Еще один «квази–юродивый» — это Иоанн Власатый Милостивый. Его житие очень мало сообщает об обстоятельствах жизни святого: оно начинается его приходом в Ростов неизвестно откуда в 1570/71 г. и кончается смертью 3 сентября 1572 г.[602] За это недолгое время Иоанн «пристанище же не имея нигде, кроме церковных притворов», приходил иногда к некоей вдовице, а иногда к священнику Всехсвятской церкви Петру «некие ради нужды». Труднообъяснимой особенностью святого было то, что он день и ночь молился «греческим речением». Был ли он греком? Одна из рукописей Иоаннова жития утверждает даже: «Святая же его богодухновенная книга псалтырь греческаго письма уставнаго вполдесеть и доднесь на гробе его… верность яко греческия земли бе и по ней всегда и глаголаше и молитвы Господеви творяше»[603]. В самом деле, до нашего времени сохранилась якобы принадлежавшая Иоанну пергаменная псалтирь — однако вовсе не греческая, а латинская[604]. Видимо, этот человек действительно был иностранцем, но объявить православным святым грека казалось удобнее. Главное же, что сама по себе чуждость, иноприродность, наряду с бездомностью и «власатостью», толкали народно–религиозное сознание к тому, чтобы превратить Иоанна именно в юродивого.
С. Иванов "Блаженные похабы"
Мы знаем об одном русском юродивом, чье иностранное происхождение является весьма вероятным. Но он жил в шестнадцатом веке (|1581 г.) в Ростове и имел прозвище Иоанн Власатый. До последнего времени на его гробнице сохранялась Псалтирь на латинском языке. На одной из ее страниц можно прочесть следующую надпись, относящуюся к началу XVIII века: «…От времени преставления блаженнаго Иоанна власатаго и милостиваго даже доселе бяше на гробе его книжица сия, зело ветха, псалтирь Давида на латинском диалекте, юже той угодник Божий моляся Богу, чтяше…»[480] Католический Запад не знал «юродства Христа ради» как особого образа жизни. Выбор такого пути иностранцем, принявшим православие, может показаться странным, однако в истории нового времени известно немало случаев, когда немцы, ставшие православными, становились русскими националистами и проявляли особое религиозное рвение.
Г. Федотов "Русская религиозность
Житие блаженного Иоанна Власатого
В лета благочестивого государя царя и великого князя Ивана Василевича всеа Русии и при его царских детях царевичах Иванне и Феодоре Ивановичех всеа Русии 7079 года откудуж прииде Бог весть в Ростов прииде муж добророден и благозрачен, и благолепием украшен и кротостию, и смиренномудрием преисполнен. Власы имея темнорус, браду немалу, на власяницы ж имея милоть по-иночески. Пристанища ж не име нигде, кроме церковных притворов и папертей, идеж изволи. Моление же его… день и нощь греческим речением… ради ж некия нужды прибегая к некоей вдовице, да ко отцу своему духовному ко всесвяцкому священнику Петру, зовомый Иоанн Власатый.
В та же лета бе в Ростове Иван Болшей Колпак, и той многа знамения и чюдеса сотваряет, прорицая многим, и архиепископу Евфимию, и збысться, и отиде в царствующий град Москву, и чюдодействуя много, и почи о Господе у Покрова Святыя Богородицы на рву.
В та же времена бе в Ростове Христа ради юродивый Третьяк, имя ж бе Артемей, и той бе во единой срачице зиму и лето, и все бегал, прибегал к Вознесению Господню и к Сидору чюдотворцу, и той многа чюдеса творил и обявлял. Некогда ж ему бывшу два дни и зело печальну, ни яде, ни пит, ни с кем глагола. В третий ж день нача по всему граду бегая вопити: стреляй, вешай, скачи, пей, умывайся, ложися. В третий же день с Москвы ведомо, государь царь Иван Васильевич бояр своих ближних и дьяков казнил многими муками двесте человек. Пища же его – бежучи, ухватит полуденежной колачь, и ухватит зубы своими, и держа в зубах, весь колачь исчиплет и розмечет, а что в роте, то была у него пища, и преставися без мене, положен на монастыре у Вознесения Господня против гроба Исидора чюдотворца, и на нем цка подписана.
Святый же Иоанн Власатый преставися в лето 7089-го сентября в 3 день, по повелению же его по трех днех вдовицею и отцом духовным погребен за градом у священномученика Власия за олтарем. И быша знамения велия и чюдеса многа, и громи и молнии, и пожжение домом и церквам. По преставлении же его вернии приходяще ко гробу его и доднесь, молебная совершающе к Богу и ко пречистой Богородице, и ко Иванну Предтече честнаго его собора, и пев молебен, и воду святив, и от гроба его приим персти, и положив во святую воду, и болящему дающе пити, и по всему телу его мажуще, и здрави отхождаху в домы своя. И святую воду и персть в домех своих болящим подающе пити, истирахуся, и здра(ви) бываху, не токмо человеци, но и скоти.
Ащели коему болящему по трех днех облегчения Господь не подаст, да посему уразумевают, и душа своя устрояют, и житие свое исправляют, к вечному блаженьству прелагаются.
Чудо 1-е
Некогда же ростовскому митрополиту Кирилу в старости своей от многаго труда и подвига и всенощнаго стояния и соборнаго пения, и коленнаго ради поклонения, впаде в недуг и отяся рука и нога, и всею плотию ослабе, ничим же не владе, и с места на место не можи преходити, но ни двигнутися, но точию в креслех его и в церковь приношаху. И многое время не литоргисаше, и отчаяся своего святительского престола, и ожидаше собе сего света к Богу отшествия, молитва же его к Богу от уст безпрестанно изходяща, и ко пречистой Богородице, и на помощь призывая ростовских чюдотворцов, да бы Господь Бог подал ему разрешение от недуга. И многое время пребысть в том недузе, и не презре Господь моления его, и внезапу возвещено бысть ему митрополиту о сем блаженнем Иванне Власатом, по многонародному же речению, о милостивом Иванне, како многонародное множество приходяще ко гробу его, и молящеся Господеви, пречистой Его Богоматери и крестителю Господню Иванну Предтечи честнаго его святаго собора, поют молебны и воду святую пив, и от гроба его взяв персти, и во святую воду влагающе, приобщаются, и всю плоть свою со святою водою стирают, и исцеление приемлют от Господа.
Митрополит же сие слышав от многих, зело порадовася, и повеле себе нести ко образу Иванна Предтечи и ко гробу Иванна Блаженнаго, и гда достигох и узре образ Спасов и пречистыя Богородицы и Иванна Предтечи, и гроб блаженнаго Иванна Власатого, нача молебная творити к Богу (сле)зы точа, яко струя, прося милости о исцелении. И егда нача чести святое Евангелие, и в той час митрополит пременися от недуга, и нача в себе всем владети. И вси людие видев, радующеся, хвалу воздая Христу Богу нашему и пречистой Богородице, и Предтечи Иванну, и блаженному Иванну Власатому и отиде от гроба здрав, радуяся. Видев же во граде вси люди митрополита здрава, хвалу воздаяху Богу нашему и Пречистой Богородице и Иванну Предтечи, и угоднику их блаженному Иванну, и проводив до кельи, и благословение получив, отиде в домы своя, радуяся. И нача литоргисати митрополит, якоже бе и прежде, и поживе едино лето и месяца шесть, и служа литоргию, отиде ко Господу.
Чудо 2-е
Царскаго дворцоваго села Поречья крестьянина Михаила (…) жена именем Агрепена впаде в недуг, язык и рука отяся, и многи дни пребысть в той болезни. И слышах о сем блаженном Иванне, яко мнози к нему приходяще болезнении, и здрави отходят, языку ж ея отнюдь не могий проглаголати, токмо слышанна е помаванием руки. Родители ж ея уразумеваху, яко в град повеле себя вести. Во граде же помаванием по церквам. И дойде до церкви святого Власия. И узре гроб блаженнаго Иванна, и повеле молебен пети Иванну Предтечи. И кончав молебная, и взем иерей от гроба святаго перьсти, и вложи ю во святую воду, и повеле ей пити, она же со тщанием выпи. И пад ко гробу, лежа на долг час плачася. И внезапу воскрича велиим гласом: святый Иванне, помози ми. И абие язык ея разрешися, и рука бысть здрава, якоже и другая. И всем бысть радость ту предстоящим, приимши исцеление и славя Бога и угодника его блаженнаго Иванна, и пойде в путь свой, радуяся.
Чудо 3-е
Града Ростова некая жена Анна Божиим посещением всеми составы разболеся, не можи ничим двигнути, и бе год, и нога ея прикорчися к седалищу. Плотию же оздраве, и ползаше по земли, и Христовым именем питаяся, ко гробу ж блаженнаго Иванна приползаше, и моляся, прося от Бога милости исцеления. Некогда ж приползше к заутрени, и седе близ гроба святаго Иванна, и моляся пилежно, плачющеся, и егда нача пети славословие, таже вдова Анна возопи велиим гласом, и лежа на земли, и превратися, нога же ея распростирашеся и скорчевашеся, и бысть безгласна мног час, и помалу аки от сна возбудися, и воста на ногу здрава. Она же вопияше и призывая угодника Христова Иванна блаженнаго, и получив исцеление от Бога, поиде в дом свой, радуяся и славяще Господа и угодника его Иванна блаженнаго .
Чудо 4-е
Града Ростова Богоявленскаго монастыря и чудотворца Авраамия крестьянин Второв игольник, заняся у него горло и не могий проглаголати и от того недуга бе на нем пухота велия, глава же его бысть аки пузырь, вся обтекла и весь бе раизслаблен, и приведоша его ужики ко гробу Иoaннa блаженнаго, и повеле молебен пети Иоанну Предтече и отпев молебен иерей святою водою главу и его окропив и от гроба взем персти и вложив во снятую воду и дата ему питии, испившу же ему и воскашлявшуся и вельми воскричавшу и из горла и изо уст его рыгнул злосмраден гной яко яицо на землю, ту же предстоящим многим дивящимся такой великой болезни и Божию чудеси, той же человек приим исцеление от Бога отыде в дом свой радуяся, славя Бога и угодника Его блаженнаго Иоанна.
Поведано же бысть ведущими яко и при благочестивом царе Феодоре Иоановиче всея России о многих чудесех возвещено бысть во дворце священника Максима челобитною.
Да при Царе Государе и Великом Князе Михаиле Феодоровиче всея России возвещено бысть священником же Иоанном о многих чудесех бывших у гроба святаго челобитною же и выписка у подячего есть де; митрополит же в Pостове сказывают слыша таковая Божия чудеса и угодника Eго повеле чтобы иерей писал Государю.
Гость Михаило Гурьев видeв милость Божию над собой и надо всем домом своим исцеления многая над гробом Иоанна блаженнаго церковь Власия поставил и всем устроил.
Чудо 5-е.
О чудесех же Божиих и Пречистыя Богородицы и великаго Иоанна и блаженнаго Иoaннa власатаго поведа Богоявленскаго монастыря и чудотворца Авраамия старец Мануил Светиков со ста пятаго году, егда сочетася законному браку и бяху по 149 год находящия нань тяжкия скорби и лютыя болезни смертныя, на него и на жену его и на дети и на рабы его, и на работницы, огневицы, гнетеницы, трясавицы, нутреницы, главныя, зу6ныя и кровоточивыя и скорчевныя и многия болезни находящия притекаху, и привожаху и приношаху яко мертвыя ко святей церкви священномученника Власия и ко гробу блаженнаго Иоанна власатаго его самого, и ту к Богу и Богородице и ко Иоанну Предтечи молебная совершив и. святую воду пив и от гроба Иоанна власатаго персти взяв и в той же сосуд соединив и пив всю свою скорбь вытре и здрави отхождаху в домы своя, славя Бога и пречистую Богородицу и крестителя Господня Иоанна и угодника их Иoaннa блаженнаго власатаго. И бе ту чудес 35; аще же по триех днех коему не будет облегчения и той да сподобляется ко гробу.
Чудо 6-е.
Ныне же аз окаянный калугер поведаю Божия чyдeca, восприяв мнишеский чин два года, и: за злая своя согрешения многи болезни приях молитвами чудотворца Авраамия исцелевал; прииде; же на мя скорбь, из утробы устами кровь пойде, яко же кто кровь пущает из под рожка, и о сем молих чудотворца Авраамия и. помилован бых отбольшой крови, но токмо с храхотиною по временам кровь шла и потом по мале время мину и паки по прежнему кровь из уст пойде и аз помолихся чудотворцу Авраамию и вниде ми в помысл той Иоанн власатый яко в миpе многа исцеления от святыя воды и от персти его приимаху и посла к священнику Власьевскому на молебен и повеле петь и принести к сeбе со святою водою и с перстию сосуд месяца Июля в 11 день и Власьевской священник Иоанн прииде ко мне со святою водою и с перстию и прочитав тропарь и кондак Предтечи Иoaнну и пив воду и утробу свою тря, и преста кровь молитвами блаженнаго Иоаннаа власатаго, и оздраве в той час.
Чудо 7-е.
Июля в 11 день привезен бысть ко мне в келлию при смерти племянник мой Петр Яковлев сын Парфенев, лихорадкою одержим; только душа, в нем, повеле ему у чудотворца, Авраамия; молебен петь, а ко Иоанну власатому ехать де невозможно и обещася впредь и повезен в судне еле жив дом свой и на пути бысть облегчение, потом же приехав ко мне и благодарив Бога яко есть облегчение болезни его и поуправяся в доме своем буду де милости просить у чудотворца Авраамия и у Иоанна блаженнаго.
Чудо 8-е.
Того же дни известил Петра царевича игумен Леонтий: 157 года скорбел трясавицею больше полугода и молебен пев и терся здрав бысть и после того начат литургисати и письмо дал своею рукою.
Чудо 9-е.
Гордеев Калистрат Алексеев обдержим бысть болезнию велиею лет седмь и милостию великаго Бога и угодника Его Иоанна власатого здрав бысть.
Чудо 10-е.
Было исцеление ноября в 21 день от Иоанна власатого девице Матроне Трясловой, очима не видела, и молитвами святаго получила исцеленiе.
Чудо 11-е.
Ростовскаго уезда великаго Государя дворцоваго села Великаго церкви Рождества Богородицы, попов сын Анисим волею Божиею очима заскорбел года с полтора; и того села священник Иоанн отец его родной и с женою своею и с ним, Анисимом сыном своим обещался помолитися к чудотворцу Иоанну милостивому Ростовскому чудотворцу и во 171-м году маия в 23 день приходили в Ростов помолитися к чудотворцу Иоанну милостивому и от того времени святыми его молитвами очима исцелен бысть и писание он Анисим своею рукою дал.
