ВОЗСИЯЙ НАМ, Боже, Боже наш, Свет Твой истинный, да во Свете Твоем узрим славу твою, яко Единороднаго от Отца, и да вообразится внутрь нас образ Твой непостижимый, по нему же создал еси человека.

Боже, Спасителю наш, Сило ума и Крепосте души нашея, да вселится в нас доброта Твоя, да пребудем неотступно в Тебе, присно носяще в себе Духа Твоего Святаго, Иже да даст нам познати любовь Твою к человеку, и уподобитися Тебе, Единому Господу и Богу нашему, якоже быша подобнии Тебе вся от века святии Твои.

Ей, Господи Иисусе Христе, по неложному Твоему обетованию, прииди со Отцем и Духом Святым, и обитель Твою в нас сотвори во веки веков.

Аминь.