Подготовка текстов Г. М. Прохорова Рукопись ИРЛИ, Р. IV, оп. 24, № 66, Сборник, 1784 г., лл. 287–288 об. О ЖИТІИ ПРЕПОДОБНАГО НИЛА СОРСКАГО писанія не обретохом, но токмо мала от многих слышахом о пришествіи его во оную пустыню Сорскую, иже ныне зовется Ниловъ скитъ.

Пріиде преподобный отецъ нашъ Нилъ чюдотворецъ со учеником своим Инокентіем от Палестинских странъ изъ Святыя Горы Афонскія и поиде по благословенію въ непроходимыя [места][753]дебри и леса, и пріиде на Сору–реку, на место, идеже ныне пустыня его стоитъ, и водрузи святый крестъ, и постави часовню, и келію, и ископа кладезь, и уготова тамо место, где быти церкви, и въ погребеніе себе и братіи, и своими руками наносилъ гору земли, и устроилъ, понеже около того места болота и мхи непроходимыя, и поставилъ мелницу на потребу братіи. И доднесь молитвами его все стоит, нерушимо, и всеми ныне видемо. А прочия подвиги его и труды, и жестокое житіе кто может исповедати?

А ученика своего Инокентія со благословеніем отпусти отъ себе въ Вологодской уездъ на Мурому реку. И пророчески рече ему: «Чадо Инокентіе! Богъ тя имать прославити тамо, и твоя обитель имать быти обща, а моя пустыня, как при моемъ животе, так и по смерти моей будетъ, — по единому бо брату имут жити въ келіях своих».

И всех лет живота его седмьдесят пять. И преставися въ вечный покой вълета 7016(1508)году въ неделю святых женъ мироносицъ, месяца маія въ 7 день.

И по преставленіи его понахиды по нем поют маія 6–го числа на канонъ дни Іоанна Богослова.

СКАЗАНИЕ ВЪКРАТЦЪО ЯВЛЕНІИ ВО СНЪ ВЕЛИКОМУ КНЯЗЮ ИОАННУ ВАСИЛЬЕВИЧУ ПРЕПОДОБНАГО ЧЮДОТВОРЦА НИЛА

По преставленіи преподобнаго Нила Чюдотворца великій князь Иванъ Васильевичь приходилъ въ Кириловъ монастырь и молебное пеніе соверши, и пошелъ въ Ниловъ скит помолитися, и пріиде въ часовню ко гробу Нила Чюдотворца, и молебное пеніе совершив.

И явися оное пустынное место уныло, и плачевно, и вельми душеспасительно. И житію преподобнаго Нила почудивъся, и похваливъ Бога, и повеле церковь каменную воздвигнути. И явися ему во сне преподобный Нилъ, и неповелелъ ему церкви каменныя воздвигнути, ни же въ церкви, ни же въ келіях каковому украшенію быти, кроме нужныя потребы. [О сем зри пространно писано въ Преданіи его о церковном украшеніи и о прочих нужных вещех въ начале книги преподобнаго Нила].[754]И тогда государь царь Иванъ Васильевичь повеле дати свою царьскую жалованную грамоту во оной скитъ за своей царь- ской рукою и печатію, чтобы давать изъ царскія казны годовое денежное жалованіе и хлебное на пропитаніе ту живущим братіямъ, которая грамота и доднесь въ ризнице обретается.

Далее, лл. 288 об-290, —Нилова ученика Инокенътія Завещаніе о келіяхъ и иных зданіях въ Нилове ските.Нач.:Аще кто нашъ брат инокъ поставит себе келію…Конец:А о созданіи и украшеніи церковном написано въ предисловіи написанія старца Нила словесъ, еже есть въ книзе сей.

И далее:

Месяца маія въ 7–й день,по завещанію преподобнаго Нила, по- нахиду поютъ по нем и обедню служат, а службы ему нет, точію тропарь, і кондак, і икосъ чтется на память его въ 7 день маія.

МОЛИТВА ПРЕПОДОБНОМУ ОТЦУ НИЛУ, НАЧАЛЬНИКУ ВЪ РОССІИ СКИТСКОМУ ЖИТІЮ

О, преподобие и богоблаженне отче Ниле!

О, сладкоглаголевый наставниче и учителю нашъ, иже по благо- воленію Божію во уготованней пустыни дебрехъ изъволих преселитися и во уединеніи витати, и удалитися мирских смущеній, и духовныя радости исполнитися, и яко лоза благоплодна умноживъ чада въ пустыни, и яко аггелъ во плоти явися, и возжелатель всякаго блага, идеже желают аггели проникнути!

Но молим тя, преподобие и богоблаженне отче нашъ Ниле: но яко имея дерзновеніе ко Святей Троице, со всеми угодившими Богу святыми, преподобными, и праведными, и пустынножители, и моли Христа Бога, пастырю нашъ добрый, честнейшій и блаженнейшій, за благовернаго и благочестиваго государя царя и великаго князя имярек, всеа Великіа и Малыя и Белыя Русіи самодержца, и о всей полате и воехъ его!

Но молим убо праведныя твоя щедроты и препадаем тепле ко гробу твоему святому и возопіемъ умильно изъ глубины сердечныя: сіа наша моленія, Богови возсылаемыя, пріими и донеси ходатайственне всех Творцу и Избавителю, Христу Богу нашему, яко да твоими молитвами оставленіе греховъ получим и геенскаго огня да избудем благодатію и человеколюбіем Господа нашего Ісуса Христа, Ему же слава ныне и присно и во веки векомъ, аминь.