Акафист семи отрокам Ефесским на церковнославянском языке гражданским шрифтом с ударениями.
4/17 августа и 22 октября/4 ноября православная Церковь чтит память семи отроков Ефесских, живших в III в.
Имена семи ефесских отроков: Максимилиан, Иамвлих, Мартиниан, Иоанн, Дионисий, Ексакустодиан (Константин) и Антонин. Православные молятся им при бессоннице, особенно о младенцах неспящих.
Тропарь семи отроков Ефесских, глас 4
Велия веры чудесе,/ в пещере, яко в чертозе царском,/ святии седмь отроцы пребыша,/ и умроша без тли,/ и по мнозех временех восташа, яко от сна,/ во уверение воскресения всех человеков.// Тех молитвами, Христе Боже, помилуй нас.
Ин тропарь семи отроков Ефесских, глас 8
Благочестия проповедники и Воскресения умерших изобразители,/ Церкви столпы седмочисленныя,/ отроки всеблаженныя песньми восхвалим:/ тии бо по многих летех нетления, аки от сна воставше,/ всем возвестиша яве мертвых востание.
Кондак семи отроков Ефесских, глас 4
Мира сущая тленная презревше/ и нетленныя дары приемше,/ умерше, кроме тления пребыша./ Темже востают по многих летех,/ все погребше лютых неверие,/ яже во хвалении днесь, вернии, восхваляюще,// Христа воспоим.
Ин кондак семи отроков Ефесских, глас 4
Прославивый на земли святыя Твоя/ прежде втораго и страшнаго пришествия Твоего, Христе,/ преславным востанием отроков/ показал еси Воскресение неведящим е,/ нетленна одеяния и телеса явив,/ и царя уверил еси вопити:/ воистинну есть мертвых востание.
Величание
Величаем вас, святии седмь отроцы, иже во Ефесе, и чтим святую память вашу, вы бо молите за нас Христа Бога нашего.
Молитва святым семи отрокам во Ефесе
О, пречуднии святии седмочисленнии отроцы, Ефеса града похвало и всея вселенныя упование! Воззрите с высоты небесныя славы на нас, любовию память вашу чтущих, наипаче же на младенцы христианския, вашему заступлению от родителей своих препорученныя: низведите на ня благословение Христа Бога, рекшаго: оставите детей приходить ко Мне: болящия убо в них исцелите, скорбящия утешите; сердца их в чистоте соблюдите, кротостию исполните я, и в земли сердец их зерно исповедания Божия насадите и укрепите, во еже от силы в силу им возрастити; и всех нас, святей иконе вашей предстоящих, мощи же ваша с верою лобызающих и тепле вам молящихся, сподобите Царствие Небесное улучити и немолчными гласы радования тамо прославляти великолепое.
