Заметка «Яко добро есть писати святыя книгы» и «Завет» инока Иннокентия воспроизводится здесь по списку РНБ, Кирилло–Белозерское собр., № 25/1102, Сборник «Ниловы главы», лл. 162 об. и 284 об-287. Вся книга писана одной рукой в сер. XVI в. В письме часты графические грецизмы, например, «у» — в виде греческого «оѵ». Приводить разночтения по другим известным спискам «Завета» (РНБ, Кирилло–Белозерское собр., №74/1151, сер. XVIв., лл. 392–396 об.; РНБ, Кирилло–Белозерское собр., № 20/1259, XVI в., лл. 400- 401 об.; РНБ, собр. Кирилловского музея, № 12, сер. XVIII в., лл. 13–15 об.; РНБ, Кирилло–Белозерское собр., № 61 /1300, XIX в., лл. 10 об-12 об.) представляется бессмысленным, так как смысловых разночтений они не дают.

ЯКО ДОБРО ЕСТЬ ПИСАТИ СВЯТЫЯ КНИГЫ

О,Инокентие! Аще потщишися къ божественому писанію трудо- любно прилежати, трое благо полоучиши: первое, от своих трудов питае- шися; второе, празднаго беса отгониши; третіе, съ Богомъ беседовати имаши.

ЗАВЪТ ИНОКА ИНОКЕНТІА

Се азъ, убогій инокъ Инокентіе, написалъ еемь завет, — аще кому повелит Богъ жити в пустыни нашей. Прежде всех о семь молю вас: Господа ради поминайте мене грешника въ святых молитвах своихъ. А азъ вамъ, отцемь и братіамъ нашимъ, зелне челом бію.

А еже завещаю вам, — чтобы промежи вами брани и которы не было, но любовь яже о Христе и миръ духовный посреде вас.

А юнных безбрадных иноковъ не пріимати, и не постригати зде таковых. А мирскых юнных безбрадных на служеніе не держати. А жень- ску полу всяческы в нашу пустыню невходно, ни же безсловесных коих женьска рода не быти у нас.

Пианьственаго же пітия отнудь не подобает держати нам.

А еже како пребывати в пустыни нашей, і о молитве, и пеніи, и како питатися, и когда подобает исходити потребы ради въ благословно время, и о рукоделіи, и о прочем, — сія вся вчинена суть в написаніи господина и учителя моего, старца Нила, — написана в сей книзе от верхніа дцкы;[518]сего ради азъ въскоре претекох и въкратценаписах, — понеже тамо обрящеши: вся благоугодна суть Богови.

О церкви

Живущая братіа наша, иноци, въ пустыни нашей, аще начнут благоугодно жити, и хранити заповеди Божія, и въехощуть церковь въз- двигнути, — то есть на Божіемъ благоволеніи и на их произволеніи.

И аще благоволит Богъ, да будет церкви въ имя святаго великаго Іоанна Предтечи и Крестителя Господня, Третіе обретеніе честныа его главы, еже есть месяца майя 25. Сей бо великій Іоаннъ наставникъ есть всем иноком и пустынножителем. А о созиданіи и украшеніи цер- ковнем написано въ предисловіи написаніа старца Нила словесъ, еже есть в сей книзе.[519]

О келіахъ

Аще кто брат нашь инокъ поставит себе келіи въ пустыни нашей и потомъ аще отидет ис пустыня сея, и техъ келей не отдати, ни прода- ти никому и не купити у него никому. Но владают теми келіами настоятель и ту живущая братіа.

Аще ли прежереченный братъ възвратится в пустыню сію, и убо надъ теми келіами власти не имат.

Аще убо настоятель по съвету съ братіами въсхотять продати которому брату избыточныа келіи, да продадут. И потомъ аще отидеть ис пустыня сея той братъ, иже купивый келіи, и не имат власти продати или отдати кому те келіи, якоже выше написано есть. Но владеют теми келіами настоятель и ту живущая братіа.

Такоже аще и възвратится той братъ въ пустыню сію, единако не имать власти над теми келіами.

Аще убо кто от братіи многыа келіи поставит, или многажди келіи купит, и по отхожденіи и по прихожденіи не имут власти над теми келіами.

Аще ли въсхощуть настоятель и братіа възвратившемуся брату дати прежнюю, бывшую его келію, то есть на их произволеніи.

А преставляющійся братіи от житіа сего в сией нашей пустыни, келіи не продати, ни отдати никому. Настоащій и ту сущаа братіа владают теми келіами. А живущая братіа, иноци на месте сіемь, да не торгуют келіами, ни меняют промежи себя, но кійждо въ своихъ келіахъ живеть.

О самочинникохъ

Аще который в пустыни нашей братъ нашь инокъ не въсхощет уп- равляти свое жительство по божественыхъ заповедех и по написанію господина и учителя моего, старца Нила, и по сиему нашему письме- ни, но убо самочиніемъ и самовольствомъ въсхощет водитися, тако- ваго настоятель и братіа да накажут. Аще ли и по наказаніи не исправится, сего убо настоятель и братіа измещут от пустыня, яко плеву от жита, безо всякоа боязни, по сіему нашему завещанію.

Аще тъ брат в чювъство пріидеть и въсхощет управляти свое жительство по Бозе, и святыхъ отець преданіи, и по написанію господина и учителя моего, старца Нила, и по сиему нашему завету, сего убо настоятель и братіа пакы пріимут въ пустыню сію.

Сіа убо азъ, инокъ Инокентіе, написах, яко да по смерти моей тако творима будуть.