Подготовка текстов Г. М. Прохорова

Жития Нила Сорского, написанного знавшими его людьми или с их слов, мы не знаем. «Есть известие, — пишет А. С. Архангельский, — что в первое время после его смерти (f 1508) существовало какое‑то “писание о святом житии его”, но в 7046 (1538) году было разорение от казанских людей: “тогда и писание о святом житии его тамо же згоре […] и тако писания не остася о немъ…” […] Действительно ли житие преп. Нила сгорело, или причина его уничтожения не была так случайна — отвечать довольно трудно», — комментирует ученый.[755]

В этом разительный контраст Нила Сорского с его противником в вопросе о монастырских стяжаниях Иосифом Волоцким, которому в XVI в. было посвящено по крайней мере три жития, и все они до наших дней сохранились.[756]

Но сочинения Нила Сорского с их духовно–целительной силой возбуждали, конечно, интерес к личности его автора, в первую очередь, кажется, — у обитателей созданного им скита. В XVII в. человек, хорошо знакомый с условиями и правилами жизни в ските, по–видимому, служивший там, написал уже знакомую нам «Повесть о преподобием отце нашем Ниле и о того честней обители…». В XVIII в., тоже, судя по всему, в самом ските, были написаны статьи «О пришествии преподобного отца нашего Нила Сорского Чудотворца», «Изложение отчасти чудес преподобного отца нашего Нила Чудотворца» (по рукописи РНБ, собр. Погодина, F. I, № 260, XVIII в., их опубликовал А. С. Архангельский),[757]а также «О Житии преподобного Нила Сорского», «Сказание» о явлении его во сне царю Ивану Грозному и Молитва ему, напечатанные нами по списку 1784 г. чуть выше.

Затем, в первой трети XIX в., в Нило–Сорском ските были полууставом написаны и переплетены в кожаный переплет две небольшие книги, хранящиеся теперь в Российской Национальной библиотеке. Одна из них — НСРК, Q. 98 (филигрань «1824»), — содержит целую подборку материалов, объединяемых именем Нила Сорского. Здесь, как показывает ее оглавление, находятся «Слова преподобного отца нашего Нила Сорского Чудотворца, 3 послания его, и Житие, и отчасти чудеса его». Листая книгу, мы видим следующее:

л. 2 — «Важнейшія правила жизни христіанской, преподобным Нилом Сорским изъ Слова Божія и писаній святыхъ отцевъ извлечен- ныя, зде для удобнаго понятія на россійском языке переведенныя». Это перевод «Устава» Нила Сорского на русский язык;

л. 46–59 об. — 3 послания, перед которыми на л. 45 об. мелко написано: «Сіи три послания Нила Соре. Чудот. не переведены на рос- сиски языкъ, но на славянском списаныи»;

л. 60 — «Месяца маіа въ 7 день. Житіе преподобнаго отца нашего Ніла Сорскаго Чудотворца, началника и учредителя монашескаго скит- скаго житія въ Россіи по уставу и преданію святыхъ отецъ»;

л. 71 об. — «О чудесахъ отца нашего Ніла Чудотворца. Чудо первое»;

л. 77 — «Чудо второе»; л. 78 об. — «Чудо третіе»;

л. 81 об. — «Свидетельство греш[наго] і[еромонаха]Никона». Эта запись сделана скорописным почерком XIX в. со странной пунктуацией (далее мы эту запись воспроизводим).

Перед нами, таким образом, созданная в первой четверти XIX в. подборка материалов, посвященных преподобному Нилу Сорскому: кто‑то из обитателей скита (в послесловии автор пишет: «мы, зде живущіи монаси»), сделал перевод «Устава» на современный ему русский язык, переписал послания преп. Нила, расширил его Житие и присоединил к нему «Чудеса». По всей видимости, это — иеромонах Никон (Нил Прихудайлов).[758]Нетрудно заметить, что он был знаком с тем, что до него в ските было написано о его основателе, и он это так или иначе использовал (в «Житии») или отредактировал (в «Чудесах»). Неизвестных нам источников знаний о преподобном Ниле, судя по всему, он не имел. Не называя себя, этот переводчик–автор–редактор пишет о себе в конце своей работы: «Азъ же грешный, елико возмо- гохъ собрати, написахъ со многимъ опасеніемъ и тщаніемъ, по силе моей, о всемъ житіи преподобнаго отца, такожде и о чудесехъ его, — не яко разумъ и веденіе имея въ сицевыхъ, грубъ сый веема и неразумія всякаго исполненъ, но любовію влеком къ любезному мне богоносному отцу и на его помощь надеяся…».

Вторая рукопись — РНБ, собр. Кирилловского историко–художественного музея–заповедника (КИХМ), № 31, 30–е гг. XIX в., 23 лл., содержит Житие Нила Сорского и три его чуда.[759]Похоже, что они списаны с рукописи, о которой только что шла речь, причем исправлены некоторые ее описки, а в одном случае часть ее текста вычеркнута, отчасти стерта и была заклеена (видны следы клея), объяснение чего написано на полях. Печатая здесь эти тексты по рукописи РНБ, НСРК, Q. 98, лл. 60–81 (сохраняя при этом квадратные скобки, используемые писцом для выделения некоторых мест, необходимые же наши вставки делая в угловых скобках), мы используем список РНБ, КИХМ, № 31, лл. 1 -23, для разночтений и для воспроизведения объяснения, почему часть текста первого «Чуда» была устранена.

МЕСЯЦА ΜΑΙΑ ВЪ 7 ДЕНЬ. ЖИТІЕ ПРЕПОДОБНАГО ОТЦА НАШЕГО НІЛА, СОРСКАГО ЧУДОТВОРЦА, НАЧАЛНИКА И УЧРЕДИТЕЛЯ МОНАШЕСКАГО СКИТСКАГО ЖИТІЯ ВЪ РОССІИ ПО УСТАВУ И ПРЕДАННО СВЯТЫХЪ ОТЕЦЪ

Сію райскую ветвь израсти Великая Россія и, якоже повествуется от некихъ, царствующій градъ Москва того отечество бяше. От кіихъ же родителей рожденъ бе, сего уведети не возмогохомъ; точію сіе несумненно есть, яко — от верныхъ и благочестивыхъ и яко воспи- танъ бе в добромъ наказаніи и страху Божію и истинному христіанину подобающему житію от юности наученъ. Остроуменъ же бяше велми и к чтению книгъ прилеженъ.

Прохождаше же первее, якоже повествуется, должность скорописца. Таже, разсмотревъ мира сего суету и вся оставивъ, пострижеся во обители преподобнаго Кирілла, иже на Белеезере. И живяше богоугодно, проходя вся монастырская послушанія усердно и со всякимъ опаствомъ и вниманіемъ, храня обеты монашескаго жительства. По- стомъ и бденіемъ и различными труды плоть утомляше, молитвою же и вниманіемъ и чтеніемъ Писаній душу, умъ и сердце очищаше. И тако день от дне преуспевая, от силы в силу идяше, степени во своемъ сердце полагая.

Удаляшеся же всячески от миролюбивыхъ и не внимающихъ своему спасенію, зане видяше многихъ, не по Бозе жительствующихъ и в попеченіихъ бесловесныхъ и о притяжаніи паче, нежели о своихъ ду- шахъ, пекущихся и не внимающихъ Божественному Писанию и пре- даніямъ святыхъ отецъ. Сицевыхъ ошаявашеся, внимающимъ же при- лепляшеся и приемляше от таковыхъ ползу.

О семъ самъ о себе изявляя [в Посланіи къ некоему любимому себе брату], написа сице: «Егда живяхъ въ начале во обители, или монас- тыре, всякихъ соплетеній мирскихъ удаляхся и творихъ деланіе по Божественному Писанію». Зело бо храняше опасно святый Писанія и предания древнихъ богодухновенныхъ и святыхъ отецъ и по сих житіе свое поправляше.

Тако ему богоугодно жительствующу во обители преподобнаго Кирілла, пріиде ему желаніе видети и поклонитися сущим на Востоце святымъ местом, идеже Господь нашъ наше спасеніе содела, и посети- ти жилища святыхъ тамо сущихъ отецъ и ползу от нихъ себе пріяти.

Пріимъ убо благословеніе, поиде. И, обшедъ святая места, сущія в Палестине, пріиде и во Святую гору Афонскую, обыде тамо монастыри и уединенная жилища монашескія, такожде и въ скитехъ безмолвст- вующія и уединяющіяся святыя отцы обходя, многую от нихъ пріем- ляше ползу. Ового бо посту и воздержанію чудяшеся, другаго совершенному нестяжанію и нищете ревноваше, инаго же терпеливому подражати тщашеся, инаго же постоянному и мужественному терпе- нію во искушеніихъ удивляшеся и ублажаше. От некихъ же и образу вниманія и умнаго трезвенія, или умные молитвы, научашеся. И сице от всехъ, яко пчела любопремудрая и трудолюбивая, сладки добро- детелей медъ собираше, имже не точію себе, но по возвращеніи во отечествіе свое желающихъ быти подражател'ми добродетелнаго его жития изобилно питаше. Сице убо и в сихъ упражняяся преподобный во странствіи своемъ, навыче добре житію тамо сущихъ святыхъ отецъ, чиноположенію и уставу и различнымъ иноческимъ добродетелемъ.

По доволномъ времени пребыванія своего во Святей горе, такожде и во окрестностехъ Царяграда, вся жилища иноческая обшедши и от всехъ ползу пріимши, во отечествіе свое [яко добрый и искусный купецъ со многимъ прибыткомъ и духовнымъ обогащеніемъ] возвра- тися и, паки по обитель преподобнаго Кирилла пришедъ, сотвори себе келлію вне монастыря и поживе ту некое время въ посте и молитвахъ и во иныхъ постническихъ, иже навыче, подвигахъ. Таже, вожделевъ совершеннейшаго безмолвія и уединеннаго пребыванія, изыде убо и обхождаше пустыню, ища себе угоднаго ко пребыванію места. Таже пріиде на речку, Сора именуемую. Место же оно ниско и блатисто и неудобопроходимо бяше. Ту убо возлюби жити преподобный.

Первее водрузи крестъ на месте томъ и келійцу созда пребыванія ради. Таже ископа кладезь. По семъ уготова место построенія ради церкве, наносивъ своими руками земли, понеже, якоже речеся, место ниско и блатисто бе.

Живяше же ту преподобный первее единъ, токмо со единымъ уче- никомъ своимъ, Иннокентіемъ именемъ, с нимъ в'купе пришедшимъ, иже въ трудехъ ему помогаше. Таже начаше приходити къ нему же- лающіи жител'ствовати при немъ и имети его себе наставника и пастыря и ко спасенію руководителя. Он же первее много отрицаше и не пріемляше, не хотя быти пресецаему безмолвію его и бегая тяготы началства. Ведяше бо святый, колико тяжка есть вещь еже пріяти на себе попеченіе о душахъ и носити имя пастырское, къ сему же и сми- ренномудръ сущи велми, глаголаше себе быти грешна и неразумна.

Но обаче, елико онъ отрицаше, толико они стужаху ему и неотступно прошаху, да будеть имъ пастырь и да пріиметъ ихъ в свое сожитіе.

Разсмотревъ убо блаженный и виде, яко воля Божія есть на сіе, да пріемлетъ истинно спастися желающихъ, начатъ убо приимати приходящих, и предаяше имъ сія, да во всемъ последуютъ преданіямъ святыхъ отецъ и да хранятъ заповеди Божія: отнюдъ не вносити из- ветовъ, глаголюще, яко ныне невозможно жити по Писанію и преданію святыхъ отецъ. «Но аще и немощни есмы, [глаголаше святый,] елика сила есть, должны подобитися и последовати стопамъ святыхъ и при- снопамятныхъ отецъ нашихъ и техъ преданія опасно хранити». Аще ли же бы кто не изволялъ в сихъ храненіи пребыти, таковыхъ отнюдь не приимаше. Жалающихъ же тако жити пріимаше съ любовію.

Написавъ же и Уставъ монашескаго скітскаго жителства по образу и чиноположенію древнихъ великихъ святыхъ отецъ и якоже виде и навыче во Святей горе Афонстей во время своего тамо пребыванія; тако и предаде во своем скіте. Уставъ же бяше сицевый.

Живяху кійждо особь во своей келлій, растояніем другъ от друга яко на верженіе камене, такожде и от церкви. Созда бо блаженный храмъ во имя преподобный<!>Ефрема Сіріна, егоже и житію во всемъ подражаше. Пребывающе же въ келліяхъ своихъ, упражняхуся в молитве и рукоделіи. От труда бо рукъ своихъ питахуся. Аще же недо- ставаше имъ на нужную потребу, то мало и милостыни пріимаху от христолюбцевъ.

Въ субботы же и недели, собирающеся в церковь, службы совер- шаху вкупе и паки по келліямъ расхождахуся. Такожде и егда быва- ше прздникъ Господьскій или Богородичный или некимъ святымъ, в'купе собирающеся въ церковь, службу совершаху и паки, якоже речеся, по келліямъ своимъ расхождахуся.

Аще же и разделно живяху, кійждо бо еже творяше рукоделіе приношаше къ настоятелю, пищу же и одежду от него пріемляху. Не попущашеся же отнудъ кому что творити по своей воли, или исходи- ти камо без благословенія настоятеля. Аще ли же бы кто что сотво- рилъ самочинно по своеволію, таковый изгонимъ бываше от сопре- быванія. Такожде и стяжанія каковаго–любо кому имети отнюдъ не позволяшеся.

Аще кому из братіи случашеся в'пасти в некое прегрешеніе, абіе течаше къ настоятелю, исповедая свое согрешеніе, и от него пріемляше прощеніе. Такожде и помыслы своя исповедаху отцу своему и от него пріемляху исцеленіе, зело бо искусенъ бе преподобный во врачеваніи болезнованій душевныхъ. И даръ разсужденія имеяше болшій паче иныхъ дарованій и нужнейшій, и симъ много ползоваше иже при немъ живущихъ братію и приходящихъ к нему ползы ради.

О самого же преподобнаго отца Нила житиія устроеніи что речемъ? Не бо возможно словомъ изявити и сказати того премногія подвиги. Создавый наедине сердца человековъ Богъ нашъ — Той единъ весть яже творяше пред Нимъ втайне блаженный и готовляше ему многое за сіе воздаяніе. Намъ же зело малая от премногихъ его подвиговъ и изрядныхъ деяній и чудесъ в веденіе пріидоша<над строкой добавлено:простотою оставлена быша без писанія>, или и написана суще, но нераденіемъ и небреженіемъ или инымъ каковымъ образомъ уничтожена быша. Обаче светъ добродетелныхъ его деяній и во тме неве- денія светло светится. Не благоволить бо Господь таковому светил- нику под спудомъ неявленія крыему быти, тако бо рече: «Да просветит- ся светъ вашъ пред человеки, яко да, видяще ваша добрая дела, и прославятъ Отца вашего иже на небесехъ»[Мф.5, 16]. Малая убо от многихъ, елика уведети возмогохомъ сего богоноснаго и святаго мужа добродетелная деянія написашася. О жестокомъ же его житіи и совершенном нестяжаніи и нищете, еже есть корень и основаніе иночеству, несть нужды много глаголати<над строкой:и писати>. Самое бо место, егоже избра себе ко пребыванію, скорбно и уныло сущо и не удобь проходимо мирскими человеки и незнаемо, ясно свидетель- ствуетъ о семъ. Такожде и о посте о премногомъ его воздержаніи: иже бо вся волею оставивъ — не токмо міръ и вся яже в немъ мнящаяся быти сладкая, но и сопребыванія со многими<вставка:и> во обите- лехъ, бегая чревонеистовства и неполезныхъ попеченій удалився, взыщетъ ли сладкыхъ и многихъ брашенъ? Яве убо есть, яко зело жестокое, многотрудное и постническое провождаше святый житіе. Свидетельствуетъ о семъ и острая его юже ношаше на теле своемъ власяница, яже и доднесь видима есть, при гробе его висяща. Сими убо и болшими сих телесными труды [ихже, якоже предрехомъ, невозможно словом из'явити] деяній къ виденію достиже. Непрестанною бо молитвою и умнымъ трезвеніемъ толико в боговиденіи успе, яко ни помраченнымъ попечен ми житейскими умомъ постигнути, ни же словомъ изъявити или сказати мощно. Сице убо преподобный и богоносный отецъ нашъ Нилъ и чувственне в телесныхъ трудехъ, и мысленне, очищая умъ от страстей, подвизася, сотворися домъ и жилище Божіе.

Но уже время поведати и честную предъ Господемъ смерть преподобнаго отца. По довольных убо богоугоднаго своего жителства ле- техъ, приближися ко блаженному скончанію своему. Предуведевъ сіе прежде некоего времени, ученика своего Иннокентія призвавъ, прорече ему некая хотящая быти по преставленіи его и посла его въ Вологодскій уездъ на реку Мурму, рекъ ему: «Богъ тя имать просла- вити тамо, и составиши общее житіе. Зде же по единому имуть жити братія в келліяхъ своихъ». Написа же и Заветъ ученикомъ своимъ о погребеніи тела своего сицевый:

«Во имя Отца и Сына и Святаго Духа. Завещаваю вамъ, моимъ прис- нымъ господиямъ и братіямъ, единомысленнымъ мне: молю васъ, по скончаніи моемъ тело мое грешное поверзите в пустыни, да изядятъ е зверіе и птицы, понеже много согрешило есть и недостойно погребенія. Аще же сице не восхощете сотворити, то на месте, идеже живемъ, ископавше ровъ, со всякимъ безчестіемъ погребите мя. Бойтеся же словесе, еже великій Арсеній завеща своимъ ученикомъ: “На суде стану с вами, аще дадите кому тело мое”. Тщаніе бо имехъ елико по силе моей, дабы никоеяже славы или чести сподобленъ былъ века сего, якоже в житіи семъ, тако и по смерти моеей. Молю же всехъ: помоли- теся о души моей грешной. И от всехъ прошу прощенія, и от мене прощеніе: Богъ да проститъ всехъ».

Сицевое завещаніе написавъ преподобный и собравшимся к нему ученикомъ его последнее отеческое наставленіе, благословеніе же и прощеніе подавъ, и некая быти имущая по преставленіи его прорекъ, мирно испусти душу свою в руце Божій. Ученицы же его, певше надгробная, со многими слезами погребоша многотрудное и святое тело пастыря и учителя и отца своего на месте, еже самъ уготова, якоже прежде речеся, на погребеніе себе, идеже последи и церковь создана бысть над гробомъ его во имя святаго Іоанна Предтечи и Крестителя Господня.

Прослави бо Богъ угодника Своего, и подавахуся исцеленія от святаго его гроба съ верою приходящимъ и ныне подаются во славу див- наго во святыхъ Своихъ Бога нашего.

Преставися преподобный отецъ нашъ Нилъ в лето от сотворенія міра 7016, от Рожества же Христова 1508, месяца маіа въ 7 день, в 3–ю недел. по Пасце, святыхъ Женъ Мироносицъ. Всехъ же летъ житія его бе, якоже глаголютъ, седьмьдесятъ и пять.

Тако соверши богоугодное теченіе свое преподобный и богоносный отецъ нашъ Нилъ, пріятъ премногимъ своимъ постническимъ трудо- положнымъ подвигомъ конецъ, вкупе же и венецъ от Подвигополож- ника всехъ Бога, воздающаго достойную мзду противу трудов его. Намъ же остави, яко некій залогъ, богодухновенная и спасителная своя премногія ползы исполненныя словеса и писанія, не потаивъ и не скрывъ таланта, егоже от премногихъ своих подвиговъ и потовъ стя- жа, но всемъ преподаде желающимъ спастися. Якоже бо самъ мужески подвизася на діавола и вся того ражженныя стрелы угаси и сокруши, и победи того некрепкую силу, сице и насъ научаетъ вооружатися противу онаго богодухновенными своими словесы. Разумъ бо словесъ его обдержаніе имать сицево:

«Како подобаеть проходити деланіе инокомъ, истинно желающимъ спастися в последняя времена сія, чувственне же и мысленне, по Бо- жественнымъ писаніям и преданіямъ святых отецъ.

О различіи мысленной борбы и победы и како памитію Божіею и храненемъ сердца побеждати страсти.

Како и чемъ укреплятися при усиліи борбы.

О храненіи своего духовнаго деланія.

О борбе со осмію помыслы и победе над ними.

О смертной памяти.

О слезахъ, — како сія стяжати и храненіи оныхъ.

О совершенной безпопечителности и бестрастіи.

О разсужденіи и молитве» и протчая.

Въсихъ его писаніяхъ, ихже аще кто разумно и внимателно про- чтетъ, узритъ весь таинственнаго иноческаго жителства законъ и не сотребуетъ поистинне многихъ книгъ для наученія сему. А яко сіе истинна есть, зде мало нечто на среду принесемъ от премудрыхъ и премногія ползы исполненых того словесъ и поученій уверенія ради неведущимъ, да от сихъ разумеваютъ и от протчихъ. Пиша бо о вни- маніи и бореніи съ помыслы, сице глаголетъ:

«Понеже благимъ помысломъ последующе, лукавый [помыслы] входятъ въ насъ, то подобаетъ покушатися молчати мыслію даже и от мнящихся благихъ помысловъ и зрети присно во глубину сердечную и глаголати умную, или Іисусову, молитву». И паки: «Аще и блага разуменія явятся вещей некихъ, не внемли темъ, но держи воздыханіе якоже мощно, и умъ в серце затворяя. Вместо оружія призывай Господа Іисуса часто и прилежно, и отбегнутъ помыслы от тебе, яко ог- немъ палими невидимо божественнымъ именемъ». О молитве совер- шенныхъ сице рече: «Во время молитвы восхищаетъ[760]умъ вне хотенія въ мысли безплотныхъ в вре[761][!] превыше всего чувственнаго. Кипитъ из сердца присно сладость некая и привлачитъ человека всего из всего непостижно на время.[762]Нападаетъ на все тело пища некая и радо ваніе, якоже языкъ плотски[763]не может сія изрещи, дондеже вся земная пепелъ и уметы вменить въ памяти своей. И егда наидетъ чело- веку оная пища, тогда мнить сицевый во онъ часъ, яко несть ино что Царство небесное, точію сіе» и протчая.

От сихъ убо яве есть, колико высокое имеяше сей великій отецъ ума просвещеніе и духовную мудрость и яко делатель и во искусе сихъ бе, яже и совершенствомъ въ дусе и виденіемъ от святыхъ отецъ именовашеся.

Колико же великое име смиреніе сей отецъ, несть возможно сло- вомъ изрещи. Толикихъ бо великихъ сподобленъ сущи дарованій и во искусе, якоже речеся, и самоделатель и самозритель бывъ неизречен- ныхъ сихъ, «в ня же, — по апостолу, — желаютъ и аггели приникну- ти»<1 Петр.1, 12>. Глаголаше себе быти грешна, препроста и неве- жу и ни же слышанія достойна.

О, глубокаго смиренномудрія божественнаго мужа! Что бо можетъ болши и вышше сего достоинство быти, еже на выцсоте бестрастія стати, паче же всехъ последнейша и грешнейша себе вменяти!

Но на предлежащая да возвратимся и скажемъ поне мало нечто о чудесехъ сего богоноснаго и прислопамятнаго отца.

О ЧУДЕСАХЪ ПРЕПОДОБНАГО ОТЦА НАШЕГО НІЛА ЧУДОТВОРЦА Чудо первое

Прешедшим бо неколикимъ летомъ по преставленіи его, иже всегда прославляяй святыя Своя Богъ нашъ прослави и сего преподобнаго Своего чудодействіемъ сицевымъ.

Купецъ некий, царствующаго града Москвы житель, плененъ бысть безбожными агаряны, или турки, и пребысть в томъ плененіи неколи- ко леетъ [!] в велицемъ озлобленіи и тесноте. Моляшеся же о избавле- ніи своемъ от плена ко Господу Богу и призывая на помощь угодни- ковъ Его. Бе бо благочестивъ и богобоязнивъ человекъ оный, к сему же и богатъ зело, имеяй именія многа въ дому своем, жену же и чада. И о семъ велми печаловаше, и от многія печали впаде в болезнь и страждаше от обою: от болезни и от печали.

Во едину же нощь сномъ тонкимъ уснувшу ему, явися мужъ некій светелъ, монашески одеянъ, и рече ему: «Человече, обещайся напи- сати образъ преподобнаго Ніла, и будеши в дому твоемъ». Той же ощутився от тонкаго сна и хоте поклонитися явившемуся и вопроси- ти его, но явивыйся претворися яко в молнію, и светъ велій восія въ храмине той. Оный же человекъ бысть во ужасе и размышляше в себе, недоумевая, кто — Нілъ преподобный и где обретается, и моляшеся со слезами Богу, призывая на помощь Ніла преподобнаго.

Въ другую убо нощь паки явися ему преподобный, якоже и преже, и рече ему: «В Белозерскомъ уезде — Нілъ Сорскій, от Кирілова монастыря въ 12 верстахъ». Абіе же вскочивъ человекъ оный от одра своего скоро, хотя видети яве преподобнаго и поклонитися ему и подробно вопросити, но той паки преложися во светъ, и многое благо- уханіе бысть, якоже и первее. Той же ужасомъ, вкупе и радостію обьят бысть, благодарственныя гласы на небо возсылаше, глаголя: «Воис- тинну, Господи, Ты послалъ еси угодника Своего на избавленіе мое!» — и плакася нощь оную и глаголаше<на поле:в себе>: «Каковым подо- біемъ написати образъ твой, о святче Божій, не вемъ».

Явися убо ему третіе преподобный Нілъ и положи при возглавіи его изображеніе свое, на листе начертано, и рече: «Человече Божий! Вземъ листъ сей, иди во отечествіе свое, в Россійскую землю». И сіе рекъ, абіе невидимъ бысть. Онъ же, скоро воставъ, обрете изображеніе преподобнаго Ніла, на листе начертанное, при возглавіи его лежащо, сердце же свое неизреченныя радости исполненно, Богу и угоднику Его веліе благодареніе возсылаше.

Оле чудесе! Како прославляетъ Богъ угодника Своего!

Не ведяше же пути человекъ оный боголюбивый и не знаяше, камо итти, и о семъ в недоуменіи бывъ, нача молитися со многими слезами ко Господу Богу и угоднику Его, преподобному Нилу Чудотворцу. И абіе бысть к нему гласъ, глаголющій: «Человече, иди нощію в степь, и узриши звезду светосіянную пред собою, той последуй, и сохраненъ будеши от безбожныхъ агарянъ». Слышав же сей гласъ боголюбивый той мужъ, укрепися в вере и упованіи на Бога и угодника Его, воставъ, иде дерзновенно в степь нощію. И явися пред нимъ звезда светлая, предидущая и путь ему показующая. Онъ же идяше по ней, моляся непрестанно мыслію к Богу и призывая на помощь угодника Его, Ніла Чудотворца.

Егда же и бысть день, услыша гонящихъ за собою на конехъ агарянъ со псы своими. Обозревся же, виде варваровъ со обнаженными мечи быстро текущихъ и хотящихъ посещи его, и абіе от страха и ужаса того паде на землю, плача зело и моля Господа о избавленіи своемъ от горкія смерти. Видевъ же Господь того моленіе, покры его невидимо всемогущею Своею силою, и прескочиша чрезъ его кони и псы ихъ. Варвары же вопіяху: «Где есть онъ?! Како видехомъ, и сіе — несть его нигде- же?» И, много поискавше, не обретоша и тако возвратишася.

Онъ же, воставъ и обозревся, никого же видевъ, веліе благодареніе возсылаше Богу и угоднику Его Нілу Чудотворцу о избавленіи своемъ от напрасныя смерти. И паки поиде, радуяся, в путь свой. И пришедъ к некоей реке, яже быше быстра зело и чрез всю степь оную течаше даже и до моря, превозу же или мосту чрез нее не бе нигдеже.

Агаряне, ведяще сію реку и яко далее оныя некамо бе мощно итти, погнаша паки воследъ его и, постигше его у оныя реки, устремишася со обнаженными мечи, хотяще на уды рассещи его. Он же, назнаме- навъ себе крестнымъ знаменіемъ, въвержеся въ страшную ону реку, и понесенъ бысть<на поле:быстриною оныя реки>, лежащу ему на воде, яко на ладіи. Варвари же стреляху въ него съ брега, но не можа- ху вредити его и, много рыскавше по брегу реки оныныя </> и мнев- ше его уже утонувша, возвратишася во своя. Многое же время тако несену ему бывшу, принесеся ко брегу другія страны реки и, хватився за брегъ, изыде на сухо, Богу и угоднику Его Нілу Чудотворцу хвалу воздая о избавленіи своемъ.

Укрепився же пищею, поиде без боязни днемъ и нощію, питаю- щися былиемъ и кореніями, яже въ степи той растяху, и тако доиде россійскихъ градовъ, всемъ поведая яже о себе и как избави его Богъ от плененія агарянскаго черз угодника Своего, преподобнаго Ніла Чудотворца. И вси слышащіи славиху[764]Бога и угодника Его и даяху ему проводники. И сице достиже царствующаго града Москвы, и абіе, не входя въ домъ свой, иде ко іконописцу, вдаде ему данный от преподобнаго Ніла листъ со изображеніемъ его и повеле написати образъ его тако, якоже бе на листу изображенъ, бе бо подписано на листу оном и мера образа в длину и в ширину. По семъ иде в домъ свойкчадомъ своимъ,[765]и плакашеся вси вкупе </> от радости. Таже созва освященный соборъ и, певше молебная, вси вкупе воздаша хвалу и благодареніе Богу, творящему дивная чудеса угодники Своими. По- томъ представи трапезу и уреди всехъ доволно. Созва же и нищихъ множество и удовли всехъ брашном и питіемъ, и милостынею всехъ одари щедро. И бе в дому его радость и веселіе, всемъ бо поведаше величія Божія, яже сотвори с нимъ Господь,[766]— како изыде из горка- го плененія, и вси, слышаще, глаголаху: «Слава Тебе, Боже, творящему дивная чудеса рабы Своими!»

Иконописецъ же, написавъ образъ преподобнаго Нила Сорскаго Чудотворца, возвести оному христолюбивому мужу, той же со тща- ніемъ пріиде и, видевъ образъ преподобнаго, с радостными слезами и со страхомъ поклонися и облобыза его, иконописца же одаривъ щедро за написаніе онаго. Сотвори же веліе торжество, празднова празд- никъ Нілу, преподобному Чудотворцу, и, певше молебная, сотвори учрежденіе в дому своемъ. По семъ проводи образъ оный в Ниловъ скитъ со многою церковною потребою, и положенъ бысть на гробнице преподобнаго Ніла идеже и доднесь всеми видомъ<!>есть, лежащь и источающь исцеленія с верою приходящимъ во славу Христа Бога и в прославленіе угодника Его, преподобнаго Ніла Чудотворца.

Чудо второе

Егда благоверный царь и великій князь Іоанъ Васильевичь, нари- цаемый Грозный, приходилъ на Белоезеро во обитель преподобнаго Кирілла богомоленія ради, тогда пріиде и въ пустыню, или скитъ, къ преподобному Нилу Сорскому Чудотворцу. И совершивъ молебное пеніе при гробе его, виде пустынное оное место уныло и вельми душеполезно, ко умиленію же и слезам приводящо, прослави Бога и, угодника Его житію почудився, повеле же церковь каменную от своихъ царскихъ сокровищь воздвигнути на месте томъ.

Въ то время явися ему преподобный Нілъ и не повеле ставити церкви каменныя, ни же излишнему украшенію быти в церквахъ, проуве- де бо преподобный, якоже нецыи реша, от разбойникъ грабленіе быти имущее.[767]Азъ же мню, яко не мнее и сего ради не благоволи Богъ и угодник Его от царя сего построенней быти церкви или храму, понеже сей, аще и благоверенъ бе, но премногія крови пролія и многія великія святыя мужи умучи и умертви, якоже исторія яже о немъ ясно являетъ. И что дивно: аще пророку и богоотцу Давыду, о немже Самъ Богъ свидетельствова, глаголя: «Обретохъ Давыда, раба Моего, мужа по сердцу Моему»<Пс.88, 21 >, — и егоже кротости и незлобію вси святіи дивляхуся, — аще сему, глаголю, не бе позволено создати дому имене Господня, речено бо бе к нему от Господа: «Не созиждеши ты дому Моего, понеже многія крови пролиялъ еси, но сынъ твой — той созиждетъ домъ имени Моему» <ср.: 1 Пар.22, 8–10>, — сице убо и зде бысть. Но на предлежащее возвратимся.

Царь убо по явленіи томъ даде жалованную свою грамоту в скітъ преподобнаго Ніла Чудотворца за подписаніемъ царскія своея руки, дабы даваемо было ружное жалованіе денежное и хлебное повсегод- но на пропитаніе живущей тамо братіи, и та его грамота хранится в монастырской ризнице.

Чудо третіе

Иерей некій,[768]Адамъ именемъ, живяше в ските преподобнаго Ніла съ сыномъ своимъ, отрокомъ Михаилом, и некогда посла его к пономарю ради<приписано\потребы> церковныя. Идущу же отроку тому по повеленію отца своего, срете его неки дики[769]человекъ и, похва- тивъ онаго, понесе, аки вихремъ, и занесъ в непроходимая места и дебри, идеже бяше некая храмина. Въ ту убо храмину внесъ, постави отрока посреде оныя. Бяше же ту неки старый аки бы человекъ, той рече къ ту сущей жене: «Корми отрока сего». И принесоша ему раз- личныхъ зелій, и понуждаху его ясти. Онъ же никакоже хотяше, но, стоя на едином месте неподвижно, плакаше горко.

Отецъ же его, видевъ, яко долго не возвращашеся къ нему, начатъ искати его всюду, но нигдеже обрете. Созвавъ убо всю братію, иде с ними в часовню, яже недалече от скіта стоитъ, идеже [приписано:чудотворная] ікона Пресвятыя Богородицы, честнаго ея Одигитрія быше, ту убо нача совершати молебная пенія и призывати в помощь преподобнаго Ніла Чудотворца со слезами. И в той часъ узре отрокъ преподобнаго Ніла, пришедша и ставша пред окномъ оныя храмины, в нейже стояше, и ударивша жезломъ по оконцу, и потрясеея<!>храмина, сущіи же ту ничистіи дуси вси падоша на землю. Отрокъ же стояше и плакаше, зря к преподобному Нілу, и слыша его глаголюща: «О, окаянніи! Почто дерзнусте на святый мой скітъ<вставлено:и взясте> отрока сего? Но отнесите его скоро идеже взясте!» И абіе дивій онъ, похвативъ отрока, понес паки, яки вихремъ, и донесъ до мелни- цы скитскія, постави его на сенный стогъ, в скитъ бо не смеяше нести. Начатъ же отрокъ вопити на стоге.

В то время идяше іерей оный от часовни съ братіею, и слышаху отрока вопіюща въ ските и, дошедше, видеша его стояща на стоге, прославиша Бога и угодника Его Ніла Чудотворца. Начаша же отрока вопрошати о приключшихся ему, той же поведа имъ вся бывшая. И от того времени бяше отрокъ оный аки изумленъ и смиренъ зело. Іерей же оный от страха того изыде из скита с сыном своимъ. Мы же, грешніи монаси скита сего, вся сія видехомъ и слышахомъ от отрока онаго, еже и написахомъ въ ползу чтущимъ и послушающимъ, во славу же дивнаго во святыхъ Своихъ Христа Бога нашего и въ прославленіе угодника Его, преподобнаго Ніла Чудотворца.

О протчихъ же многихъ чудесехъ преподобнаго отца нашего Ніла не обретохомъ писаніемъ изложено, но точію на многихъ местехъ написано обретается свидетельство таковое, и мы, зде живущіи монаси, видехомъ премногія чудеса.

Азъ же грешный, елико возмогохъ собрати, написахъ со многимъ опасеніемъ и тщаніемъ, по силе моей, о всемъ житіи преподобнаго отца, такожде и о чудесехъ его, — не яко разумъ и веденіе имея въ сицевыхъ, грубъ сый веема и неразумія всякаго исполненъ, но любовію влеком къ любезному мне богоносному отцу и на его помощь надеяся. Дерзнухъ на сіе, яко поне малую получу милость, многимъ грехомъ повинемъ<!>сущи, — того молитвами, благодатію же Господа нашего Іисуса Христа, Емуже подобаетъ екякая </> слава со безначалнымъ Его Отцемъ и Пресвятымъ и благимъ и животворящимъ Духомъ ныне и присно и во веки вековъ. Аминь.

Свидетельство греш: і: Никона

Во время моего в пустыни сей пребыванія и я, грешный Никонъ, много — воистину — виделъ чудодействій..! великаго нашего отца!.. Нила преподобнаго!.. Какъ — общественныя — так и относительно ко мне — недостойному. Что свидетельствую — моею совестію… также и явленія его… Но написать — подражая прднимъ </> — скита сего си: старцем не осмелился.

Убоги — и грешный с: і: Никонъ Сухій.