Служба Святому Патрику, просветителю Ирландии
На вечерне: Стихиры, глас 1:
Дубравы и холми Ирландския земли ,/ возвеселитеся, / езера и рéки, взыграйте, / себо прибли жися вам благословéние / и окроплéние свыше/ благодатию Божиею,/ грядéт бо к вам просвети тель ваш/ и отéц духовный,/ ко апостольству Богом призванный, / и ревнитель вéры правосла вныя // Патриче, во святителех славный.
Вопиéт Патрик святый/ ко новопросвещéнным христиа ном:/ внемлите, чада моя духовная, / аз вас родих Евангельским словом, / обручих вас яко невéсту/ Христу Богу, / стойте убо в вéре / и исповéдуйте ю небоязненно, / противоборения языческаго не убойтеся, / да Бог вам Помощник великий // и Покровитель явится.
Вéлия твоя вера, / святителю Патриче, / се бо отéчество твоé/ и страны , Христом просвещенныя, оставль,/ в зéмлю, во тьме язычестей пребывающую,/ потекл еси , / благовéстие Христово// принося заблуждающим, / и не отступил еси,/ дондеже в вéру православную/ зéмлю всю обратил еси , // тéмже тя достойно восхваляем.
Слава, глас 8
Кто изречéт болéзни и борéния,/ яже претерпéл еси, Патриче,/ проповéдуя слово Бо жие/ во тьме язычестей седящим;/ кто изочтéт капли слéзныя,/ яже нощию проливал еси, / в пустынном уединéнии моляся,/ страхования от зверей дивиих/ и навождений диавольских не убоялся еси,/ прогоняя тыя / силою Креста Господня, // его же над всéю землéю Ирландскою побéдно водрузил еси .
И ныне, глас той же
На стиховне Слава, гл. 2:
Отéчествие Небéсное возлюбив / и того достигнути желая, / отéчествие земное оставил еси / и в землé чуждей/ новыя люди духовно породил еси, / отéц истинный тем являяся / и Господу взывая: / се аз и дéти, // яже дал ми еси .
И ныне, глас тойже
Мати Божия и Мати христианом, / на Твоя чада умилосéрдися,/ аще бо и согрешаем,/ но в покаянии зовéм:/ не остави нас, сирых,/ но руце Твои простри нам, // изводящи нас на путь спасéния.
На утрени: Тропарь глас 3
Святителю Патриче,/ равноапостольный чудотворче / просветителю Ирландския страны, / моли Милостиваго Бога / оставлéния прегрешéний дарова ти // душам нашим.
КАНОН, Гл. 4,
Егоже краегранесие: «ПЕЧАТЬ ТВОЕГО АПОСТОЛЬСТВА ИР-СТИИ ЛЮДИ.»
Песнь 1
Воспою Тебе, Господи Боже мой / яко извéл еси люди / от работы Египетския / и покрыл же еси // колесницы фараоновы и силу.
Проповéдниче равноапостольный, / словом Богодухновéнным и житием слово утверждая, / извéл еси люди Ирландския, якоже Моисéй из Египта // от тьмы языческия ко свéту вéры Христовы.
Ереси Пелагиевой противоста в мужественне, / благодатную силу Христову являл еси людем, / просвещая цари и князи и всяк возраст и чин, // приводя же их во ограду церковную.
Что убо речéм, Патрика святаго воспоминающе, / рéвность ли его апостольскую восхвалим, / озлоблéнием ли и прещéнием, яже претерпéл есть, подивимся, / труды ли и подвиги и смиренномудрия глубину воспоéм, // таже Христа Бога, силу Свою избранному Своему к совершéнию всех сих подавшему, просла вим.
Богородичен:
Ааронов жезл процветый,/ купина несгораемая / прообразоваша Тя, Невéсто Неневéстная, Дéво Богородице, // воплощéнию Слова Предвéчнаго послужившую.
Песнь 3
Утверждéние на Тя надéющихся, Христé Боже / в вéре православней Твоей / утверди нас // яко Человеколюбец.
Терпéнием мно гим / добродéтели стяжал еси, / дéлом слово / проповеди твоéй утверждая // во славу Божию.
Телéсная озлоблéния / и искушéния многоразличная / и уничижéние претерпевая, / неустанно на нивé Христовой / трудился еси , Патриче, / неотступая, нижé смущаяся,/ но в вéре и надéжди / на помощь Божию // утверждаяся.
Веждем твоим дремания/ и тéлу упокоéния / не давал еси, святителю / неустанно горы / и долы земли Ирландския преходя , / вéру и стинную насаждая // и новообращенныя люди наставляя.
Богородичен:
Отрада и Утешéние подвиза ющихся, / апостольская немолчная уста , / Ты еси, Владычице, / но даждь нам,/ нищим и убогим,/ Тебé вмéсто даров достойных // пéние сердéчное приноси ти.
Седален, гл. 7:
Писаний свящéнных рачителю, / в Слове Божием поучался еси неленостно, / душу твою от сего источника Божéственнаго напояя / и разум мудростию небéсною питая, / тéмже и преподал еси учеником твоим Богооткровéнную истину, // яже и в писаниих твоих запечатлéл еси.
Песнь 4
Твоего на земли явлéния, Христе Боже / проповéдая пророк пришéствие / с весéлием вопияше // слава силе Твоéй, Господи.
Оленю на горах Ароматских подобяся, / горы и холми обтекал еси, цéркви созидая и христианы в вере православней наставляя, // в места же пустынная уединяяся, непрестанно молился еси, во еже новому стаду твоему спастися.
Грехолюбивый мир от юности твоея оставль, / во обителех монашеских Мартина славнаго и ученик его воспита вся, / в послушании же и научéнии лéта многа пождав, / жезл пастырский смирéнно приял еси , взывая: // сла ва си ле Твоéй, Го споди.
Овцы пажити твоея созывал еси гласом евангельским / и во дворы церковныя сия управлял еси, / истинный па стырь тем являяся, // иже душу свою за овцы своя полагает.
Богородичен:
Ангельское привéтствие приносим Ти, / Благословéнная Богородице, / радуйся, Благодатная, // Госпо дь с Тобою.
Песнь 5
Возсиявый свет и просветивый утро / и показавый день/ слава Тебе, слава Тебе, // Иисусе, Сыне Божий.
Просветил еси , Патриче, землю Ирландскую / свéтом учéния Христова,/ о новоизбранном стаде твоéм веселяся/ и Богу славу воздая.
Отвéрзл еси очи умная, прежде невéрием ослеплéнная,/ и же во тьме невéжествия пребывающих/ и тыя подвигл еси // со всéми вéрными Христа Спаса славити.
Сытости не зная, проповéдал еси вéру православную, / настоя и научая во врéмени и безврéмении со слеза ми мно гими, / Христу Богу, помогающему ти вопия: // слава силе Твоéй, Сыне Бо жий.
Богородичен:
Тьму отгнавшая и Солнце Правды миру возсиявшая,/ Богородице Марие, // зловéрия нощь от мира отжени .
Песнь 6
Возопи , прообразуя погребéние триднéвное / пророк Иона в китé моляся / от тли избави мя // Иисусе царю сил.
Обижаем не противоглаголал еси/ и уничижаем смирялся еси,/ образ являя учеником твоим,/ тéмже и возвеличи тя, Господь, // Патриче.
Льстивым кознем диавольским противоборствуя,/ не убоялся еси прещéния / волхвов нечестивых, / Христову вéру безбоязненно проповéдуя/ и взывая: / от сетей их избави мя, // Иисусе, Царю Сил.
Скорбь, и тесноту,/ и горькое рабство/ в юности твоéй претерпéв, / егда пленéн был еси, Патриче,/ по гласу же Господню / свободу получив, возопил еси: // слава Тебе, Иисусе, Царю Сил.
Богородичен:
Ты еси обидимых Помощница, / Ты еси пленéнных Свобождéние,/ Твои бо мольбы, Приснодéво Владычице, / приéмлет присно Сын Твой // и Бог наш.
Кондак, глас 4:
Показался еси/ и стинный ловéц человéков, / мрежи бо благовéстия евангельскаго простéр, / уловил еси языки / во Царствие Христово, / Крещéнием просвещая / во тьме поклонения идольскаго пребывающия / и тех сотворяя чада Живаго Бога; / сего ради молим тя: / предста тельствуй, отче Патриче, // о чтущих святую память твою.
Песнь 7
Авраамстии иногда в Вавилоне отроцы / пещный пламень попраша / песньми взывающе // отец наших Боже благословéн еси.
Видéний Богооткровéнных зрителю, / Патриче святителю, / послéдовал еси призывающему тя Божию Гласу, // иже тя посла люди новыя ко истинней вéре обратити.
Ангельский образ от юности твоея восприим, / рéвновал еси о насаждéнии жития монашеского в новопросвéщенной земли, / обители многия повсюду созидая и Господу поя: // отéц наших Боже, благословéн еси.
Ирландская земля тобою хвалится / и память твою чтит, Патриче, / но и мы, от Востока пришéдше, усердно тя в молитвах призываем, // Господа о тебé благодаряще и вопиюще: благословéн еси, Боже наш.
Богородичен:
Рабов Твоих мольбы приими и ныне, Всенепорочная, / якоже дрéвле молéния к Тебé прибегающих слушала еси, / Ты бо вчера и днесь и в вéке грядущем // Едина милостивая Заступница являешися.
Песнь 8
Царя Христа , Его же исповéдаша / пленéннии отроцы в пещи / глаголюще вéлиим гласом // вся дела пойте Господа.
Сéятель добрый явился еси, святителю Патриче, / ниву благоплодную Христу возрастив / и люди новопросвéщенныя научая вопити: // вся дела пойте Господа.
Твéрдое вéры Христовы основание положив, / созидал еси без числа храмы и обители иноческия, / в нихже труждающихся подвизал еси вопити: // вся дела пойте Господа.
Иерéи Божия поставлял еси и по всей земли посылал еси тех на служéние,/ яко да утверждают в вéре, тобою проповéданной, / люди новоизбранныя, благодарне зовущия: // вся дела пойте Господа.
Богородичен:
Иновéрческая заблуждéния и еретическая шатания осуети , / вéрныя же во истине утверди , // тайно научающи их, Владычице, Бога православно воспева ти.
Песнь 9
От земнородных Рождшися / и Творца Рождшая / наша Похвало , Богородице Чистая // Тя яко владычествующую тварьми, величаем.
Лéтнюю па мять твою, Патриче, совершающе / и апостольския труды твоя восхваляюще, / от Востока и Запада сошéдшеся, // единодушно тя величаем.
Юность твою Христу в жéртву принéсл еси / и до старости Тому служил еси, святителю, / апостолом поревновав и преподобным подражая, // тéмже тя велегласно величаем.
Дубравы и холмы земли Ирландския молитвою твоею освятил еси / и слезами многими новонасаждéнную ниву Христову орошал еси, / да возрастéт и сторичный плод принесéт, // тéмже труды твоя и рéвность по Богу величаем.
Богородичен:
Ирландскую зéмлю и всякую страну христианскую попечéнием Твоим не оставляй, Богородице, / с Патриком святым Сына Твоего Божéственнаго умоляющи, / да вся помилует и спасéт // непрестанно Тя величающих.
Светилен, гл. 3
Нощь языческую просветивый свéтом Христовым, Патриче, во свéте невечéрнем ныне пребываеши, на Солнце Правды взирая и моляся непрестанно, да возсияет во всем мире трисолнечный свет Православия.
