ОТЦА НАШЕГО ФИЛИППА, МИТРОПОЛИТА МОСКОВСКАГО И ВСЕЯ РУСИИ, НОВАГО ИСПОВѢДНИКА

На малѣй вечерни.[1]Слава.[2]Глас 6.[3]Святителемъ удобрение[4]и отцемъ красоту, Земли русской молебника велика, сошедшеся днесь, о, празднолюбцы, пѣснеными похвалами воспоемъ, глаголюще: Радуйся, святителю Филиппе, твердыи умомъ, благодатию и истиною освященныи; отнюдуже и приятелище бысть Пресвятаго Духа; и нынѣ, с первосвятители предстоя престолу Христову, молися о душахъ нашихъ.

На велицѣй вечерни.[5]Слава. Глас 8. Радуйся и веселися,[6]честная киновия, свѣтло торжествуй, Христова Церкви, совокупльшися, ликуй, Богозванное стадо, днесь созываетъ насъ архиерея всемирное торжество. Придѣте убо, свѣтло празднуемъ, в память его глаголюще: Радуйся, святителю благочестия, яко ризою, мужестъвомъ духовнымъ облекъ себе; радуйся, низложивыи суровством гордаго[7]даною ти от единаго Бога силою; радуйся, скорбящимъ душею Божественое утѣшение, и обидимымъ заступниче, и всѣмъ вѣрнымъ благоутишное пристанище. Тѣмъже, обьстояще всечестную ти раку, любезно облобызаемъ, святителю Филиппе, тобою просимъ получити Божественнаго человѣколюбия, и твоими молитвами миру смирение даровати, и душамъ нашимъ велию милость.

В литию.[8]Слава. Глас 4. Подобаетъ царствующему граду Москвѣ Филиппа вездѣ имѣти архиерея, яко нѣкую утварь царьскую и сокровище некрадомо,[9]всѣмъ подающи богатство спасения исповѣданием и вся собирающа к соединению пѣсней Боголѣпныхъ; к немуже возопиемъ: Святителю и исповѣдниче, моли Христа Бога о душахъ нашихъ.

По 50-мъ псалмѣ.[10]Стихира.[11]Глас 8. Апостоломъ ревнителя,[12]Филиппа преблаженнаго, отца и учителя, сошедшеся восхвалимъ, глаголюще: Радуйся, святителю, твердыи умомъ, благодатию и истиною освященне; отнюдуже и приятелище бысть Духа Пресвятаго; и нынѣ, с первосвятители предстоя престолу Христову, молися присно о рабѣхъ своихъ.

Канонъ[13]святителю. Глас 8.

Пѣснь 1.[14]Ирмосъ:[15]Посѣченыи несѣкомаго пресѣче.[16]

Агньче Божии и Слове, свѣтозарениемъ Святаго Твоего Духа, мрачному уму моему свѣтоносную лучю подаждь, и словомъ вдохни восхвалити, иже Самъ избра и приятъ, верхъ страдания, священнаго Филиппа.

Благодать, святе, Божественую рабу своему подаждь, и радости ми исполни душу, похвалити житие твое, Филиппе святителю, имъже вся возвесели, подвизався, Господеви воспѣвая: Славно бо прославися.

Великихъ добродѣтелей свѣтозарениемъ сияюща дѣтели, преподобне; постыдѣшеся царие крѣпкаго ти разума, и предѣлъ языка твоего не поколѣбася,[17]Господеви поя: Славно бо прославися.

Богородичен.[18]Глаголы богогласныхъ проповѣдникъ о Тебѣ, Богомати, исполнишася; се бо роди, Дѣво, младо Отроча, Адама древняго старѣйша и сопрестольна Родителю, миру всему на спасение и тлѣнию измѣнение.[19]

Пѣснь 3.[20]Ирмос:Утвердися сердце мое о Господѣ.

Добродѣтелей на гору востече и в мракъ видѣния вниде, святителю Филиппе, и разумѣ, елико вмѣстилъ еси, непостижимаго естествомъ, просвѣщения исполнь бывъ, отче, приемъ Божественную благодать.

Единаго Бога добротою искии, едину Его получити славу желая, блаженне, славу же и честь земнаго пребывания, яко преходящую, оставилъ еси, яко угодникъ просия всѣхъ Владыки Христа.

Желанием духа плоти желание увядилъ еси; и сѣмя, блаженне, обручилъ еси сожителницу чистоту, от неяже чада тебѣ родишася вся добродѣтели присно славне, чадо тя содѣвающе невещественому свѣту.

Богородич<ен>. Змия умертвила еси, умертвившаго Адама в породѣ, и Еввѣ праматери составльшаго печаль,[21]живота прозябши, Дево Чистая; и от истлѣния нас свободи, Богъ бо ис Твоихъ ложеснъ прошедъ неизреченно.

Сѣдаленъ,[22]Глас 8. Подобенъ:[23]Премудрости.

Яко апостолу избранному тезоименитъ, отче, подражатель,[24]бѣды претерпѣлъ еси и гонения; ревность воображая пророка Илии и Крестителя,[25]мужьски изобличилъ еси беззаконнующая и престолъ божественѣ управилъ еси. Равно течение скончавъ, яко милость тѣло свое на земли оставль, испущаеши миро благоухания араматъ, и яко дождь изливаеши духовно, напояя таино бразды сердецъ нашихъ, Филиппе святителю, моли Христа Бога гръховъ оставление даровати чтущимъ любовию святую память твою. (Дважды).

Пѣснь 4. Ирмосъ: Пророкъ Аввакумъ мысленыма.[26]

Злобою живущеи на тя незлобиваго агньца яко дивии звѣрие восташа, словесы твоими, яко осномъ стрѣчеми, не терпяще, завистию поощряеми, святителю богомудре.

Имѣя тя заступника миръ весь и помощника во бранѣхъ, яко поборника вѣръна и скораго предстателя, к твоей бо паствѣ пририщущих напастей и бѣдъ изимаеши священными ти молитвами.

Исполнивъ добрыя подвиги, тезоимените, нетлѣннаго, богомудре, сподобися безсмертия, идѣже радуяся вѣнъца побѣде взялъ еси, тѣмъ вопияше: Слава силѣ Твоей, Слава, Христе, пришествию Твоему.

Бог<ородичен>.Крѣпость всѣмъ врагомъ низложи, Мати Божия, оскорбляющих воспѣвающихъ Тя, яко рождьши Господа Славы; невредимо Твое стадо спасай от злыхъ приражении, яко да подолгу Тя ублажаемъ.

Пѣснь 5. Ирмосъ: Мракъ душа моея отжени.[27]

Луча праведнаго солнца явися мирови[28]свѣтлостьми добродѣтелей предстательство твое, святителю Филиппе, разоряя облакъ нашедшихъ бѣдъ; тя и нынѣ поющая в мирѣ сохрани и прослави я красотою и просвѣти.

Мечь обоюдуостръ языкъ твой показася, въ Христовъ страхъ вооружився, блаженне, разумно изобличивъ начальствующая, во свѣдѣтельство Христа, всѣхъ Царя,[29]виновна на среду приводя, и Божественныхъ Его ученикъ.

Новъ явилъся еси ревностию якоже вторыи Моисей, не знамении страшными удивляя, но Божественныхъ словесъ учении наставляя, к тихому пристанищу новаго Израиля страстнаго Египта изводя.

<Богородичен>.Облакъ разумныи Тя именуемъ, ис Тебе бо Христосъ восия, Непорочная, и пространнѣйшу Тя небесъ показа, Сего неискусомужно родила еси, Чистая, воплощенна за милосердие неисповѣдимое.

Пѣснь 6. Ирмосъ: Иону в китѣ, Господи, единаго вселил.[30]

Промышление общее творя, иже бѣ душа и сердце единославне взываше во Христовѣ вѣрѣ пребывающимъ, языческая же со отятиемъ отрѣваше предания,[31]и раздѣления бѣжати мудрѣ научилъ еси.

Ревностию Христовою ярость поостривъ, яко непреклонен слышанию речение о таковых, свѣдѣтельство велие извѣстуя от апостольских речении и пророкъ, яко Христовымъ заповѣдемъ дѣлатель.

Свѣтоносную лучю иже во мрацѣ жития сущимъ, святителю Филиппе, видимъ тя яко свѣщу неугасимую, с невещественымъ бо бесѣдова свѣтомъ, вся освѣщающа конца и пьянство лютыхъ отемлюща.

Бог<ородичен>. Тя иногда написа скрыжаль Богообразнѣ во пророцѣхъ Моисей; свѣщникъ же свѣта, и сѣнь, и процвѣтший жезлъ,[32]Всенепорочная, и ручку, манну носящу,[33]Еюже возведохомся от земля к высотѣ.

Кондак.[34]Глас 3. Под<обен>:Дѣвая днесь.[35]

Православию наставника и истинѣ согласника, златоустаго ревнителя, русскаго свѣтилника, Филиппа премудраго восхвалимъ, в пищи словесъ своихъ разумно чада своя питая, языкомъ убо хваление поя, устнама же пѣние вѣщая, яко таиникъ Божия благодати.

Икос.[36]Приидѣте, любострадальцы, пѣниемъ и пѣсньми духовными память совершающе, Божественѣ возвеселимся. Время нашего веселия болшее и пребывающее трижнение наста и приемлюще страстемъ разрѣшения даръ. Новыи бо столпъ огненъ явися,[37]попаляя беззаконнующая главы, вѣрных же просвѣщая душа к вѣрѣ Богоразумия, и въ Божественныи градъ вышнии Иеросалимъ, яко другаго Израиля вводя, яко ученикъ Божия благодати.

Пѣснь 7. Ирмосъ: Наполѣ молебнѣ иногда.[38]

Украшенъ боголѣпно Господеви предста добродѣтелными подвиги, вѣнецъ же нося страдания, испещренъ кровными каплями, святителю Филиппе; тѣмъже совершающих свѣтоносную память твою присно поминай, и поющих: Отецъ наших Боже благословенъ еси.[39]

Фараонитъ, мысленых врагъ ополчения, блаженне, избѣгъ, легко прешелъ еси к горнимъ, тамо водворяяся, идѣже почесть славы получивъ терпѣния — во свѣте праведных, в радовании святых воспѣвая: Отецъ нашихъ Боже, благословенъ еси.

Хвалят тя, блажаще любовию, иже притичющеи к рацѣ твоей, блаженне, тоя бо целующе, независтно благодать приемлем. Яко прикосновением болѣзнь очную исцѣлилъ еси;[40]и терзание зубомъ облегчи поющимъ Содѣтеля: Отецъ нашихъ Боже, благословенъ еси.

Бог<ородичен>. От любве душевныя вопию Ти, Владычице, пресвѣтлаго солнца облаче, спасеная двери, небесная врата, лѣствице мысленая. Всѣхъ християнъ молбу приими, Тебе блажащих, надежду душамъ нашимъ, и Сыну Твоему зовущих: Отецъ наших Боже, благословенъ еси.

Пѣснь 8. Ирмосъ: Покрываяй водами превыспреняя своя.[41]

Цѣлиши независтно вѣрно призывающия тя, яко представъ абие разслаблена воставилъ еси, и страждущему ятро прикосновениемъ ручнымъ исцѣлилъ еси,[42]уныниемъ скорбяща явлениемъ своимъ в радость претворилъ еси, присно дѣйствуя, блаженнѣ, вѣмъ вовѣки.

Честь многоцѣнную твоему верху — страдания вѣнецъ, яко побѣдоносцу живоносною десницею Зиждитель возложи всебогате, тѣло же твое соблюде невредимо от боку земленую, испущающе благоюхания арамат; сицѣ тя прослави Подвигоположникъ во вся вѣки.

Шатания брани межеусобныя укроти, и разсвирѣпѣющая волки на стадо твое, блаженне, молитвеною си палицею далече отжени, и царю нашему скипетры державно устрой, и востания языкъ во смирение покори, да яко предстателя тя воспѣваемъ вовѣки.

<Богородичен>. Щитомъ вѣры храмъ Твой святый, Богородице Дѣво, сохрани, и в немъ славословящихъ Тя купно славы Своея сподоби, и нахождения варварскаго и томления ихъ избави, ума нашего волнения укроти милостиво си, Препѣтая.

Пѣснь 9. Ирмосъ: Благословенъ Господь Богъ Израилевъ.[43]

Едино естество Троицы, безмерную силу благословил еси, и суетных служения дерзновенно, всемудре, изобличилъ еси, и божественными наказании укрѣпль; ангеломъ сожителниче, святителю Филиппе, память твою празднующих в мирѣ соблюди.

Юношамъ нѣмование сродно присвоение бываетъ, не яко достойни суще, приими от насъ нынѣшнее благодарение, о, страстотерпче; по дѣйству убо не наше, но ангельско есть — и в лѣпоту восхвалити тя; мы же от усердия дерзнухож, елико возмогохомъ.

Яко апостоломъ сопрестоленъ и мученикомъ сликовенъ, святителемъ равночестенъ, страстотерпче Филиппе, предстателствомъ твоимъ поющихъ в мирѣ сохрани и православнаго царя нашего рогъ возвыси, варварьская же шатания низложи, да, радуяся, поем величия ти.

Бог<ородичен>. Свѣта приятелище, Богорадованная Владычице, святителемъ воистинну утвержение и преподобнымъ всѣмъ похваление, спаси и нас от бѣдъ и обстоянии и языкъ нашествия, воспѣвающихъ Тя, Многопѣтая.

Свѣтиленъ.[44]Подобен:Посѣтил ны есть.

Тезоимените цѣломудрия, от юнаго воспитания, святителю Филиппе, потщалъся еси за истину поносимъ и влачимъ быти, и смерть горкую подъялъ еси; и нынѣ на небесѣхъ, предъстоя престолу Святыя Троица, присно о насъ молися, иже вѣрою и любовию почитающихъ тя.

На хвалигѣхъ. Слава. Глас 6.

Ты еси пастырь добрыи[45]и учитель теплыи, святителю Филиппе; тя всегда восхваляюще, вопиемъ: Тобою Богъ украси церковь Матере Своея,[46]тѣло твое, много лѣтъ покровено в земли, нетлѣнно яви людемъ своимъ; тѣмъже моляся непрестай о хвалящих и чтущих память твою, просящи оставления грѣховъ и спасения душамъ нашимъ.

[1]...На малѣй вечерни.— Указание на исполнение песнопения в вечернем богослужении. Малая вечерня совершается накануне праздников перед Всенощным бдением. Время ее совершения по церковному уставу — перед заходом солнца.

[2]Слава— указание на то, что песнопение поется после припева «Слава Отцу и Сыну и Святому Духу». Отсюда название песнопения (разновидности стихиры) — «Славник».

[3]Глас 6— место песнопения в системе осмогласия, где каждый из восьми гласов представлял собой совокупность музыкальных формул, из которых составлялось песнопение, подобно тому как из словесных формул складывался его текст.

[4]...Святителемъ удобрение...— Славник 6-го гласа, начинающийся этими же словами, есть также и в службах другим святым. Например, Николаю Мирликийскому, митр. Алексию (в день его памяти и на перенесение мощей), Леонтию Ростовскому. Но несмотря на использование зачастую одинаковых словесных и музыкальных формул, все песнопения отличаются друг от друга, так как в каждом случае одни и те же формулы помещаются в разный контекст, а их последовательность в каждом конкретном песнопении индивидуальна.

[5]...На велицѣй вечерни.— Указание на исполнение песнопения в вечернем богослужении, совершавшемся сразу после захода солнца.

[6]...Радуйся и веселися...— Славник 8-го гласа, начинающийся с этих слов, есть также в службах Варлааму Хутынскому, Леонтию Ростовскому, Петру и Февронии Муромским. Однако во всех этих случаях, как и в славнике, начинающемся словами «Святителем удобрение», мы имеем дело с песнопениями подобными, но не идентичными друг другу, поскольку в каждом случае присутствует своя логика изложения материала.

[7]...низложивши суровством гордого...— Святитель Филипп в своих речах обличал жестокости царя.

[8]...В литию— Лития (греч. — усердная молитва) — часть Всенощного бдения, следующая за ектенией, начинающейся словами «Исполним вечернюю молитву нашу о Господеви». Совершается иногда в притворе храма и на паперти, иногда вне храма. Во время литии поются стихиры храму или календарному празднику.

[9]...Подобает царствующему граду Москвѣ Филиппа вездѣ имѣти архиерея, яко нѣкую утварь царьскую и сокровище некрадомо...— Текст этого славника св. Филиппу сходен с текстом славника на «Господи, воззвах» Стефану, еп. Сурожскому. Однако роспев, начинающийся так же, как и в славнике Стефану, в дальнейшем развитии существенно отклоняется от него.

[10]По 50-мъ псалмѣ.— Указание места исполнения песнопения в службе: на утрене после чтения 50-го псалма.

[11]Стихира(греч. — многостишие) — песнопение, поющееся после стихов псалмов. Различаются стихиры на «Господи, воззвах», поющиеся после стихов псалмов 140,141, 129,116, начинающихся этими словами; стихиры на стиховне, которые чередуются со стихами псалмов, соответствующими празднику или лику святого, стихиры на хвалитех, поющиеся после стихов псалмов 148 — «Хвалите Господа с небес», 149 — «Воспойте Господеви», 150 — «Хвалите Бога», стихиры на литии. Во всех этих случаях число стихир — три и более, лишь после 50-го псалма поется только одна стихира.

[12]...Апостоломъ рѣвнителя...— Славник, начинающийся этими же словами, есть также в службах Иакову Ростовскому и князю Владимиру. Однако сходство поэтического и музыкального текстов ограничивается лишь началом песнопения.

[13]...Канон(греч. — правило) — цикл песнопений, составленный по определенному правилу из соединения нескольких «песней». Исполняется во время утреннего богослужения. Воспевает календарный праздник или святого, о котором Церковь вспоминает в этот день.

[14]Пѣснь 1— канон как сложная гимнографическая форма складывается из 9 «песней», каждая из которых состоит из ирмоса и тропарей.

[15]Ирмосъ(греч. — связь, ряд) — песнопение, содержание которого основано на так называемых Библейских песнях. Напев ирмоса и основная его идея, заключенная в тексте, служат образцом для последующих за ним тропарей, воспевающих святого. Таким образом осуществляется «связь» между прообразами и пророчествами Ветхого Завета с празднуемым событием. Ирмос первой песни канона — победная песнь Моисея, воспетая им после благополучного перехода израильтян через Чермное (Красное) море.

[16]...Посѣченыи несѣкомаго пресѣче.— В тексте ирмоса, начинающегося этими словами, повествуется о благополучном переходе израильтян через «непроходимые», но расступившиеся перед ними воды Чермного моря, и о гибели преследовавших их египтян под сомкнувшейся над ними водой. Идея победы гонимого над гонителем опосредованно передана в третьем тропаре 1-й песни канона.

[17]...Постыдѣшеся царие крѣпкаго ти разума, и предѣлъ языка твоего не поколѣбася...— Речь идет об одном из фрагментов Жития Филиппа, где после его обличительных слов «подобает тебе, благочестивому царю, неправо глаголющего обличити и отогнати от себе, яко гнилъ удъ<...> царь отиде в полаты своя во мнозѣ размышлении» (см. с. 726).

[18]...Богородичен— песнопение, воспевающее Богородицу.

[19]...роди, Дѣво, младо Отроча, Адама древняго старѣйша и сопрестолъна Родителю, миру всему на спасение и тлѣнию изменение.— Родившийся Христос был старше отца рода человеческого Адама, поскольку являл собой земное воплощение Бога. И если Адам считается виновником греха и смерти, то Христос, второй Адам, — носителем жизни и бессмертия (Рим. 5, 14; Кор. 15, 22).

[20]Пѣснь 3— следует сразу за песнью 1, вторая же песнь в этом каноне опускается. Это связано с тем, что песнь 2 (Песнь Моисея во время шествия израильского народа по пустыне), носящая сугубо покаянный характер, не соответствует духу праздничных песнопений. Каноны, содержащие в своем составе 2-ю песнь, исполняются только в постных службах.

По своему содержанию ирмос песни 3 являет собой благодарственную песнь матери пророка Самуила Анны. Сын, данный бесплодной Анне по ее молитве, был посвящен Богу на служение. Подобно Самуилу, святитель Филипп избирает стезю служения Богу. Он отказывается от земной славы и плотских желаний, приобщаясь к Божественному свету.

[21]...Змия умертвила еси, умертвившаго Адама в породѣ.и Евѣ праматери составльшаго печаль...— Рождение Христа Богородицей стало искуплением первородного греха. После грехопадения прародителей человечества грех и смерть, вошедшие в мир, отразились на всем их потомстве. Адам стал прародителем грешного рода (Ос. 6, 7). Но с рождением «второго» Адама — Иисуса Христа, ставшего праотцем праведного рода (Рим. 5), змей, соблазнивший Еву, был повержен, согласно воле Бога — семя жены будет поражать змея в голову (Быт. 3, 15).

[22]Сѣдаленъ— песнопение, во время исполнения которого за богослужением разрешалось сидеть.

[23]Подобенъ— указание на песнопение, по подобию, образцу которого поется седален.

[24]...Яко апостолу избранному тезоименитъ, отче, подражатель.— Св. Филипп при пострижении в монахи получил имя одного из двенадцати апостолов, призванных Иисусом Христом (Лк. 6, 13—16; Ин. 1, 43, 44), Филиппа, который, по некоторым источникам, проповедуя Евангелие, был распят на кресте головой вниз (Христианство. Энциклопедический словарь. Т. 3. М., 1995. С. 115).

[25]...ревность воображая пророка Илии и Крестителя...— Речь идет о подвигах ветхозаветного пророка Илии (3 Цар. 17—19; 4 Цар. 1—2) и предшественника (Предтечи) Иисуса Христа Иоанна Крестителя. Они оба были ревнителями благочестия, оба обличали пороки и вступали в столкновения с царями (3 Цар. 18,18; Мф. 14). Иудеи считали, что Илья пророк должен явиться на землю перед пришествием Христа. И, когда Иоанн Креститель проповедовал на берегах Иордана, столь же ревностно и грозно, как это делал ветхозаветный пророк, они принимали Иоанна за Илию (Ин. 1,21). Таким же обличителем царя здесь предстает св. Филипп.

[26]Пѣснь 4. Ирмосъ: Пророк Аввакумъ мысленыма.— Песнь пророка Аввакума, предвидевшего пришествие Бога. Тропари 4-й песни не связаны с содержанием ирмоса буквально, лишь в третьем тропаре перефразируются слова из ирмоса «Тем и вопияше: от Юга приходит Бог, слава снисхождению Твоему».

[27]Пѣснь 5. Ирмосъ: Мракъ душа моея отмени.— Песнь Пророка Исайи, возвестившего рождение от Девы Спасителя (Еммануила).

[28]Луча праведнаго солнца явися мирови...— Одна из тем, содержащихся в ирмосах этой песни канона, — противопоставление духовного мрака и света, дарованного миру. В тропарях канона Христос предстает как свет разума, Филипп — луч этого света. Слово его — обличение, обращение к свету заповедей Христовых.

[29]...разумно изобличивъ начальствующая, во свѣдѣтельство Христа, всѣх Царя...— Согласно Житию св. Филиппа, святитель, призывая царя к благочестию, прекращению кровопролития, неоднократно напоминал ему — царю земному — о суде Царя Небесного.

[30]Пѣснь 6. Ирмосъ: Иону в китѣ, Господи, единаго вселил.— Песнь пророка Ионы, три дня пребывавшего во чреве китовом. В течение этого времени Иона призывал Господа (Ион. 2) и по своей молитве был выброшен на сушу. Вера св. Филиппа в тропарях песни уподобляется вере Ионы.

[31]...языческая же со отятиемъ отрѣваше предания...— Вероятно, имеются в виду те фрагменты Жития св. Филиппа, где осуждаются головные уборы опричников, напоминающие шапки язычников времен царя Навуходоносора: «...шлыки высоки, ризам подобны, ако халдеи имут...». Осуждение вызывает и появление одного из опричников в церкви в головном уборе — тафье, что расценивается святителем как языческий обычай. Увидев такое нарушение церковного правила, Филипп вопрошает: «Се ли подобает благочестивому царю агарянский закон держати?» (см. с. 730).

[32]…Тя иногда написа скрыжаль Богообразнѣ во пророцѣх Моисей; свѣщникъ же свѣта, и сѣнь, и процвѣтший жезлъ...— Богородица здесь уподобляется светильнику и храму, созданным Моисеем по заповедям Бога, а также чуду, происшедшему с жезлом (посохом) Аарона, который расцвел в течение ночи (Чис. 17, 6—8).

[33]...и ручку, манну носящу...— Богородица, родившая Христа, уподобляется здесь носительнице небесного хлеба, которым Бог кормил израильтян во время 40-летнего странствия по пустыне (Исх. 16, 35). В Новом Завете манна является прообразом «хлеба жизни» — Иисуса Христа (Ин. 6, 31—35).

[34]...Кондак(греч. — краткий) — песнопение, в краткой форме выражающее существо празднуемого события.

[35]...Дѣвая днесь.— Начальные слова кондака из службы Рождеству Христову «Дева днесь пресущественного рождает», избранного в качестве образца для кондака св. Филиппу.

[36]Икос— песнопение, следующее за кондаком и развивающее его тему.

[37]Новый бо столпъ огненъ явися...— Напоминание об огненном столпе, из которого «воззрел Господь на стан египтян» (Исх. 14, 24) во время перехода израильтян через Чермное море. Это напоминание и дальнейший текст икоса вновь уподобляет Филиппа Моисею, выводящему свою паству к Земле обетованной.

[38]Пѣснь 7. Ирмосъ: На полѣ молебнѣ иногда.— Божественная песнь трех отроков, оставшихся невредимыми в раскаленной печи, куда их, по распоряжению Вавилонского царя Навуходоносора, бросили за отказ поклониться золотому языческому идолу, поставленному царем «на поле Деире в области Вавилонской» (Дан. 3).

[39]...Отецъ наших Боже, благословенъ еси.— Слова, которыми три отрока, брошенные в печь, восхваляли Господа (ср.: «Благословен Ты, Господи Боже отцов наших» — Дан. 3, 52). Эти слова повторяются в заключение каждого тропаря песни 7, восхваляющего Филиппа, они же завершают и следующий за тропарями богородичен.

[40]...тоя бо целующе, независтно благодать приемлем. Яко прикосновением болезнь очную исиѣлил еси...— Речь идет о чудесах, совершавшихся после открытия мощей св. Филиппа.

[41]Пѣснь 8. Ирмосъ: Покрывали водами превыспреняя своя.— Содержанием ирмоса 8-й песни канона, так же как и 7-й, является песнь трех отроков, хвалящих Господа в раскаленной печи (ср.: «Благословите Господа все воды, которые превыше небес» — Дан. 3, 60).

[42]...разслаблена воставилъ еси и страждущему ятро прикосновениемъ ручнымъ исцѣлилъ еси.— Вероятно, имеется в виду исцеление зодчего Василия, инока Соловецкого монастыря Исайи «от недуга расслабления», кузнеца Иоанна «от внутренней болезни» (Муравьев А. Н. Жития святых российской церкви. СПб., 1857. С. 133—135).

[43]Пѣснь 9. Ирмосъ: Благословенъ Господь Богъ Израилевъ.— Песнь Захарии о рождении сына Иоанна, Крестителя Господня (Лк. 68—79).

[44]Свѣтиленъ.— Название песнопения связано с тем, что пение его после канона в конце утрени предшествует рассвету, а содержание связывается с просвещением души.

[45]Ты еси пастырь добрый...— Этими же словами начинается стихира св. Исайе Ростовскому.

[46]...Тобою Богъ украси церковь Матере Своея...— Имеется в виду собор Успения Богородицы на территории Московского Кремля, где в 1652 г. были помещены мощи св. Филиппа после перенесения их из Соловецкого монастыря. Во время создания службы перенесение мощей в Москву в Успенский собор только предполагалось.