л. 176 Всякому держащемуся благоверна удобно есть внимати о благорастворении добродеяния, паче же всего разумевати еже о любви, та бо есть всех добродетелей главизна, та есть всем благотворением мати, от тоя бо ражаются вся добротворенна. О сем же положим растворение и купно о сей глаголем, яко не от земных добродетельствий, но от божняго существа та есть, ибо сам Господь рече: «Отец бо любит сына и вся показует ему, яже сам творит»[785]. О сем убо разумеем, яко начало любы есть союз Божий — соединение Пресвятыя Троица Отца и Сына и Святого Духа, понеже убо от Бога Отца к безначальному единородному Сыну его и Пресвятому Духу истекание соединенна содержашеся любы, яко же на горах на Фаворе и Ермоне глас бысть: «Се есть Сын мой возлюбленный»[786]. Внеща же по милости своей невидимый Бог восхоте возлюбленна своего ради небесная совокупити с земными, показа мило- л. 176 об. сердиа // своего любовь к человеческому роду. Яко же сам Господь рече: «Тако бо возлюби Бог мир, яко и Сына своего единороднаго дал есть»[787]. Сири бо ся Божий Сын и Бог даже и до рабиа образа, прииде бо в человеческу плоть сего ради, яко Бога человеком неудобь видети, нань же не смеют чини ангельстии зрети, яко же сам Господь рече ко угоднику своему Моисею: «не можеши видети лица Моего, не может бо человек видети лице Мое и жив быти»[788]. Возлюбения же ради человеком, еже да быша видяли его, сотвори си лице плотяно и претерпе волею досажение и оплевание, и биение, и поругание, и страсть, и смерть распятиа, и погребение за вся человеки, яко же Сам рече ко учеником своим: «си есть заповедь Моя, да любите друг друга, яко же возлюбих вы, болше сея любве никто же имат, да кто душу свою положит за други своя. Вы друзи Мои есте, аще творите яко Аз заповедаю вам»[789]. О сем же убо и верховный апостол Христов Петр наказуя ны глаголеть:

л. 177 // «Христос пострада по нас, нам оставле образ да последуем стопам Его[790], сиреч, аще бо умертвимся за правду. Се есть истинная любы, еже за вся человеки умрети. Всяка бо человеческа душа оживотворится правдою. Правда же есть, еже соблюсти заповеди Господня, еже есть любы. Яко же рече возлюбленный Господам богословный Иоанн: «О сем познахом любовь, яко Бог по нас душу свою положи и мы должни есмы по братии душу полагати»[791]. О страсе же Господь рече: «не убойтеся ото убивающих тело, душу же не могущих убити, сказаю же вам, кого убойтеся, убойтеся имущаго власть по убиении воврещи в дебрь огнену, ей глаголю вас, того убойтеся»[792]. Возлюбленный же Господом богословный Иоанн глаголет: «Страха несть в любви, но совершенная любы вон изгоняет страх, яко страх муку имат, бояйжеся не свершается в любви»[793]. Се убо слово вси верующии должни есмы внимати, да кийждо веруяи до конца стерпит. Се же убо исполниша святии апостол и, яко не убояшася прещениа мук любве ради заповедей Христовых, по сих же

л. 177 об. //и сии, иже желаху по Христе мучитися. Яко же сам Господь рече учеником своим: «Заповедь нову даю вам да любите друг друга, яко же возлюбих вы, да и вы любите себе. О сем разумеют вси, яко Мои учиницы есте, аще любовь имате межю собою»[794]. И паки сам Господь рече: «Имеяй заповеди Моя и соблюдая и, той есть любяй Мя, а любяй Мя возлюблен будет Отцем Моим и Аз возлюблю его и явлюся ему сам»[795]. И паки сам Господь рече: «да разумеет мир, яко люблю Отца и яко же заповеда Мне Отец, тако творю»[796]. Сие рече Господь наказуя да быша верующии ему тако творили, яко же Сам заповеда. И паки

Господь рече учеником: «яко же возлюби Мя Отец и Аз возлюбих вас, будите в любви Моей. Аще заповеди Моя соблюдете пребудите в любви Моей, яко же Аз заповеди Отца Моего соблюдох и пребываю в Него любви. Сиа глаголах вам, да радость Моя в вас будет»[797]. Се бо рече

л. 178 Господь, // яко Сам радуется о совершенней любви и паки рече: «и радость ваша исполнится»[798]. И паки рече: «Не к тому вас глаголю рабы, яко раб не весть что творит Господь его, вас же ркох други, яко вся яже слышах ото Отца Моего сказах вам»[799]. Того бо ради Бог небесный творец ученики Своя други нарицая, яко подая образ всем велможам смиренна — еже убогих не уничижати, ни возноситися тленнаго ради и насилием собраннаго богатства, но любити тако богосозданнаго человека, яко не токмо его ради богатества тленнаго щадети, но и плоти своея его ради не пощадети, яко же Сам Господь плоти Своея за ны не пощаде. Сего бо ради богозванный Павел к Тимофею пиша глаголет: «богатым в нынешнем веце запрещай не высокомудрствовати, ни упо- вати на богатество гибнущее, но на Бога живаго»[800]. Мы бо убогаго по Божию образу сотвореннаго человека ни во чтоже творим, но почитаем л. 178 об. богатество, злато и сребро. // Бог же сам паче всего почесть творя человеку, понеже сотвори его по Своему образу и по подобию. Злато же и сребро не по Своему образу сотворил есть Бог, но на потребу и на почесть человеку, и Сам бо распятие пострада за человека, а не за злато, ни за сребро. Како же убогаго безчестиа творим, яко по тому же Божию образу сотворен есть яко же и богатый. Есть бо се в мире, яко той же человек, преж быв убог, малу трапезу имяше и худы порты ношаше, живяше бо от своего труда и душу имый светлу — и не чтяхут и. По случаю же некоща приближися к велможам и некоторыми насилующими коварствы обогате, и душу си омрачи, и учреди трапезы силны, и одеянна многоценна, и села, и винограды, и чтяхут и поклоняхутся ему омраченнаго того ради угодиа миродержителя дьявола, не ведуще како есть душа его честна ли, безчестна ли пред Богом. Аще ли же некоему богату и чтиму бывшу ото всех, душу же имуще от насильства темну, л. 179 // некоща же благий Бог, милости Своея ради восхотев его на покаяние привести, послет нань наказание и отоимет власть его, и упразднит и от насильства, и не будет собраннаго ему от туждих трудов. И пришед во умиление приидет на истинное покаяние, и просветится душа его пред Богом, и узревши и в низщете тогда учнут и безчестити, и ругатися ему, вместо еже бы и паче перваго почтити и. Низщета бо есть честнейши богатества тленнаго пред Богом, понеже Сам Господь пребогатый в милостех, волею обнища. Богатый же всяк несть чист пред Богом, яко же Сам Господь рече: «удобие есть велбуду всквозе иглины уши пройти, неже богату во царство Божие внитти»[801], понеже бо всяко богатство от властвующих коварств насилием или некими ухищренми много збираемо, от своего же труда много богатества никому же мощно собрати, развие кому Господь от земли утворшееся или от плодов земных

л. 179 об. или ото умножениа скота подаст, // яко же Аврааму и Иеву и инем праведником, но не на сокровение же или на величание и на гордость, но того ради, яко приим помилование от Бога, и не пощадите же расточити убогим любве ради Христовы, а не погибнет во аде, яко богатый он, пред него же враты нищий Лазарь лежаще. О таковых бо Ияков брат Господень по плоти написа: «Да хвалит же ся брат смиренный в высоте своей, богатый же в смирении своем, зане яко цвет травный мимо идет. Восиа бо солнце со зноем и усше трава и цвет ея отпаде и благолепие лица ее погибе, тако и богатый в хожении своем увядает. Блажен муж, иже претерпит искушение, яко искушен быв приимет венец жизни, иже обеща Господь любящим Его»[802]. И паки рече: «Не Бог ли избра нищая мира, богаты в вере и наследники царствия, иже обеща Господь любящим Его»[803]. Яко же бо Сам Господь рече учеником Своим: «и не глаголю вам, яко аз умолю Отца о вас, Сам бо Отец любит

л. 180 вы, яко вы Мене возлю // бисте»[804]. Сие же вся сведый Господь рече сего ради, яко святии ученицы Его ради постражут и человек ради, их же душа спасут, ибо и сии многи пакости сотвориша им, елицы последи пришед в чювство разумеша, яко апостоли хотяще им жизни вечныя и от них же страдаша, свершающе Господню заповедь, еже о любви, яко положити душу за други своя. Сии бо не мняху яко бысть древний друг, но мняще яко ныне и враг, но друг будет по вере. Господь бо наказая их, рече: «любите враги ваши, благословите кленущая вы, добро творите ненавидящим вас, молите за творящая вам напасть и изгонящая вы, яко да будете сынове Отца вашего, иже есть на небесех»[805]. Се бо слово и всем верным в заповедех Его ходящим образ даст Господь, яже Сам на кресте рече: «Отче, отпусти им, не ведят бо что творят»[806]. Вся бо сведый Господь, аще и Сам не имеяй греха, но образ дая, яже вся напаствуемая терпети добро есть, сего ради повеле любити враги, яко враг лутши друга л. 180 об. есть. Друг бо по твоему нраву хотя плотскому // твоему естеству благо творити, враг же томлением тела твоего душу твою пресветле очищает, яко оба ти к пользе суть друг убо к телесному естеству, враг же к пользе к душевному свойству. Сего ради Господь вся равно повеле любити, яко же друга, тако и врага. Не свершен бо враг всякий человек, аще и телу зрится враг, души же целитель есть. Сего ради никако же достоит враждовати, токмо на невидимаго врага Миродержителя. Се бо есть истинный враг, еже хотяй и душу и тело в муку некончаемую вовлещи. Сего убо подобает дел ненавидети и братися с ними. Яко бо кто пребываяй в делех его, в нем пребывает[807]— ив себе место Ему сотворяет[808]. О горе тако быти, сего бо дела не от существа суть, но от неправды, ложь бо есть, якоже и Господь рече о нем. Ложь бо толкуется, еже преже не бысть но еже не сущее сложити, сие и оное и глаголати

л. 181 бысть, еже убо не бысть, или не к своему трудотво // рению прилагатися и чюжая восхитати — се есть ложь, есть бо се от сатаны, яко восхоте на Божии сотворении, на облаце, поставити престол и приложитися вышнему и сими погибе. Убо есть ложь сложение, еже несущество, того ради нарицается блядство. Добро же есть сего отбегати и пребывати во Господних заповедех, еже есть в любви, сею бо вся заповеди Господня исправятся. Любовь же есть истинна, еже земных богатеств нестяжание, не сих бо осужая глаголю, елицы земных стяжание требуют, но сих похваляя, елицы стяжаниа не желают, но нестяжание хвалят, яко бо сие ни у кого же ничесо же не нудит восхитити и не сотворит никого же жалящися на тя. Добро убо есть в таковых пребывати, се бо есть Господня воля. Аще ли же кто собирати от чюжих трудов не останется и глаголеть: «аще и богатею, а любовь творю», се ложь есть, невозможно бо обоего сего творити. Егда бо прииде ко Господу некий и рече ему: л. 181 об. «Учителю благий, что благо сотворю да имам живот // вечный»?

Господь же рече ему: «что мя глаголеши блага, никто же благ, токмо един Бог»[809]. Сего бо ради Господь тако рече, понеже он блага учителя нарицашей и не вероваше, яко Бог есть. Господь же поведа ему, яко благ есть и яко Бог есть и рече ему: «аще хощеши внити в живот, соблюди заповеди». Глагола ему: «киа?». Исус же рече: «еже не убиеши, не прелюбы сотвориши, не украдеши, не лжесвидетельствуеши, чти отца и матерь и возлюбиши искренняго своего яко сам себе». Глагола ему юноша: «вся сих сохраних от юности моея и что есмь еще не докончал?» Рече же ему Господь: «аще хощеши свершен быти, иди продаждь имение свое и даждь нищим и имети имаши сокровище на небеси и гряди вслед Мене». Слышав же юноша слово, отиде скорбя, бе бо имея стяжания многа. Господь же рече учеником своим: «аминь глаголю вам, яко неудобь богатый внидет во царство небесное, удобие бо есть велбуду

л. 182 всквозе иглини уши проити, // неже богату во царство Божие внитти»[810].

О сем бо златоглаголивый Иоанн глаголет в толковании своем: «яко вся си заповеди менши есть любви, но подручны суть ей». Господь бо о всех заповедех воспросив, таже глагола ему: возлюбиши искренняго своего, яко сам себе. Он же отвеща: вся си сохраних еще от юности. Се убо слово ложь глаголя, яко аще бы любил искренняго своего, яко сам себе, не бы убо был богат, много бо искренних в низщете, и аще бы их любил яко себе, убо раздаял бы им все богатество и был бы с ними равен в низщете. Сего бо ради Господь изъявляя неисправленное слово Его рече: аще хощеши совершен быти, иди и продажд имение свое и даждь нищим. Он же сего ради оскорбе, яко не любляше тем отдати своего богатества, их же рек любляше яко себе. Се убо он изъяви, еже не тако любляше искренняго яко себе. Сего ради рече Господь: яко неудобь богатый внидет во царство небесное. О таковых бо и Ияков брат л. 182 об. Господень по плоти пиша глаголет: «Богатии плачитесь рыдающе // о страстех ваших грядущих на вы, богатество ваше изгни и ризы ваша молиа поядоша, злато ваше и срёбро изржаве и ржа их в послушество вам будет»[811]. Мы же сих ради речем, о добрая нищета, ею же Христос Бог наш волею обнища, показуя нам нелицемернаго смиренна образ, им ' же возводимся к Нему во царство горняго Иерусалима. Яко же Сам Господь ко Отцу молясь о ученицех рече: «не о сих молю токмо, но и о верующих словесе их ради в Мя, да вси едино суть, яко же ты Отче во Мне и Аз в Тебе да и Ти в нас едино будут»[812]. И паки рече Господь: «Отче, их же дал еси Мне, хощу, да идеже есми Аз и Ти будут со Мною, да видят славу Мою, юже дал еси Мне, яко возлюбил Мя еси преже сложениа мира. Отче праведный, мир Тебе не позна, Аз же Тя познах и сии познаша, яко Ты мя посла. И сказах им имя Твое и скажу да любы, ею же Мя еси возлюбил, в них будет и Аз в них»[813]. О сем же глаголет и возлюбленный Господом богословный Иоанн в послании своем:

л. 183 // «Не любяи брата своего во тме есть»[814]. И паки рече: «да любим друг друга, не яко же Каин от неприязни бе и закла брата своего. И за кую вину закла его? Яко дела его лукава быша, брата же его праведна»[815].

Сего бо ради великий богослов сию притчю написа, понеже мнози и до ныне зависти ради о делех друг друга снедают. Понеже сих множайши, елицы возлюбиша неправду, елицы же обретаются живущии по Бозе, сих вмале. Посему убо противу неправде ополчатись не могут и снедаеми сут завистию. И паки же великий богослов рече: миже бо аще имат житие мира сего и видит брата своего требующа и затворит утробу свою от него, како Божиа любы пребывает в сем. Чадца моя, не любим словом и языком, но делом и истинною»[816]. О сем же Ияков брат Господень по плоти рече: «аще брат или сестра нага будета и лишена будета дневныя пища, речет же има кто от вас, идита с миром, грейтася и насыщайтася л. 183 об. и не даст же има требование // телесное, кая полза»[817]. И паки же богословный Иоанн глаголет: «яко любы от Бога есть и всяк любяй от Бога рожен есть и разуме Бога, а не любяй не разуме Бога, яко Бог любы есть. О сем явися любы Божиа в нас, яко Сына Своего единородного посла Бог в мир, да живем о нем. О сем есть любы, не яко мы возлюбихом Бога, но яко той возлюби нас и посла Сына Своего оцыщение о гресех наших. Возлюбленнии, аще сице возлюби нас Бог и мы должны есмы друг друга любити. Бога никто же нище не виде. Аще любим друг друга, Бог в нас пребывает и любы Его совершенна есть в нас. О сем разумеем, яко в Нем пребываем, и той в нас»[818]. Се бо рече богословный, яко аще заповедь Господню соблюдем, юже Господь положи нам, яко сам любляше и Его возлюбленна заповеди, еже от Него изшедшая, в нас пребывают, се Сам Бог в нас пребывает и мы пребывающе в повелении Его се в Нем пребываем. И паки богослов рече: л. 184 «И мы познахом и веровахом любовь, // еже имат Бог в нас. Бог любы есть и пребываяй в любви, в Бозе пребывает и Бог в нем пребывает»[819]. И паки рече: «Мы любим Бога, яко той первие возлюби нас»[820]. Се бо изявляше богословный, яко любовь есть безначялна Отца и Сына и Святого Духа. Яко бо сего ради Бог сотвори человека по образу Своему и по подобию, яко хотяши любити и, любя же человеки сниде с небес и одеяся человеческою плотию, и умертвися за человеки плотию, дая образ любве человеком. Паки же богословный глаголя: «аще кто речет, яко любя Бога, а брата своего ненавижу — ложь есть, ибо не любяй брата своего, его же виде, Бога, его же не виде, како может любити. Сию заповедь имамы от него: «да любяй Бога, любит брата своего»[821]. «Всяк веруяй, яко Исус есть Сын Божий, от Бога рожен есть, и всяк любяй рожешаго любит и роженнаго от Него. О сем разумеем, яко любим чяда Божия, еща Бога любим и заповеди Его соблюдаем»[822]. Се бо богословный, похваляя любовь, блажит творящих ю. Еже рече: «веруяй

л. 184 об. Христови от Бога рожен есть и любяй от Не // го же родися, любит и роженнаго от Него», си речь яко от Него же сам родися, от того же рожешагося любит и яко брата менит. Сего ради рече: «яко любяй Бога, любит брата своего». А еже, рече, любим чада Божиа, сиречь еже по Христе единоверныя, яко порожешихся от единоя купели крещениа. Яко же богословный в Евангелии написа о Христе: «даст им область чадом Божиим быти, верующим во имя Бго, иже не от крови, ни от похоти плотскиа, ни от похоти мужескиа, но от Бога родишася»[823]. Тако же и богозванный Павел к римляном написа: «елицы духом Божиим наводятся, сии суть сынове Божии»[824]. И паки же богословный рече: «се есть свидетельство Божие, еже свидетельствова о Сыне Своем. Веруяй в Сына Божиа имать свидетельство о Нем, а не веруяй Богови, лжа сотворил есть Его»[825]. Разумеваем же убо, яко богословный написа, иже не веруяй Христови, отчее свидетельство лжа сотворил есть, тако же и

л. 185 заповедем Христовым не веруяй, не и//мея любве, юже Христос предаде, тако же яко лжа Христовы заповеди сотворил есть, се есть антихрист. Яко же богословный рече: «последняя година есть, яко же слышасте, егда антихрист грядет»[826]. И ныне антихристи быша мнози, сиречь, иже истинныя любве не творяще. Се бо есть нелицемерная любы, еже никому же обиды[827]сотворити. Глаголют бо в мире: яко се есть любовь, еже сотворив пир созвати от своих приятель и соседы и елицы и ким нрава ради угодная творяхут, и тем друзи быша. Но не есть се любовь, егда бо кто творит пир на честныя мужа, сии срама ради множество многоценных брашен[828]учрежает. Многоценная же брашна множества всякому человеку от своего труда невозможно стяжати, но убо таковая составляются от властельскаго и насилственнаго притяжа- ниа, яко убо вельможа ничтоже имеюще от своего труда, но изъядающе

л. 185 об. и одеяниа носяще людская труды. Что бо есть // за любы, еже насилну трапезу збирая мнозех оскорбляти недостаточствующих. Не мнозех же от честных мира сего, от таковых же елици тако же недостаточствующих оскорбляют сих многоразличными брашны питати, многоценными питии, за сии нрав еже оному насиловати и оскорбляти не возбраняют и сами таже творят. И сии убо пиры творяще веселятся, а от них же се собраша, сии плачют недостаточествующа же кого призывают на се, яко да и паче истощится, к сим же много принося, несть бо се любовь, но многим оскорбление. Аще убо кто таким насильственым трапезам причащается, сии убо единомысленник обретается творящим и. О таковых бо Иоанн Богослов пиша глаголет: «Не любите мира, ни яже в мире. Аще кто любит мир, любве Божиа несть в нем, яко все еже в мире похоть плотская, похоть очима и гордыни»[829]. И паки глаголет: «аще кто

л. 186 грядет к вам и сего учениа не приносит, // не приемлите его в дом и радоватися ему не глаголите; глаголяй бо ему радоватися причащается делех его злых»[830]. Ияков же брат Божий по плоти тако глаголет: «любы мирская — вражда Божия есть, иже убо восхощет друг быти мира, враг Божий бывает»[831]. И паки рече: «се мзда делателие дел ваших, нивы ваша лишенная о вас вопиют и вопиенна их во уши Господа Саваофа внидоша, возвеселистеся на земли и насладистеся, упитаете сердца ваша, яко в день заколениа. Осудисте и убисте праведнаго непроти- вящагося вам»[832]. Июда же Христов апостол, брат Ияковль о таковых рече: «си суть в любвах ваших сквернами гостящеся»[833]. Избранный же Павел римляном пиша глаголет: «аще брашна ради брат твой скорбит, уже[834]к тому[835]не полюбви ходиши, не брашном своим оного погубляй, о нем же Христос умре»[836]. Тако убо о сей любви писаша святии апосто- ли[837]Иван же златоглаголивый тако написа: не того ради живем, яко да ямы, но того ради ямы, яко да живи будем. Такоже и Кирил Философ написа: не того ради сотворени быхом да ядим и пьем и в различие риз одеемся, но да угодим Богови и получим благая[838]. Любы же истинная еже любити Творца своего и молитися Ему безпрестани и творити

л. 186 об. заповеди Его. Аще бо кто совершает // любы, сий в чюжем прибытка не желает ни в чем же, не разбивает, не крадет, не бьет, не насильствует, не резоимствует[839]не мздоимствует всякого мшелоимства и лихоимства[840]не временствует, не гордится, не тщеславится, не завидит, не блудит, не сводит, не лжет, не клевещет, не осужает, не подсмехает[841], не хулит Божиа твари, и ни человека, ни вещи не спорует, не тщеславует ни в чем, праведен ся не зовет, ни умен, злыя мысли вся отмещет, ни в чем не похваляется[842], не бранится, не ротится[843]ни словом, ни делом[844]не гневается, обиден или срамочен не мстится, матерски не лает, скверны не глаголет, не шутит, в церкви не глаголет, к волхвом и чяродеем не ходит любве ради Господня, не обядается, и не опивается поста ради, не много глаголет пустотных глагол ради, не много спит молитв ради, высоты не ищет смиренна ради, на красоту риз не тщится, яко же заповеда Господь апостолом, и богатество много не сбирает, аще ли же у кого[845]от трудов его что возмеши — се убо расторже любовь, яко оскорбил еси человека создание Божие. Или аще кого бил еси, или бранил, или поносил хотя нечто отъти у него, или гордыни ради — се

л. 187 тако же расторже любов, // яко прогневал еси. Или аще в суде мзду взял еси, се убо расторже любов, яко от чюжаго притяжаниа богатееши человеку же скорбь сотворил еси[846]аще и оправил еси по правде, но Бог правду даром сотвори, ты же продав ея, светило же правде Христос[847]. Аще ли же купец еси и малом что искупив, временем же на сем много чрез естество взимаеши и се убо расторже любовь, яко и не можеши насиловати, сему же радуешися яко от случениа нужди человеческиа на малом многа збираеши. Или же паки аще сребро твое даси в лихву и се убо расторже любовь, яко бо всякое животное Божиим повелением растет, садовное же по Божию повелению от солнечнаго огреваниа растет, твоему же сребру не положи Бог растениа, ты же противишися Богу, яко нерасленному повелеваеши расти. Или аще когда временст- вовав, или ким возгордев — и се убо расторже любовь, яко велик сотворися. Или болезнь наведе богосозданному человеку, или паки

л. 187 об. тщеславуя ложью оскорбив или оклеветав, // или осуди, или подсмея, или ошутив — и се убо расторже любовь, яко осрамоти человека создание Божие. Или паки аще что налжысвидетельствова и се убо расторже любовь, яко человека в напасти погрузи. Сие же убо глаголю к неимущим власти, яко аще кто не может насильством отьяти что у кого ни инеми коварствы к себе ничесо же отлучити, труда же блажен- наго в работе не хощет стяжати и тем внити в царство Божие, но от дьявола отягчен леностию души своей на погубление и шед украдет — и се убо расторже любовь, яко бо аще и не ругаясь, сиречь не явственне взят, но обаче чюжая же труды преобиде. Или аще у кого на блуд жену увеща — се убо расторже любовь, яко з женою разлучи и противяся сему, еже сам Господь рече: «яже убо Бог сочта, человек да не разлучает»[848]. Аще ли же кому блудное насилие сотвори или лестными л. 188 коварствы // на блуд кого увеща — се убо како любве не расторже, яко летя и оболгая, зде творя любян, како бо любян, единою ражжение плоти своея хотя дьяволею утехою утолити, сего же душу в веки в негасимый огнь сведе тако же и себе. Сими убо всеми делы и инеми обидимыми и соблазненными любовь растерзается. Собрание же всякое содевается гордыни ради. Кийждо бо человек от Миродержителя дьявола подстрекаем есть, абы в мире сем был честен и славен и богат, и кийждо бо нас хощем украшенна ради ризнаго и пиротворенна от Божиа заповеди отврещися и любовь расторгнут и сим душу и тело послати в негасимый огнь з бесы мучитися. Но беси убо дух лукав и в муце будут без плоти, человецы же с плотнию, и аще и безплотнии отпадшии и почювителне

л 188 об будут[849]РпяЩе в муках, како же плотстии. О отцы // и братиа, разумеем силу любве, ибо и милостини и смирению мати есть. Аще бо низша и странна не возлюбиши и не оскорбиши о Нем и не приложиши Его к своему человечеству, то и милостини не вдаси ему, аще ли же возлюбиши и сего ради и милуеши Его, се бо есть любовь, еже убога или бедна, или низщаго возлюбив дати ему от своего труда. Се бо вмениттися от Бога в великое смирение, яко на сего убогаго поработал еси, а еже у инех насильством принял еси и низшим даеши — несть се от любви. Сему бо низшему мниши от любви дав милостиню, у инаго же убога же во вражду взял еси — несть се исполнение любви, но болшеи вражде еже к насилуемым. Любовь же истинная, еже по Божиим заповедем ко всем равно, яко же к честным, тако и к безчестным, и яко же к своим, л. 189 тако и к чюждим единоверным, и яко же к другом // тако и ко врагом, ни единого же тюхуляя. Яко же богозванный Павел Коринфом пиша глаголет: «любы долготерпит, блажит, любы не завидит, любы не облазуется, не гордится, не злообразуется, не ищет своих си, не раздражается, не вменяет злое, не радуется о неправде, радует же ся о истинне, вся любит, вся верует, вся уповает, вся терпит, любы николи же отпадает»[850]. Се бо есть не отпадение любве, яко богосозданнаго ради человека паче же единовернаго ничесо же щадети, не разньствуя человек, но ко всем равно, паче же к бедным и нищим, яко же бо вси человецы Богом создани единаго естества. Внешняя убо в человецех видима суть, еже убо поспешающеся или ни все гиблемеи мирстей чести[851], в душах же о негиблемей чести[852]никто же кого весть, токмо сведый сердца всех праведный судиа. Аще ли же кто начнет любовь

л. 189 об. лицемерную в совете // твоем держати, от таковаго соблюди себе, не послабися ко оного безумию и возри нань с яростию, да сие от тебе уведав или пременит неправедный обычеи или отступив не будет ти на соблазн. По сему убо подобает нам любовь держати ко всякому не лицем, но сердцем и ото всех сих дел удалятися, от них же растерзается любовь. Но от них же крепится любовь, побежает же ся вражда и лжа, сих убо держатися, еже есть воздержание, кротость, не жадание имениа, пост, худость ризная, милостини от своего труда. Аще бо начнеши имети воздержание, не похощеши ни у кого же ничесоже насильством отъяти, ни инем чим обидети, ни мзды в суде взяти, ни преж суда, еже мня дружбы ради, ни в купли чрез естество много цены хотети приимати, ни в лихву сребра своего дати, ни украсти, ни гордыни имети, ни

л. 190 тщеславитися, ни завидети, // ни л гати, ни ротитися, ни гневатися, ни мстити, ни пустотных словес глаголати, ни в церкви глаголати, ни к волхвом и чародеем ходити, ни многоглаголати, ни высоты искати, ни красоты риз, ни много богатества. Аще же начнеши имети кротость, никого же бьеши, ни грабиши, ни поносиши, ни инем ничим же оскорбиши. Аще же начнеши имети нежадание имениа, то ни от кого же стяжаниа трудов его ничим же преобидиши, но вся от своего труда стяжати начнеши, еще же и от сего милостиню подаси. Аще же начнеши имети пост, утончают ти вся мысли, не токмо бо к человеком любовь покажеши, еже ти не требе снеди ради восхитати чюжая труды, но и скотом, и зверем, и птицам, и рыбам, всякому живот имущу любовь твоя явится: и сия бо вся Богом сотворенна животна, из них же кровь изливается, в постех же и сие твоея ради снеди да не умертвится и кровь не излиется. Ибо Бог дав от сих на снедное утешение человеком да быша

л. 190 об. // заповеди Его исправили. Аще кто не исправит заповеди Его, не достоит сему имети обычая дерзновенна, дабы Его ради снедеи Божия творениа животная убивати, но за согрешение достоит прияти ему смирение и самому себе к сим животным тварем прилагати и хужеши сих мнетися, понеже сии не преступиша Творца своего заповеди, ты же пред ним же согреши, того же сотворение животное хощеши невозбранно снеди своея ради умершвляти. Разумей сие, аще бо и в человецех кто ти есть друг и повелел ти еси от своего дому всяки вещи невозбранно взимати, еща же ключиттися с ним пря, к тому уже не можеши не смирився с ним ничто же от дому его прияти, кольми же паче Бога прогневав и не умолив, хощеши творение Его животная своея ради пищи умершвляти. И еще же ти рку, яко аще приидеши ко другу своему, сии

л. 191 же представит пред тя ядь многоценну и глаголет ти снести // ты же речеши, яко не удостоит начати сея, многоценна бо есть, последи же рчешися от друга своего, яко благоразсудеи паче же сего за воздержание животных снедей похвалим будешь от Бога, яко да о тебе сие слово рчется: блажен милуяи душа скот своих. Сим же никако же не глаголи, яко Господь еща бе на земли во плоти и тоща от сих животных брашен ядяше, тако же и апостол и. Сий есть извет полн вины. Господь бо весть, како или в чем сиа сотвори, всех бо творец, может бо аще восхощет и животное земноплодным претворити или земноплодное животным[853]. Притча бо сему уверительна, оживленный Авраамов закланный телец и заматеревшая Саррина и Аннина и Елисаветина ложесна. И еже глаголют, пол рыбы снедена, другую же страну и ныне в живых видим. Господь бо[854]прииде исполнити закона и явися по всему, яко не по привидению человек есть, снест же своя творениа; и не требе бо ему пост, яко не сотвори греха аще бо и постися 40 дней, но за Адамово согрешение. Сим убо никто же о сем разсужай, Христос бо Сам и судиа и творец всему, и вся весть, како что сотвори. Еща бо ркоша ему июдеи,

л. 191 об. // яко Иоанови и фарисестии ученицы постятся, а твои ученицы не постятся тоща рече Господь: «не могут сынове брачнии поститися до нелико время с собою имут жениха, еща же отоимется от них жених, тоща постятся»[855], и паки рече: «аз есмь хлеб животный, иже сшедый с небесе, аще кто снест от хлеба сего, жив будет в веки, и хлеб его же Аз дам плоть Моя есть, юже Аз дах за живот мира»[856]; творящим же заповеди Его рече: " ядый плоть Мою и пия кровь Мою во Мне пребывает и Аз в нем»[857]. Аще бо кто вся заповеди Божиа соблюдет, сий убо не греха ради постится, но благотворения ради, и да умершьвляет плоть, да не воюет. Елицы, иже коща согрешиша от сих, тоща и заповедь Божиа отступи, не к тому уже в Бозе пребывают и Бог в них, но по Господню словеси отоимеся от них жених, сиречь заповеди Божиа, и

л. 192 подобно есть таковым поститися. Аще же начнеши имети // худость ризную, не возмутят мысли сердца твоего яко бы чюжая грабити, не требе бо ти сих ради будут многая ни на ядь, ни на устроение ризное. Сими бо добродетелми крепится любовь и правда, сими побеждается вражда и лжа, сими творится путь к царству небесному. Рече бо Господь: «тесна суть врата и прискорбен путь вводяй в живот и мало суть, иже в нем обретаются, широка же врата и пространен путь вводяй в пагубу»[858]. Аще же начнеши имети творити милостиню и дати от своего труда, то не многаго ради даяния честна есть пред Богом милостини, но еже подати не скобря собою и не глаголя, яко мне не останет, но от всего сердца, елико имея сие подати, яко да онамо от Христа хвалу приимем, яко же она вдовица, иже две цаты вверже в сокровищное хранилище и всех, многая вметающих, преболе обретеся, о ней же рече Господь, «яко

л. 192 об. сиа вдовица убогая множайше всех вверже, вси бо от избытка // своего ввергоша в дары Богови, сия же от лишениа своего, все житие, еже име, вверже»[859]. Се бо есть истинная любовь и милостини, еже о всяцем скорбящем тако пещися, яко же о себе. Аще бо у себе и мало оставиши Бог видев подаст ти, яко же сам рече: «не пецытеся убо глаголюще, что ямы или что пиемы, или чим одежемся, всех сих языцы, сиречь невернии, ищут, весть бо Отец ваш небесный яко требуете всех сих, ищете преж царствиа Божиа и правды Его и сиа вся приложатся вам»[860]. Сему же убо Господню словеси веруяй, не требует ничтоже соблюдати впредь надежи ради, имать бо истинную надежу Бога, иже не оставит его гладна и нага быти. Аще же кто соблюдает злато и сребро и мшел надежи ради снедей и риз, сей убо не держит надежи на Бога, но на богатество и любве чюж есть. Еже сам богатея не весть кому

л. 193 збирая, братию же свою убогую презирая, последи же сам у//мирая вся оставя. К нему же яко же к богатому оному ему же угобзися нива и не веде, ще собрати плодов, речет Бог: «безумие, в сию нощ душу твою истяжут от тебе, а еже уготова, кому будет»[861]. По смерти же о делех противящихся словесем Божиим приемлют муки вечныя огненыя, понеже не сохрани Господню заповедь, еже о любви. Глаголет бо богозван- ный Павел, пиша к Тимофею: «ничто же бо внесохом в мир, яве же, яко ни изнести что можем. Имяще же пищу и одеяние сими доволни будем. Хотящим же богатитися впадают в напасти и сети и похоти много немысленны и врежающая, яже понужают человека во всегубительство нетлению и погибели. Корень бо всем злым есть сребролюбие»[862]. И Коринфом пиша, глаголет: «аще языки человеческиа глаголя и ангельски, любве же не имам, бых яко медь звенящи или кимвал звяцая. И л. 193 об. аще имам пророчество // и ведя тайны вся и весь разум и аще имам вся веру, яко горы преставляти, любве же не имам, ничто же есть. И аще ухлеблю вся имениа Моя, и аще предам тело Мое, да сожгут Мя, любве же не имам, никая полза Ми есть»[863]. Златоглаголивый же Иоанн о сем тако пиша, глаголет: «братие, и до конца любовнаго долга да не расторгнем, но и другоицы должен и конца не имея, всяк бо долг воздается, любы же конца не имать, яко бо всяк долг нужа есть воздаяти, любовию же должен быти друг другу». Послушайте божественаго Павла, глаголюща о должных и воздаемых, кроме любве, «воздадите, — рече, — долги, ему же дань — дань, ему же страх — страх[864], ему же мзда — мзда, ему же честь — честь»[865], приближи бо ся к любви. Не рече к тому апостол, воздадите любовь, но что ино рукописание ея пишет, что глаголя, «ничим же никому же будите дол жни, но еже любите друг друга»[866], почто яко любы истекание есть благодати Божиа, // свыше имат бытие, не погибает з землею, не мимо идет с небом, не тлеет с солнцем, не посмражет с луною, не падет со звездами, не отпадает со древы, не увядает со цветы, не умирает со умирающими. Кто же сему послух? Сам вочеловечивыйся за любовь Христос, что глаголя: «Небо и земля прейдут, словеса же Моя не прейдут»[867]. Коя словеса, яже рече к своим учеником, «о сем разумеют вси, яко Мои ученицы есте, аще любовь имате в себе»[868]. Оле Господня премудрости! Не рече, яко о сем разумеют вси, яко Мои ученицы есте, аще мертвеца вставите, аще ослабленыя встягнете, или слепца очиты сотворите, но аще любовь имате в себе, почто, яко вся чюдотворениа менши есть любви. Занеже любы со ангелы живете, со архангелы ликовствуете, с херувими веселитеся. Любовь стяжи — железо притулится, любовь стяжи — ковник не

л. 194 об. обретается, любовь стяжи — молва церковная престанет, // любовь стяжи — еретик не величается, любовь стяжи — убогий не плачется, любовь стяжи — змий пакости не сотворит, любовь стяжи, да вкратце рку, причастник царствию небесному будеши. И инда паки той же златословесный глаголет: «царство Божие желающе возлюбим друг друга, зависть поперуще, ярое низложше, клеветы отвращающеся, леность, отгоняще, сиа убо аще кто стяжет, без труда вознесется на небо и Сын Божий наречется, и престолу Божию предстанет. Милостинею же аки водою погаснут греси, тем же, братие, возлюбим ю, таковыя бо Господь блажит глаголя, «блажени милостиви, яко ти помиловании будут»[869]. Сиа убо вся прочитати достоит со вниманием, да обрящемся во Господних заповедех творцы, а не послушницы. Яко же и Яков брат Господень по плоти, пиша, глаголет: «якой же есть послушник слову, а не творец, таковый уподобися мужу смотрящему лице бытиа своего в зерцале, усмотри бо себе и отиде и абие забы каков бе. Приникай же сей не послушник забытливый, но творец делу»[870]. О Христе Исусе о Господе нашем ему же с собезначалным Отцем и с Пресвятым Духом купно слава и держава ныне и присно и в бесконечныя веки веком аминь.

л. 195 СЛОВО К ВЕРНЫМ, ИЖЕ ХРИСТИАНЯ СЛОВОМ НАРИЦАЮТСЯ, БОГОВИ ЖЕ СУПРОТИВЯЩЕСЯ КОВАРСГВЫ И В СЕМ НА СЯ ГРЕХА НЕ ВОЗЛАГАЮТ, БЛАГОСЛОВИ, ОТЧЕ

Святаго Духа силою счиненная словеса, написанная от древних святых богоносных отец, во всех святых книгах глаголют, яко перваго человека Адама созда Господь по Своему образу и по подобию и жену ему сотвори, якоже достоит быти ей. Како же сотворение Божие мы сами превращаем, сим прение вдающе Богу. Бог бо есть всякому творению хитрец, премудростию бо вся небесныя безсмертныя силы и небо, и землю, и вся стихиа сотвори, яко бо зря на небеси солнце и луну,

л. 195 об. и звезды токмо дивитися, // какоже человека не добре ли сотвори, да сами зраки своя мним добрейши Божиа творениа утворяти? Бог бо всякому человеку предел положи летом совершение возрасту и разуму: егда убо еще человеку несовершенну меры возраста и разума, тоща Бог учреди и лицу его быти нагу, егда же сподобится лет совершенна возраста, положи убо Бог в ту годину одетися устом его и лицу его власы, показуя его инем человеком яко да видят и свершена и не к тому уже яко юношу младаго разума вменяют и, но в меру исполнена саном возраста. Нецыи же от нас, груб смысл имуще, и Божиа премудрости исполнение мняще яко тленну вещ преобидети, режут и терзают потребляюще власы одеянна личнаго, иже суть на устех и на браде, мняще младостию краситися некоего ради сквернаваго дела. Не млал. 196 дость бо есть красота, но се кра//сота, ею же Бог человека украсил есть, в ня же лета достоит ему тако быти. Како же смеем сие изрезати, еже не от наших рук сотворено есть? Аще же рчеши нелепо есть се и непремудрено, приими же ты младенца пятилетна и сотвори ему таковый сан. Аще же сего не можеши, какоже смееши во уреченная ти лета Богом исполньшееся преобидети и сам противитися Богу? Аще бы кто и от друг твоих насади виноград и нань взирая веселяся, ты же истерзавши и, он же и паки хотя зрети нань, и ничтоже ту обретая, како же ти мстити имат о своем сотворении, колми же паче Бог? Что бо веде, безумие, како дерзаеши, сего бо не веси ли, яко ни злато, ни сребро, ни многоценное камение, ни бисер потреби, но богоданную красоту честнейши злата и сребра, и камениа драгаго и бисера, понеже бо Бог сотвори всего честнейши на земли человеческу плоть, созда бо ея

л. 196 об. Своима рукама, // злато же сребро и камение многоценное повеле земли и воде ражати. Какоже сия власы не честнейши ли всего суть, яко ражаются от богосозданныя человеческиа плоти, и во время повеленное Богом? Инии же от неразумных человек гордостию возносящеся, дабы мнелся от человек велик возрастом и подкладает на плеща своя толстоту и в сапози под пяты своя утинки от древ, не благодаря о сем, яко повеле ему Бог быти мала возраста, и Божию строению противяся, сам хотя предлати си возраст, и сотворяется тако, якоже негоден есть Eoiy. Аще бо бы Бог восхотел кого велика и широка сотворити, сотворил бы якоже и сказати невозможно, но его же Бог не вотвори, егда Адама созда и Еву сотвори, се творят. Тако же и жены, Божию творению противящеся, и в гордости не ведяти себе како о себе мнят, творящеся яко Бог их не

л. 197 добре сотвори, но сами паче добрейшии// Божия творения претворятся, и лица своя красят и белят вапы, и брови выспрь возводяще, и терзающе, и мастию клепяще, сиречь клеем, и главныя власы улишающе, а не тако правяще якоже вселенныя учитель Павел рече, «еже жена власы имети на главе должна есть аггел ради, растение бо власов вместо одеяниа дасся ей».[871]Сии же своя власы отмещут и вчинениа неудобна толстины на главы своя подо убрусы налагающе, еже глаголюще главу равняти. Аще ли же киа без черности зрак имущи, сии черностию зраки подчрежающе. Се бо есть все Богу сопротивление, еже бо убо Богу о них кроме хотения бысть, тацы сами претворитися хотяще, Божия же творениа отмещущеся, сами образу своему творцы творящеся, премуд- ряюще содетеля творение. Иже бо сотвори небо и землю, и вся яже в

л. 197 об. них, мог бы и женску красоту, аще Ему //годе, сотворити прекрасну. Аще бы возхотел их бел ости, мог бы сотворити белее снега, и аще бы требе возведении тонцы брови, или главу округлу, могл бы сотворити выспрь чела брови окружени и тонцы яко очертани, и главу преокруглу, и аще бы восхотел всем сотворити черни очи, се бы могл прехитростне сотворити. Но якоже кто Ему годе, тако сего и сотвори. Сего ради Божиа творениа никому же самому удобно есть претворяти, и пред Богом в ненависти быти. Мнози бо жены и к церкви приходят претворяюще си зраки чрез Божиа творениа. Како бо Бога ей о древних гресех умолити, еже и о сем прогнева, яко претворися от созданиа Божиа своима рукама, и не яко сама прииде, но яко ина, и еще тако дерзают к пречистому

л. 198 комканию Христова тела и крове? Аще же бы сие разсудити// не достоит сих ни в церковь приимати, нежели сим даяти пресвятое причастие яко противником Богу. Знаменай убо яко аще кто от вельмож слузе своему даст ризу свою, он же шед изменив на чюжду и приидет, тоща прогневается господин его, яко изменил есть ризу дарованиа его. Се же есть не риза, но образ Божия созданиа, паче же по Божию образу и подобию, таковое бо хуля на Божий образ хулу приносит и прехитряет Божие действо — антихрист есть. Коща бо кто виде яко да супротив глаголет создание создавшему, аще и не по его образу сотворено: почто мя тако сотвори, аз претворюся само? Несть бо сего, ни удобно есть сему быти. Нецыи же от злонравных жен глаголют, яко любве ради мужня се творят. Худ есть сей извет и полн вины, ибо Божия ли заповедь честнейши есть, или лица ея вапы? Жена бо мужеви дана бысть по заповедем Божиим имети, и аще кто, несытый блудник, не восхощет жены своея любити Божиа ради заповеди, сему вап ради жены своея

л. 198 об. любити// неудобь. Аще бо восхощет жены своея вапы любити паче Божиа заповеди, сей чюж есть христианства и буди проклят. Бог сотворил ны есть на сохранение Своих заповедей, а не дьяволя угодиа творим и не токмо же мирстии, но и мниси.[872]Кийждо бо инок, еща образ приемлет, глаголет: отрицаюся мира и яже суть в мире. Сии ли бо суть отреклися иже суть в мире, иже держащи в манастыревех[873]множество мирских слуг, цветоносных и младых юнош, и множество великих конь, и вся притяжаниа, яже богатым довлеет, й различная яди, и яздяху, яко же мирстии велможи, гордящеся со множеством слуг. Се ли убо есть образ первоначалных пустынножитель, святаго архиерея и царя Мелхиседека, иже росу лизаше, и в наготе[874]от зною и от мразу[875]сотворися хребет его яко же львина кожа, или огненоснаго пророка Илии, иже имеяше едину овчину, и вдовицею и враном кормим л. 199 бе, а бегаше трапезы Езавелины, или от Христа свиде[876]// тельствован- наго болшаго в рожденных женами Иоана Предтечи Христова и крестителя, денницу солнечную, иже живяше под каменем, и ядый прутие былия мелагра и мед дивий, и чаша его пригорща бе и одеяние его от влас велбуж, и ничтоже от мира требоваше, токмо душа человечески приводити к Богу? Помянем же и Антония Великаго, и Пафомия и инех святых, что убо богатество имеяста, и како яздяста ли в гордости? Мы же сего ли ради ркохом отречение мирских, яко да солгавше се, паки множество богатества стажем, и различныя яди, ркуще убо носим безплотных образ, изъядаем же многиа плоти, и яждение творяще на многоценных конех со множеством цветоносных слуг. О сем бо есть всем возжелание и похотение от миродержителя дьявола, иже на цвет звездный прельстися, и помысли гордость, и отпаде истинны, о нем же

л. 199 об. рече Господь: «грядет мира сего князь и во Мне не имать ничтоже»[877]// Блицы иже мниси, обещавшеся Богови во ангельский образ, вдающе же над собою область дьяволу, гордости величаниа ради древняго дьяволя художества? Мних бо есть истинный, еже[878]носяй смиренна образ, аще же ищет высоты мест — се есть корень всего зла, в нем гордость дьяволя[879]и не достоит ему нарещись мнихом, понеже мнишество есть ангельский образ. Аще ли же высочайших мест и почести земныя ищем, сего ли ради ангели наречемся, или Христови раби наречемся, не любяще вслед его ходити? Аще бы сам Христос мест на земли искал, не бы возлежал в яслех скотиях. Егда же своя божественая многа показа Его царя, отоиде в гору един, славы бо земныя не требоваше и нам дая образ смирения, мы же ищуще земныя славы, како Христови раби наречемся и послушатели повелению Его, яко бо Бог сам смиренна

л. 200 низщету и всяко уни//чижение волею поноси? Мы же се отмещуще и гордости ищем. Сего ли ради лжеприимство сотворихом ангельскому образу? Цыа ангели множество богатества земнаго имут, и слуг и коня стяжут, и мест высоких ищут? Но несть сего, иже бо обещавыйся Богови и правду свершит по своему обету, еже мирская отринувше, сей лехко взлетит ко ангельскому житию. Аще же обещание погрешит сей будет ложь, яко дьявол, о нем же сам Господь рече, «яко ложь есть»[880]. Имый бо попечение о прибыткех мирских, сей Божию молитву забыл есть, яко же рече Господь: «не можете Богу работати и мамоне»[881], и апостол глаголет: «любы плотская вражда на Бога, закону бо Божию не повинуется»[882]. Се же ли есть мнишество, еже богатества и величества высоты земнаго места искати? Се ли есть ученик Христов? Христови бо ученицы не яздяху на многоценных конех со многими слугами, но единии пеши

л. 200 об. яко крилати// всю землю обтекоста. Сам бо Христос еща смирению учашея, приим отроча постави посреди их рече: «иже бо ся смирит яко отроча се, той есть болей во царствии небеснем»[883]. Не сему бо Христос смирению уча еже ныне глаголют: аз смирен, но не сяди выше мене, аз смирен, но нище же предваряй мене, аз смирен, но по мне глаголи, аз смирен, но требую многая. Христос же смирение ко отрочати приложи, отроча бо не мыслит ни пред ким величатися, ни богатети, но всякого меньши мнится, и от всякого боится, и повинуется всем, того ради болий есть во царствии небеснем, ибо избранный бо Павел, к Филиписеем пиша, глаголет: «ничто же по рвению, или по тщеславию, но смиренномудрием друг друга честию болыпа себе творяще»[884]. Како же мних, ища мест мирскиа[885]гордости, и глаголется Христов раб? Мнози же иноцы и мирстии, покоявшеся о всех согрешениих и духовному отцу, и л. 201 той же час святому комканию спешат// инех напред, имущы в сердцы сатанину гордость. Гордости бо места токмо помысли сатана, и бысть свержен с небес в бездну, и вместо архангела дьявол наречен. Ныне же видим мнозех мних, не токмо помыслом, но и делом гордящеся и ищуще величества и блядословяще, аще бо аз изгублю величество места, наведу си клятву. Сим бо лжа помогают себе, а не воспоминая сего, еже Христос Сам смирися до рабиа образа, и смиряющихся возвеличит во царствии небеснем. Сам бо Господь рече: меже есть в человецех высоко, мерзость есть пред Богом»[886]. Сего ради святии прославишася, яко низщету смиренна стяжаша. Се бо есть заповеди Божиа о любви, яко всякого почитати паче себе, аще же последи неразумием лстящеся мирскою лестию, и о сем и кленут, но и праведника на зло молящася Господь Бог не послушает; аще же в своем кто смирении и наведет на ся клятву,

л. 201 об. ничто же есть, не прикоснет бо ся ему, понеже сим// противу Миро- держителя враждует по Господня смиренна образу, аще бо кто на бесовская замышлениа ополчается, сей по истинне носит ангельский образ. Аще ли же телеснаго покоя и высоких мест на земли ищуще, како же сии во ангельское достояние причтени будут, понеже дела творяще дьяволя гордостная? К сему же и собрание богатеству. Аще бы убо Христос добро нарекл богатество, и еща сам бе на земли, и веде вся места земная яко Бог, повелел убо бы неще, аще бо восхотел гору злата себе утворити, но не сотвори сего, но и о богатем рече: «неудобь внитти во царство небесное»[887]. Слыши же что о мнишестем притяжании мятежнем глаголеть святый великий отец Висарион, иже птиче житие живый, иже многих чюдес от Бога сподобивыйся, иже и воду морскую

л. 202 ослади, иже преиде реку Хрусуру,// сиречь Нил пеш по быстринам, иже солнце от течениа устави дондеже дойдет до инаго старца, иже не токмо словом жестока беса изгна, но посадиша беснаго на месте его. Он же рече бесному: встав иди вон, и изыде бес от человека. И се той святый чюдодейственник, слышав яко некто по смерти своей дав село женскому монастырю, святый же начат плакати и рыдати и бити лице свое глаголя: горе мне грешному, понеже сотворил есть радость бесу, погубив мзду свою и повреди немало и постницы оны. Инем же о сем негодовавшим и супротив глаголющим той же святый поведа глаголя: еже самому ему се бысть. Яко еща восхоте отврещися мира, дав село в женский монастырь, сущий при Александреи, и изыде в скит и бысть мних, и зря в видении нощию, яко сущу ему в Вифлеоме на молитве: и зря всю церковь исполнену света и мужа святолепны поюща, и жену некую

л. 202 об. багры ризы носящу, ей же красоту немощно // исповедати, ему же страхом одержиму и хоте оттуду отойти, и изыде святолепен муж и страшно возрев нань, и жестоцем гласом рече ему: рцы ми, како хощеши слово воздати о манастыри женстем, яко отнели дал еси им село оно, прогневал еси Господа Бога, и ныне умрети ти, аще не исправиши, яже еси согрешил. Святый же Висарион отвеща: Господи, аз дах село оно с рабы и с супруги волов, еже упокоити их, а не заеже прогневати Бога. Отверзе же уста своя багроносная жена она рече ему: прияхом ти чадо доброе произволение, но обрете от сего вину дьявола враг и наветник душам их, и уязви з душею и телеса их, аще бо бы полезно мнихом имение, можаше Бог послати им злато и сребро яко силен дождь и повинути им грады на службу, но не полезно есть, ибо отрекийся мира царствиа ради небеснаго, в посте, и в труде, и во мнозе смиренномудрии,

л. 203 // и немятежно приближитися к Богу не в чревообъядении и тщеславии богатества. И, простерты руку свою, показа ему оного, иже с ним первие беседова, глаголя: се есть Иоан, учитель и наставник мнихом, и хотяще с ним быти должни суть того житию и добродетелем последовати. И глагола Креститель: госпоже Мати Господня, кую потребу имамы в манастыри оном, отнели дав сей село оно, несть бо ту страха Божиа, ни трезвенна, ни разсужениа, ни умиленна, ни труда, ни стыдениа, ни поста, ни бдениа, ни сокрушенна сердцу, ни стязаниа помыслом, ни чистоты, ни безгневна. Тоща глагола ему Святая Богородица: иди чадо, исправи манастырь он, имаши и мене помощницу на се. И глагола Крестителю: Иоане знаменай сердце его, яко да умныма очима узрит, и да не мнит мечтание быти видение се, и простре десницу свою, и знамена сердце его образом креста честнаго. Святый же Висарион л. 203 об. возбнув // и шед отъят от манастыря постниц село, и продав его за 60 литр злата и положи злато в церкви постниц онех. Се убо сей святый сиа глаголы поведа, яже слыша от самех уст пречистыя Божиа Матере и святаго Иоана Крестителя Господня, яко неудобь стяжати мирская отрекшимся мира, противно бо есть Богу и святым его. Тако же бо обретохом и во святаго Иоана Златаустаго писании глаголющее: яко некто святый отец слыша некоего христолюбца умерша, и словутное свое село давша манастыреви святаго Иоана, и святый о сем опечалися и воздохнув и рече: увы мне, яко погуби таковый душу свою. И глаголаша ему братиа: что, отче, скорбиши о нем помиловану ему быти. Святый же отец рече к ним: о таковом дару глаголю вам, чада, — аще кто даст убогим и худым братиям, то во спасение души есть. Се бо видех

л. 204 в минувшую ту нощь о брате том // умершем, о нем же вы глаголете, яко стояше душа его пред Богом на суде, и осужена есть душа его мучитися села того ради. И молящеся Святей Богородицы и святому Иоану Предтечи о души той, и слышах глас глаголющ: кто даст село да отпустят село то от манастыря, и тоща отпущена будет душа та от муки. Сие бо не сего ради реченно есть, еже бы никто же иноком и инокиням милостню сотворял, добро есть даяти сим милостиню и полезно, но кая безмятежная милостини. Села же даяй манастыреви мужескому или женскому, сей разстризает сих мних или инокинь, еже паки обращает их во многоплетенныя сети мирскиа, в мятеж, и уныние и леность, даже и до блуда еже есть ров погибельный. Внеща бо иноцы или инокиня исходят на села многажды впадают во всясиа сети дьяволя и во иныя, от них же избави ны Христос Бог наш моленьми пречистыя Его Матери, и святаго Иоана Предтечи и Крестителя и святаго Мельхиседека архил. 204 об. ерея и царя, и святаго огненоснаго // пророка Илии и всех святых, преподобных постническое житие подражавших, и всех святых в безко- нечныя веки веком. Аминь.

л. 271 ГЛАВЫ О УВЕЩАНИИ УТЕШИТЕЛНЕМ ЦАРЕМ, АЩЕ ХОЩЕШИ И ВЕЛМОЖ

О радости нарожениа отрочат. О сынех. Глава 1.

Бог, вся сотворивый, рекий праведному Ною: роститеся и плодитеся и наполните землю и обладайте ею. Той же Господь и Творец, хотяй твоего государскаго гёюда, сотвори семени твоему благородие.

По рожении же той же Господь может и возрастити и сердце его сотворити в безстрашии, и смысл в крепости, и управити путь его ко благополучению, еже иноверныя покоряти и грады супостат наследити, и прославитись во приятелех честну, во вразех же страшну, и в желаниих хотениа поспешителну, и к молящим его милосерду, всего же паче еже к самому Боту и ко святым его молебну, и к нам молебником своим благочестну. Сего ради, государи, веселись о благочадии сии, сотвори милосердие к повинным ти, преврати гнев на милость, Бог же свой праведный гнев, еже о твоих согрешении имать к тебе на милость

л. 271 об. превратит // и оставит ти согрешениа и богодарованый ти плод сопрестолники ти укрепит во веки.

Бог же мира да буди с тобою, государем, вовеки.

О нарожениих дщерий. Глава 2

Бог всесилный сотворив человека, Бог же и жену. Обоя сут добра Божиа сотворениа. Якоже миру без муж невозможну быти, тако и без жен. Аще же, государи, не велми о сем порадовася, но радуйся сему еже Бог воз да. Бог же видев, яко еже подав ти еже сам восхотев. Тебе же аще и неудобь, но его благодариши и сего ради воздаст ти потом исполнение твоих хотений, еже возжеланием хощеши — есть бо милостив и всех сердца испытуя и мысли. Сего ради, государи, всему его дарованию с любовию радуйся и сотвори милосердие к повинным ти, преврати гнев на милость. Бог же свой праведный гнев, еже о твоих согрешении имать к тебе на милость превратить и оставит ти согрешениа и воздась ти вся хотениа сердца твоего.

Бог же мира да буди с тобою, государем, вовеки.

О последствии градов супостатных. Глава 3

Бог укрепивый Авраама на Ходолгомора, царя персьска, и Моисей на фараона, царя египетскаго и на Сиона царя и Ога царя хананейских, и Исуса Навгина на Орива, и Зива, и Зевея, и Салмана и на Ерихон, и Гедеона на мадиямы, и царя Давида на филистимляня, и царя Константина на Максентиа, той же и тебе за еже благоверна ради твоего укрепив: вас бо царей благоверствующих преже рожениа вашего ко обещанию своему на враги готовит, якоже древле Святый Дух пророческими усты великаго Исайи и о невернем цари преже рожениа его уяснител не извеща, рече бо: «Тако глаголет Господь помазаннику своему Киру, его же приях за деницу, повину пред ним страны и крепость царей раздеру, отверзу пред ним врата и гради не заключятся. Аз пред ним иду, и горы поглажу и врата медяная сотру и верея

л. 272 об. железныя сокрушу, и дам ти сокровища темна // и утаенная: невидимая отверзу ти, да увеси яко Аз Господь Бог, взываяй имя твое, Бог израилев»[888]. Такоже и тебе ныне возвеличив и утешив. Сего ради, государи, аще хощеши от Бога су губу радость нынешней прияти сотвори благодарение ко Господу, якоже Он заповеда рекий: «любите враги ваша, добро творите ненавидящим вас, яко да будете сынове Отца вашего иже есть на небесех, яко той солнце свое сияет на злыя и благиа и дождь дождит на праведныя и на неправедныя»[889]. Сего ради, государи, Божиа ради превеликиа милости нынешниа сотвори милосердие к повинным ти, преврати гаев на милость. Бог же свой праведный гнев, еже о твоих согрешении имать к тебе на милость превратит и оставит ти согрешениа и воздаст ти сторицею на вся твоя враги одоление.

Бог же мира да буди с тобою, государем, вовеки.

О победе на враги ратныя. Глава 4

Бог избравый от невериа в веру прародители вашего великаго князя Владимира, его же реку святаго, яко первозданнаго в Русин князя Василиа, равнаго апостолом, ему же во крещении, яко Павлу, Божие наказание, ослепление очию, яко чешуя отпаде.

И Павел убо к Boiy вся языки учением привед, тем же и Бог яко от первозданнаго Адама праведнаго Авелия избравый за смирение непро- тивлениа братняго убийства, тем же образом и от сего праведных Бориса и Глеба избравый без противления от брата убиенных и Богови с праведным си отцем предстоящих, и за своего крещения стадо за Русийскую землю, почеже за вы, сродники своя, молящихся. Сего ради, государи, вам, сродником их, достоит их утешати, — они бо смирение совершиша, быша непротивницы вражде. Сих ради, государи, вам к повинным подобно милосердие простерти и превратит гнев на милость,

л. 273 об. святии же о сем радующеся Бога умолят за вы, яко // за сродник и за благопослушник. Бог же милостив их не презрит, но превратит праведный Его гнев на милость и воздаст ти на вся твоя враги одоление.

Бог же мира да буди с тобою, государем, вовеки.

О скорби сродник умерших. Глава 5

Бог слово Отчее единочядый Сын, исперва сотворивый вся и человека плотека от земля одушевлена же и словесна, животна и мертвена в землю возвращаема. Веде убо како человек дело руку его оживотво- рися, веде како умерщвляется. Сам же всему Бог творец сый приим же плоть и ипостаси удобственныя человечя не преложи, но умре, плотское сотворив, яко человек. И како еще умре! Не избра себе всемирныя смерти, но страшную и потом божественым совершив еже воскресе самовластно, нам же образ дав да последуем стопам его. Сам бо рече о сем: «еща мертвии услышат глас Сына Божиа и услышавше и оживут»[890],

л. 274 Се же к верным изъявив // Павел рекий: «Аще со Христом умрохом, то с ним и оживем, аще с ним терпим, то с ним и царствуем»[891]. И паки рече: «О умерших не скорбите, якоже и прочим не имуще упованиа. Аще веруем яко Христос умре и воскресе, тако Бог и умершая со Исусом приведет их с Ним»[892]. Сего же и великий Павел, иже до третяго небеси восхищенный не рече о себе, но рекий: «Се бо вам глаголем словесем Господним[893], еже Господь Сам рече: «еща мертвии услышат глас Сына Божиа и услышавше оживут»[894].

О отрочатех. Младенцем же и лехчяйши есть смерть, понеже не согрешиша в мире и ко Христу со дерзновением вопиют: Господи, отъят от нас земная, не лиши нас небесных. Сего ради, государи, не скорбети, но о сих паче Бога благодарити, яко без греха поидоша. Помяни убе еща Христа ради младенцы в Вифлеоме избиваеми беху ото Ирода корене же суще Ияковля от жены его Лии. Что же Евангелием Лиина плача в Вифлеоме не рече, но рече: «Глас в Раме слышан бысть. Рахиль плачющися чад своих и не хотяше утешится, яко не суть»[895]. Сиречь яко не пострадаша, не смерти бо ради плача, но того ради яко от ея рожениа не приобщашася Христа ради умрет.

Паки о всех. Скорбение же о мертвых от еретик саддукейск, иже не чяют воскрешениа мертвым, сего ради по мертвых и порты черны изменяют на ся, яко чяют конец, тму и нетление. Християном же сие чюжде есть, но усопших молити Христа, иже нас ради умре и воскресе, и повинныя ти, государи, усопших ради от скорбей разреши. Бог же усопшая от грех разрушит и помилует в нескончаемый век.

Бог же мира да буди с тобою, государем, вовеки.

л. 274 об. О скорби о побиенных на рати или плененых. Глава б

Бог, хотяй милость царю послати и видев еже пред ним от согреше- ниа не очистившая, милость не по правде не сотворит, понеже праведный судиа, испытая сердце и ютробы, и приводит многими путми ко очищению, яко да праведне уже очистившемуся от греха милость л. 275 сотворит. Посылает убо Бог скорбь не во вражду, но при // водя ко очищению. Еща же видит к нему обратившися, может и улишенное пополнити и разтленная укрепити и милость усугубити, ничтоже бо тако любит, якоже еже всем сердцем обращатися к Нему. Сего ради, государи, к повинным тебе милость сотвори, преврати гнев на милость и узриши Бога, праведный свой гнев превративша к тебе на милость и воздавша тебе вся хотениа сердца твоего.

Бог же мира да буди с тобою, государем, вовеки.

Архиепископом и епископом поставленных в чин. Глава 7

Бог пресвятый Дух, маанием помазавый пророки и избрание Христово апостолы, той весть человеческая сердца и разделяет дары праведне противу делом, той тебе избрал есть пасти церковь свою, юже Христос Бог очистив Свою кровию. Древле бо, господини, всесожжениа телчя попел с кровию телчею смешен, иссоп нарицаем, и сим кроплением стены церкве освящаху, ныне же Христовых ребр пронзением

л. 275 об. окропися и не стены бо глаголю, но // управлениа церковь, сия бо есть ограда словесныя ти паствы. Сего ради, господини, со множеством радениа прицепися сей велицей пастве и безо ослабу о сей потружение имей, яко пастырь добрый. Аще видиши близ ти волка, не оставляй овца, но и душу, свою за ня положи, якоже Христос и рекий и положивый, иже и воздаст ти противу труду твоему некончяемая благая.

Бог же мира да буди с тобою, господини мой, вовеки.

В радости боляром и всем вельможам в чин пришедшим. Глава 8

Угожениа ради Царя небеснаго от земнаго царя приимый почесть сего ради достоит на сугубыя добродетели вооружатися и яко небопар- наго орла летанием или дивияго лва скочением скоро мыселмии к правде варити[896], к неправле же смышлению ленивейши тельца обретатися. Бог же видев иже ти первый сий сан воздавый, может и вторым некончяел. 276 мым почествовати // «иже око не виде и ухо не слыша и на сердце не взыде, яже уготова Бог любящим его»[897].

Бог же мира да буди с тобою вовеки.

В скорбех боляром и всем вельможам от сану избывшим. Глава 9

Бог, сотворивый мир и вся, иже в нем, не токможе еже приводя ко обращению на грешныя посылаеть скорбь, но и на праведныя, да сими больми очищешися, перед ним светли явятся. Зри убо в мире сем: мнози царие улишени царства, и мнози святителие улишени паствы, помянем же убо блаженнаго Иева, каков бе, еже сам Бог рече о нем: праведен, непорочен и истинен. Праведен убо еже неправеднаго не причащаяся, непорочен же яко и преже того от рожениа си к неправде не причястив- ся, истинен же еже и мысль свою от того соблюди. Бог же хотя воздати ему благая в некончяемем царствии, каково наказание нань пусти: улишение чяд и имениа и самоя плоти согнитие и преже убо царь бе от

л. 276 об. человек честим, пред Богом же мал бе. Еща же вся искушения // и низщету со благодарением подъят, то пред Богом велик сотворися и паки и пред человеки величество прият. Жена же его тоже улишение чяд и имениа подъят, но без благодарениа, и сего ради ко святыни его не причтеся. Зри же вся святыя, иже Христа обстоящая, кто в сем мире скорби не подъят: Предтеча и Креститель Христов Иоанн, свидетельствованный от Христа болший в роженных женами усечение подъят, Петр изведенный ангелом ис темницы — распятие. Павел восхищенный с плотиею до третяго небесе — усечение. Паче же и сам Христос бе плотию подьят распятие. Сего ради не подобает о мирстем безчестии скорбети, но к Богу притещи о согрешениих. Бог бо, милуя и обращая, искушение попущает, Он же има волю и небесная даровати или по наказании и паки земная. Преже Он подав и паки же добродетели ради подаст.

Бог же мира да буди с тобою вовеки.

Ко всякому человеку и о скорби и о радости. Глава 10 (По рукописи XVII в. №1558 Погодинского собр. ГПБ),

л. 32 об. Бог тя, сотворив, не забудет. Рече бо Святых Дух усты пророческими: маще жена отроча свое забудет, еже не помиловати исчадья чрева своего, но Аз не забуду»[898]. Христос же рече: «ищите преж царствия Божия и правды Его и сия вся приложатся вам»[899].

Христова ж словеса запечатленна сим еже рече: «и воздух[900]и земля мимо идет, словеса ж Моя не мимо идут»[901].

Сие чадо разумевай. Бог же мира да будет с тобою вовеки.

ПОСЛАНИЕ ЗИНОВИЯ ОТЕНСКОГО ДЬЯКУ Я. В. ШИШКИНУ

Нижеследующее послание Зиновия Отенского публикуется по сборнику № 916 третьей четверти XVII в. из коллекции рукописных книг Тверского областного архива. Сборник примечательный по составу. В него входят: 1) «Житие Кирилла Белозерского»; 2) «Повесть о Николае Зарайском»; 3) «Преднаписание о граде Озове и взятии его казаками»; 4) «Повесть о Темир–Аксаке»; 5) «Сказание Авраамия Палицына» (выпись); 6) «Повесть о белом клобуке»; 7) «Степень государей великих князей киевских и московских»; 8) «О послании послов в Царьград» (в 1570 г.); 9) «О Удоне, епископе мащебургском»; 10) «Грамота старца

Зиновия Отенского»; 11) «Хождение Трифона Коробейникова»; 12) «Повесть об осаде Пскова Стефаном Баторием»; 13) «Повесть о бесноватой Соломонии»; 14) «Повесть о взятии Царьграда турками»; 15) «Сказание о премудром бражнике»; 16) «Повесть об Акире»; 17) «Сказание о Еруслане Лазаревиче» (конца недостает) и др.[902]

л. 196 Посланная грамотка от старца Зеновия Отинскаго монастыря ис пустыни к государеву великаго князя диаку Якову Шишкину

л. 196 об. Государю моему Якову Васильевичи) нищий доку// чник и богомолец твой старец Зиновие челом бьет на всех благих твоих, понеже, государь, имеешь до нашей нищеты свою теплоту сердечную, твоими благоутробными щедротами нас призираешь о всем и паки духовными наказании и телесными пищами мое оледеневшее сердце насыщаешь и к свету богоразумия наставляешь. И о том великом твоем жаловании и посещении благодарю тя, да воздаст Господь полезная души твоей обрести зде и в будущем веце, да спаси Бог, государь, и паки реку, спаси Бог на великом твоем жаловании, что нас нищих жалуешь и тому Господь Бог воздатель. Слышав, государь мы грешнии спеяние души твоей, иже путь свой исправливаешь, ходячи царским путем направо, а налево не совращаяся, и мы о том благодарим и славим Господа и желаем всеща тое благодати Господни на тебе. И то, государь, нам

л. 197 радость велия, что ты в благодати и в добродетели // и не точию радуемся мы грешнии о том, но и печалимся и скорбим за погрешения другов и благодателей наших, коим прилучитца.

Здеся, государь, говорят про тебя многия люди, что ездишь в государеву полату позно, а до тебя дела не делают у вас в полате никоторова, а людям то истомно, что ждут долго, а суд засудишь, государь, и ты‑де долго по судному делу указу не чинишь и исцом в то время управы нет и в волоките проедаютца и не промышляют и ремесло залегает, и о том люди тужат. И ты, государь, пожалуй нас нищих не позазри, что мы тебе понудилися то сказати, ведаю, государь, что ты со страхом Божиим дело Божие делаешь вседушно и теми нуждами томишися людей для бедных, надеешися от Господа милость улучити и грехом отпущения, и тебе, государь, все то даст Господь за твой труд, л. 197 об. аще без лености послужишь людем Господним в том деле, // в котором поставлен еси от своего государя. Нам же нищим за свою худость и за твою честность к тебе писати непригоже, занеже, государь, живешь ис божественна мужа и велика святителя и Божия книги на всяк час чтутца ту и о твое великое жалование и любовь нудит нашу худость к тебе писати и тебе, государь, подобает Писанием извещатися в делех своих и не кроме Божиих словес начинати что и творити, и того ради испытовати Божия Писания прилежно, да не утаитца польза человека в Божиих книгах и да научитца оправданием Господним. И мы грешнии знаючи твое желание к заповедем Господним дерзнули есме к твоей честности воспомянути тебе Божия заповеди и оправдания Господня о дву делех твоих, что судити Господь приказал и управа вскоре давати по речем или по обыску и по мнозе испытании и крепком взяскании

л. 198 достоит и крестное цело// вание дати меж прящимися. А на судиях Господь Бог иного не ищет ничего точию суда праведна и о сем премудрый Соломон моляся Богу глаголя: Боже, суд Твой цареви даждь и правду Твою сыну цареви, судити людем Твоим в правду и нищим

Твоим в суд и прочая псалма. Того есть, государь, писано в Божиих книгах Божие слово Михеем пророком по веданости есть человече: что есмь добро, что ли просит Господь Бог твой о тебе, но еже творити суд и правду и любити милость и готову быти ходити з Господем Богом твоцм всеща. Смотри, государь, Божия оправдания: не ищет Господь правила или поста хощет или уединения у властей людцких, но точию суда и правды и милости. И сам Господь во Евангелии бранит на израильтяны, что они о дарех и о постех и очищениих пекутца вящая, рече, закона, остависте суд и милость и веру. Что же, государь, кто

л. 198 об. хощет Богу угодити, чего // Господь не просит у него и то он Господу приносит. Господь просит у властей творити ему суд и правду и любити милость, а власти человек судити не хотят во что поставлении, да кроме Божия повеления приносит Господу пост и правило велико. К таковым Господь глаголет Исаием пророком: Поста вашего и праздников не хощу и приношения ваша ненавидит душа Моя, аще воздежете ко Мне руки ваша отвращу лице Мое от вас, аще умножите молитвы Моя ко Мне и Аз не услышу вас, взыщите суда, избавляйте обидимаго, заступайте вдовица и тоща истяжемся, глаголет Господь, и аще греси ваши, яко черный будут и Аз, яко снег убелюся. И ты, государь, смотри Божия заповеди и оправдания, поста и праздников не хощет Господь, а на правило и на дары не смотрит и молитвы не слушает, велит искати суда

л. 199 праведна и обидимому пособити, и тоща Бог хощет// заповедей Божиих не слушати и ближнего пользы судом не искати, а свою пользу в правиле искати явно, и то грех есть и Богу досада, что не судити или отсылати от суда или отсрочивати суд. А то, государь, Богу угодно дело, что судити и виноватого мучити ранами или исцу продажею, и ездити рано судити и сидети долго, как святии патриарси и царие творили по святых заповедях и оправданиях Господних. А что, государь, помышляешь греху быти в том, что после суда борзо судное дело обговаривати да оправить или обинить, или целование крестное дать, и в том, государь, судием греха несть, что скоро управити, занеже сам Господь Бог в законе Моисею приказал клятвою вере в суде быти, аще послухов верных несть, и аще обыскати мочно, и судия не обыскиваючи, да обвинит, и в том

л. 199 об. судье грех. А что, государь, вскоре указ учинить // по суду и обинити или дати клятва, сииречь крестное целование, в том судиям спасение есть велико. А что, государь, не давати крестного целования, а обыск не приидет, и то не добродетель, но знамение немилосердия и лености прикрышка, что исцом не давати земские правды да волочить, занеже, государь, есть писано Духом Святым в Божиих книгах заповедь Господня так: не от рцыся благо творити требующему, внеща аще имать рука твоя помогати, не рцы, отшед возвращуся и утре дам, сильну ти сущу благо творити не веси, что родит находяй будет слово сообще всякому человеку. А большее, государь, суд и приказ что чего так требует, яко же обидимый заступления от насилующих требуют, от кого же от иного потребует, аще не от судии управы. Кто бывал изобижен, тот знает, какова беда и какова горесть обиды. А толька бы, государь, мала

л. 200 нуж//да была обиды, ино не стол бы много и Господь приказывал судити. Чья же иная рука имать обидимому помагати, только не судиина, кому же и приказ о том, только не судии тому приказывает и говорит: не отрцыся от Бога творити обидимому требующу суда и отмщения внеща, аще имать рука твоя помогати доколе и еще на судийском престоле еси, доколе еще судити можеши имать и может ι рука твоя судною властию отмстити на обидящем, не рцы отшед возвращуся и утре дам управу, силен еще будучи благо сотвориши бедному того бо для пришед и молитца требуя заступления ныне не веси бо, что родит находяй и от престола бо времена судии бывает и смерть постигает, и истец лукав может лесть сшити и оправитися, виноват будучи, и послухи купити, и правду искривити, и судию намздити, и

л. 200 об. смерти// предати суперника лукавыми человеки, и суд смешати, и истцов перечных найдет, и иная многа злая и лукавая могут до утра зделати со льстивыми людьми и всякая согрешения ленивому судии приобрящутца. Того для, государь, той же Иоанн милостивый патриарх, идучи со кресты служити ко святому мученику Мине, по челобитью вдовицы для став на пути и со кресты, а не пустил с места доколе исцов ее добыли от тех мест, как вдовица к нему завопела. И священники ему зазирали и говорили, что негораздо стал, невременно судити, идучи со кресты к службе, и добро слово патриарх отвечал им: как де яз в службе от Господа Бога сам услышан буду не услышав вдовица сея, не Господь ли такожде отвратитца от меня, како и аз вдовы сея. Полно управив вдову тоже пошел с места к мученику, воистину святый се Творец

л. 201 Божиим заповедем, слышал заповедь // сию: не рцы отшед возвращуся и утре дам, так и сотворил, не ступив с места дондеже управу дал вдовице, а не послушал своих советников тех, который ему велели после обедни управити вдовицу, болыпи послушал Божии заповеди, которая говорит: не рцы, отшед возвращуся и утре дам. Что, государь, нынешним судием мудрость не по Божии мудрости, что не хощет судити исцов да судом волочит или судив дни 3 или 4 или неделю не хощет по судному делу указ учинити и управы дати и вскоре не отпущают исцов. Явно, государь, то судия заповеди Господни не слушает, занеже Господь повеле до утрия суда не откладывати, не рцы, рече, отшед возвращуся и утре дам, сил ну ти сущу благотворити. А иныи, государь, судия не точию дни 3 или 4 волочат, но и недель 5 или 6, и то, государь, не л.

л. 201 об. точию един// грех, что заповеди Господни преступает, но и самому Господу Богу противитися хощет, и что того горчая: судия в дому своем во всяком покои наслаждаетца ествы и пития без печали в своем доволном богатстве и спит доволно, а бедный истец, пришед в чюже место, дом свой и семью и промыслом своим оставив, проедаетца управы ищучи, всегда не доел, не высыпался и сердце его кровию кипит, и тому же управы нет вскоре и волокита бедному. Вижу, государь, прямая речь — сыт голодному не разумеет.

Хотел бы есмь, государь, ведати, которые судии долго управы не дают затоли будет, что велит миритися исцом и χ крестному целованию не пускает и мнит, что грех станетца только поцелует. Ино, государь, пригоже судии знати, что грех! Крестное целование Господне, в нашей

л. 202 земли установлена рота, клятва ротою// правда земская веритца, тою же, государь, ротою царства мир укрепляют. А ротою, государь, клятва есть, а клятву, государь, благочестивии царие и самодержцы уставили равноапостолныи Константин и Устиниян Великии и Владимер, нареченный во святом крещении Василие, по совету святых отец, а прежде тех сам Господь Бог уставил Моисеем в законе клятву. Ино, государь, пригоже помыслити, то грех ли ставитца крестное целование, греха, государь, святии не уставливают и Бог не законополагает греха человеку, веру и стоячь Господь законополагает и святии устанавливают, или, государь, самого Господа Бога виновата творя, что узаконил клятву? Ведаем, государь, грех клятвенный, кто на лжи ротитца и грех, что рота преступати ино той грех у нас, государь, тех зовут изменники. А

л. 202 об. целовати, государь, не грех по Божию оправданию и по святых // отец также и целование, давати не грех, грех, государь, на криве целовать, грех, государь, целовав изменити. А которой судия исцов от крестнова целованиа отставливает, ино той судия не исцов от греха избавляет, но себя во грех во лит. По Святому Писанию великий отец Исайя глаголет: кая польза человеку да созиждет ближнему храмину, а свою разоряя.

Неуже, государь, провидел судия исца, что хощет на криве целовати? А еще, государь, судия не души поставлен судити, но дел их судити поставлен. А что судия миритися велит исцом, и та малая правда судиина, занеже дружит виноватому, а правому грубит, велит силою отступатися правому правого своего: будет, государь, третей приводит исцов на мир, мзда есть третиему за то, что в любовь приводит исцов.

л. 203 А только судия велит миритися, ино будет изобижен // правой. Третей, государь, по любве приводит, на мир правды смотря, а силою правого изобидити не может, а судия, только волочит, а не судит, велит миритися, ино, государь, по нужде правой обидитца отступает прямого насильством судииным. Отнюдь, государь, судье от суда отсылать не подобает на мир, только сами оба исца не просят миритися. И в том, государь, не будет греха, что одного не послушати, а суда не пустити, а только, государь, оба хотят миру, и тех достойно пустити с суда, занеже виноватые всегда любят волокиту, а говорят: надокучит де правому волокита, рад будет истец и даром дело покинуто, ино, государь, чаешь, греха в том не будет судии, что не судит да волочит и норовит виноватому. Будучи, государь, кто судия вмирит силою и обинити не хочет по суду или по обыску или по земской управе ротою, ино,

л. 203 об. государь, преступает Божию за//поведь, занеже, господь, велит взыска- ти суда, отмстити обидимаго и за то милость и отмщение грехом судием хощет дати. А судия суд покинув не хотячи казнити виноватого виною, да велит миритися, ино той судия праведнее и милостивее хощет быти Господа Бога, и тому, государь, не мочно быти, что хотети чрез Божии заповеди праведну и милостиву быти паче Господа Бога, разве грех не прощен будет и мука вечна. И того для, государь, праведнее Господа никто б не ставил себя, делал бы по Божию повелению и по правде Его, да грехов прощение приимет, и потому не пригоже миловати виноватого и норовити ему, занеже писано есть: суд милости не имать. Суд бо, государь, велит правду на ответ изводити судии ко исцом виноватым старому, и малому, и сильну, и немощну, и богату, и другу, и роду: и л. 204 несть судии ни роду, ни племяни, ни друга, занеже пи//сано: по малому и по великому судити и не познаеши лица на суд, яко суд Божий есть. И того для судии непригоже ни сильного убоятися, ни своему дружити, ни норовити виноватому тем, что суд отсрочивати да велети миритися и в том волочит милуючи виноватого или по дружбе или по худости: суд бо милости не имать. И пригоже, государь, вскоре судити и правити и обвинити и казнити продажею исцовою и судебником. Писано, государь, в Царствах: после Давыда пророка и царя к сыну его царю Соломону премудрому пришла мати его Вирсавия и просила у сына своего, у Соломона царя, чтоб дал брату своему большому женитися на той царице, которая отца их Давыда в старости его согревала. И Соломон о том разгневался на большого своего брата и велел ему голову отсечь и мати его Вирсавия не отпросила от смерти у него брата его, и то,

л. 204 об. государь, убийство Соломо//не не видал есмь в писании, чтоб который пророк или свят муж в грех Соломону свидетельствовал: суд бо, государь, милости не имать. И того для не миловати виноватого и не норовити ему тем, что велит им миритися и за то волочити и отсрочивати суд или крестное целование, занеже, государь, тем милует виноватого, а Святое Писание сказывает: суд милости не имать; а только имать миловати виноватого, то не помилует правого и огрубит ему, что велит миритися, и казнит его тем, что его волочит. Про то, государь, Божия книги пишут так: суд есть без милости не сотворшему милости. И еще пишет: хвалитца милость на суде. Смотри, государь, Божиих книг, как велят творити суд и виноватого миловати не велят, пишут: суд милости не имать. Так же, государь, только не миловати праваго ино запрещают и

л. 205 пишут: суд // есть без милости не сотворшему милости, и только, государь, праваго милует не отсрачивая по судному делу указ учинит безволокитно или по обыском или по крестному целованию по суду. Тоща похваляют Божия книги и пишут: хвалитца милость на суде, тоща Господь Бог судием и грехи оставляет по святому Исайи пророку. А которой отсрочивает и волочит дело и велит миритися, то явно дружит виноватому, и то, государь, милование ему, а праваго, первое, истец изобидил, другое, судия, волочит, отсрочивая судного дела не обговаривая и управы не даст, ино правому вдвое беда, а третия беда, что проедаетца. А только еще из деревни или из ыного града приедет, иная беда ему, занеже дом и промысл оставил. И то правому явное грубление, что велит миритися, а по судному делу долго не творит с ним милости л. 205 об. судия и будет // судия от Господа в запрещении: суд бо без милости не сотворшему милости. Великий Иоанн Златоуст пишет так: только по воли Божий убийство кто сотворит, и то убийство больши всякой милости пред Богом, а только не по воли Божии милование кто кому сотворит, и та милость злее есть всякого душегубства пред Богом. Да к тому послушество приводит, коли Саул царь изымав Агага царя пощадил и Самуил пророк пред Саулом того Агага ножем заколол, и за то Агагово пощадения Господь Бог того Саула от царства изринул. А еща Ахав царь асирийского царя поймав отпустил, и в то время пророк Божий пришед к человеку велел себя бити и человек той побоялся бити пророка, и не бий, и за то того человека лев съел по слову пророчю; и пророк иному человеку велел себя бити, и той человек бил его и розби ему лице, и

л. 206 тому человеку спасе//ние даровася. Не бивый, государь, пророка погибе, а бивый пророка спасеся, а Ахаву пророк от Господа отвечал, что Ахаву самому погибнути, занеже изымав царя асирийского отпустил. Потом Златоуст так пцсал, ино, государь, пригоше судии по Божию приказу миловати того, которого миловати велёно, а того же никако не миловати, кого не велено миловати, не боятися в том греха, занеже писано есть: обличением обличиши ближнего своего и не приимеши его ради греха. Видиши ли, государь, аще обличити, ино не будет греха, а не обличити, ино грех приемлет на себя. А обличение, государь, то, что судити по суду и обвинити и казнити по обыску или целованием, — то обличение есть. И много, государь, писати от Божиих книг и многих святых на свидетельство приводити, а все то же деяти

л. 206 об. только судия суд судит без лености не откладывая день и судив // судное дело обговаривает не изволочив и за то восприимешь от милосердаго Бога мзду, а от людей честь и величие. И сими тщетизми величании всеща наслождаяся и всих научаяся и не разумех, яко воевода сый и владыко на престоле посажден бых, и яко пастырю и стражу вручи тебе, государь, люди своя, яже искупи честною сии кровию, и заповеда тебе, глаголя: да не сотвориши неправды в суде и не оправдиши неправаго мзды ради, ни восхитиши, мзду от него и проклят всяк судия неправедный. Аз же не судих по правде, ни сохраних заповеди Божия, ни сотворих повелении Его, но бых в пастыря место волк, а в стража место тать, и достоин бых издавна отвержен быти от лица Господня, понеже лукавый обычаи и в ветсе прилози ветхаго прелестника ослепиша очи сердца моего и тма глубока одержаша помысл мой, но умилосердися о мне…