¹ Арадуудай болон гүрэн түрэ бүхэнэй өөһэдын өөрсэ хэлэтэй болохын урда тээ дэлхэйн бүхы зон нэгэ түрэл-хи хэлэтэй, нэгэн адляар хөөрэлдэдэг һэн. ² Олон зон Зүүн зүг руу нүүжэ, Вавилон гэдэг тала газар руу ерэжэ һуурижаба.

³ Тиигээд өөһэд хоорондоо тэдэ иигэжэ хөөрэлдэбэ:

— Һууринай барилга ябуулха хэрэгтэй. Шабараар хирпии-сэнүүдые хээд, бүхэ шанартай байхынь тула тэдэнээ галда шатаая.

Тиигээд тэдэ барилгада шулуунай орондо хирпиисэ, хирпии-сэнүүдые барисалдуулхын тула сагаан шохойн орондо дабирхай хэрэглэдэг бюлобо.

⁴ Хоорон доо тэдэ да хин хэлсэ бэ:

— Газар дэлхэйгээр таража бутархагүйн тула бидэ асари хүсэтэй, алдар солотой, һүр ехэтэй улас түрэ болохо ёһотойб-ди. Тиимэһээ тэнгэри тулама үндэр самхаг, бата найдамтай хэрэмтэй хото бария.

⁵ Эзэн хүн тү рэл тэ нэй хэжэ бай һан ажал хэ рэ гүү дые ха раад, ⁶иигэжэ зарлиг болобо:

— Харыт, эдэ зон иишэ-тиишээ зөөжэ ябахын орондо нэгэ газарта обооржо, нэгэ хэлэтэй нэгэ арад болохоёо һэдэнэл. Иигэжэ суг хамта барилга эхилбэл, саашадаа тэдэ юушье хэжэ магад. ⁷Тиимэһээ бэе бэеэ ойлгохоо болиторнь хэлыень худхан холие!⁸ Иигэжэ зон барилгаа дүүргэнгүй орхижо, орон дай даар зай гуул та ба.

⁹ Тэрэ хотын зоной нэгэн хэлые бэе бэеэ ойлгохоёо болиторнь Эзэнэй худхаһан ушарһаа хото «худхаха» гэһэн удхатай, еврей хэлээр «Вавилон» гэдэг нэрэтэй болоһон байна. Тэндэһээ Эзэн зониие бүхы түби дэлхэйгээр тараан сасаа.

ЭЛИНСЭГ ХУЛИНСАГУУД

 Авраһаамай урда үенүүд

¹⁰ Шеэмэй угай бэшэг эндэһээ эхилнэ.

Үерэй һүүлээр хоёр жэл үнгэрөөд бай хада, Шеэм зуу на һатай-даа Арпахшаад гэжэ хүбүүтэй болобо. ¹¹ Арпахшаадай гараһа-най һүүлээр хэдэн хүбүү, басагатай болоод, Шеэм үшөө табан зуун жэл ажаһуугаад, наһа бараа бэлэй.

¹² Арпахшаад гушан табатай байхадаа, Шелаах гэжэ хүбүү-тэй болобо. ¹³Шелаахай түрэһэнэй һүүлээр Арпахшаад үшөө дүрбэн зуун гурбан жэл ажаһуугаад, хэдэн хүбүү, басагадтай болоод, гээг дээ бэлэй.

¹⁴ Шелаах гушатай байхадаа, Ээвэр гэжэ хүбүүтэй болобо.

¹⁵ Ээвэрэй түрэһэнэй һүүлээр Шелаах үшөө хэдэн хүүгэдтэй болоод, дүрбэн зуун гурбан жэлдэ ажаһууһанай удаа наһа ба раа һэн.

¹⁶ Ээвэр гушан дүрбэтэй байхадаа, Пэлэг гэжэ нэрэтэй хүбүү-тэй болобо. ¹⁷Ээвэр энээнһээ гадна хэдэн хүүгэдтэй болоод, Пэлэгэй түрэһэнэй һүүлээр үшөө дүрбэн зуун гушан жэл ажаһуугаад, наһа бараа бэлэй.

¹⁸ Пэлэг гуша наһатай байхадаа, Реһүү гэжэ хүбүүтэй болобо.

¹⁹ Энээнэй һүүлээр тэрэ хоёр зуун юһэн жэл ажаһуугаад, хэдэн хүү гэд тэй болоод, гээгдээ бэлэй.

²⁰ Реһүү гушан хоёртойдоо Сэрүүг гэжэ хүбүүтэй болобо.

²¹ Сэрүүг хүбүүнэй түрэһэнэй хойно Реһүү хоёр зуун долоон жэл ажаһуужа, хэдэн хүбүү, басагадтай болоод, наһа бараа һэн.

²² Сэрүүг гушатай байхадаа, Нахоор гэжэ хүбүүтэй болобо.

²³ Энээнэй удаа Сэрүүг үшөө хэдэн хүбүү, басагатай болоод, үшөө хоёр зуун жэл ажаһуугаад, гээгдээ бэлэй.

²⁴ Нахоор хорин юһэтэй байхадаа, Теэрах гэжэ хүбүүтэй боло-бо. ²⁵ Тэрэ сагһаа хойшо Нахоор зуун арба юһэн жэл ажаһуугаад, үшөө хэдэн хүбүүд, басагадтай болоод, нүгшэбэ.

²⁶Теэрах далатай байхадаа, Авраам, Нахоор ба Һараан гэдэг гур бан хү бүү тэй бо ло бо.

^27-28 Энэ болбол Теэрахай угай бэшэг юм. Авраам, Нахоор, Һа-раан гэгшэд Теэрахай гурбан хүбүүд болоно. Тэдэ Вавилоной дэргэдэ оршодог Үүр гэжэ хотодо амидардаг байгаа. Һараан Лоот гэдэг хүбүүтэй, Милка, Иска гэдэг хоёр басагатай болоод, наһа бараа бэлэй. Тэрэ үедэ Теэрах эсэгэнь амиды мэндэ ябаа.

²⁹ Нахоор түрэһэн дүү Һараанайнгаа басаган Милкае, Авраам Саара гэдэг басагые һамга абабад.

³⁰ Саара үхибүү түрэдэггүй, хээлитэй боложо шададаггүй байгаа.

³¹ Теэрах Авраам хүбүүгээ, аша хүбүүгээ — Һараанай Лоот гэжэ хүбүүе, бэриеэ — Авраамай һамган Саарые абаад, Ханаһаан орон руу нүүжэ ошохоёо Вавилоной дэргэдэхи Үүр хотоһоо гараба. Гэбэшье эдэнэр замдаа тогтожо, Хараан хотодо хүрөөд, тэндээ байрлаа һэн. ³²Теэрах тэндэ ажаһуужа, хоёр зуун таба наһатай-даа нүгшэһэн юм.

Авраһаам Авраамые Эзэн Бурханай шэлэлгэ