под небо, слушающе ваших богов; ваши бо бози на небесех суть, и аще кто умреть от ваших людей, то възносим есть на небо; аще ли кто от наших людей умираеть, то насим есть нашим богом в бездну». Стр. 145.

Сице же волхв встал в Новегороде при князи при Глебе… (1071 г.) Стр. 145.

1072 г. …и пакы Святослав взем за руку митрополита, держаща святаго (Глеба) руку, прилагаше к вреду, чим боляше на шеи, потом к очима и к темени, и пакы положи руку в гробе; и начяша пети святую литургию… Стр. 146.

г. 1177… и емше Мьстислава и Ярополка ослепиша… Ведомыма же има и гнеющима очима, приидоша к Смоленску… Стр. 167

…овому носа среза, а иному очи выима… Стр. 189.

Того же лета (1270) убиен бысть князь Роман Олговичь Рязаньский от поганых татар; и бысть сице убиение его: заткоша уста его убрусом, и начаша резати его по суставам и метати разно, и яко разоимаша, и остася труп един, они же одраша главу его и на копие взоткаша. Стр. 197

…приидоша вси здорови…[83](после походов.) И се един от безаконных, именем Романець, извлек великый ножь и удари в ребра святаго (Михаила Тверского) в десную страну, и обращая ножь семо и овамо, и отреза честное сердце его… Стр. 214.

Того же лета (6854–1346) казнь бысть от бога под восточною страною на город Орначь, и на Хозторокань, и на Сарай: мор бысть на бесермен силен, яко не мочи их ни погребати; якоже преже казни бог египтяны, тако и сих казни. Стр. 225.

Того же лета (6872–1364) мор бысть в Новегороде в Нижнем, и на Костроме, и в Ярославле. На ту же весну мор бысть в Переяславле… Стр. 230.

Того же лета (6873–1365) меженина велика и мор в Ростове… Стр. 230. Того же лета (6895–1387) в Смоленьсце городе бысть мор велик и около города по волости, толко выидоша из города 5 человек, а город затвориша. Стр. 243

…се бе блаженый епископ Степан (†6904), божий человек, живяше посреди неверных человек, ни бога знающих, ни закона ведящих, молящеся идолом, огню и въде и каменю, и золотой бабе и кудесником и вълъхвом, и древью… Стр. 250.

О Перми. 6909–1401… а в Смоленьсце крамола бысть, людей много посекоша, и мор бысть на люди… Стр. 252. Того же лета (6916–1406) мор бысть на люди силен коркотою. Стр. 257.

По грехам по нашим бысть в том лете (6925–1417) мор велик в Новегороде железою, и в Ладозе, и в Русе, и в Порхове, и во Пьскове, и в Торжку, и в Тфери, и в Дмитрове и по волостем. Стр. 260.

Того же лета (6931–1423) мор бысть в Тверьской земли, и потом на Москве. Стр. 262.

В лето 6935 (1427). Мор бысть силен на люди на Москве, и в всех градех русьскых и волостех и селех, мало людей осталося, мерли прыщем. Стр. 263.

Того же лета было знамение на небеси… тогды же засуха была, земля и болота горели: того же лета мьгла стоала 6 недель, солнца не видели, и рыбы в воде мерли, и птици на землю падали, не видели летати… 6939–1431. Стр. 264.

Того же лета (6956–1448), месяца июля, бысть мор на кони, и на всяку животину и на люди. Стр. 269.

Князь же великый (Василий Васильевич 6970–1462) повеле жещи у собя трут на хребте, болезни ради сухотныя, и с тех мест разболеся и преставися марта 27… Стр. 273.

Софийская первая.

(Продолжение) Того же лета (6974–1466) в Пьскове и в Новегороде в Великом мор бысть велик на люди, Семеновской, (?). Стр. 274.