Воспроизводится по рукописи РГБ, собр. Троице–Сергиевой лавры, № 188,

Сборник, XVI в., л. 18—19.

Подготовка текста и перевод Г. М. Прохорова

Во имя Отца и Сына и Святаго Духа. Завещаваю яже о себе моимъ приснымъ господіамъ и братіам, яже суть моего нрава: молю вас, повернете тело мое в пустыни, да изъядят е зверіе и птица, понеже съгрешило есть къ Богу много и недостойно есть погребеніа. Аще ли сице не сътворите, и вы, ископавше ровъ на месте, идеже живем, съ всякимъ бесчестіемь погребите мя. Бойте же ся слова, иже Великій Арсеній завеща своимь учеником, глаголя: «На Суде стану с вами, аще кому дадите тело мое». Мне потщаніе, елико по силе моей, что бых не сподобленъ чести и славы века сего никоторые, якоже в житіи семь, тако и по смерти. Молю же всех, да помолятся о души моей грешной, и прощеніа прошю от всех, и от мене прощеніе: Богъ да простит всех.

Крестъ бол шей, что в нем камень страстей Господних, такоже и что писал есми сам книжки, то — господе моей и братіи, кто учнет тръпети на месте сем. Аще бы потщалися по мне службу священную сотворити до 40 дней! О томъ велми челом бью. Малыа книжницы — Иоаннъ Дамаскинъ, Потребникь і Ермолой — такоже зде. Псалтырь в четверть Игнатіева писма — в Кириловъ манастырь — и прочіе книги и вещи Кирілова манастыря. Что мне давали за любовь Божію, чіе что есть, тому и отдати: или нищим, или манастыря коего, или отъинуду христолюбца коего, что въ лицех, — тому и отдати.

ПЕРЕВОД

Во имя Отца и Сына и Святого Духа. Завещаю о себе постоянным моим господам и братьям, людям моего нрава: молю вас, бросьте тело мое на пустом месте, да съедят его звери и птицы, поскольку согрешило оно против Бога много и недостойно погребения. Если же так не сделаете, то вы, выкопав ров на месте, где мы живем, со всяким бесчестием погребите меня. Бойтесь же слова, которое Арсений Великий завещал своим ученикам, говоря: «На Суде стану с вами, если кому- нибудь дадите тело мое». Я стараюсь, сколько есть силы моей, чтобы не быть сподобленным чести и славы века сего никакой, как в жизни этой, так и по смерти. Молю же всех, да помолятся о душе моей грешной, и прощения прошу у всех, и от меня прощение: Бог да простит всех.

Крест большой, в котором камень страстей Господних, также и что писал я сам книжки, то — господам моим и братии, кто начнет терпеть на месте этом. Если бы постарались по мне службу священную совершать до 40 дней! О том много челом бью. Малые книжицы — Иоанн Дамаскин, Потребник и Ирмологий — также здесь. Псалтырь в четверть Игнатьева письма — в Кириллов монастырь — и прочие книги и вещи Кириллова монастыря. Что мне давали за любовь Божию, чье что есть, тому и отдать: или нищим, или монастыря некоего, или извне христолюбца некоего, чье лицо известно, — тому и отдать.